¹ A sindana bo na Yelusaleme, pe ba imei ta Betisade, mbuti na mono mo bilaya, Yesu a loma ba yekoji ba baye, ² boba baleya boo:Keeni a ngando iye edi boso bonu; o tanenealeni punda a tingami, pe na mwana amoti nande; mo tungojani, pe lweni mbi. ³ moto aka wajano, osombejeni boo: kumu a sengeli nande. Pe na ngonga yena aba kina ba kei. ⁴ Njokande, iyena e imeyaka tina bo ekokejame makambo ma tondomo namosakoli: Bala na mwana mwali o siona: inja, mokonji owe adi aduwa adi owe, adumi na bwembu, akondi diko ji mwana punda, diko ji punda, yenge o punda omoti. ⁷ Ba doi na punda na mwana omina, ba bakeyi diko jibu bi senja bibu, pe ba layeji Yesu diko ji mina. ⁸ Bato bula a tei ebu ba inda bisenja bibu diko ji njeya; bakina ba nena bi tape bi mele, pe ba pupola njeya. ⁹ Iba ba noko boso pe iba ba susaka Yesu ba gamaka: Hozana na mwana oda widi! A pambolame iyo oduwaka na kombe ekumu! hozana ta bisika bi diko1 ¹⁰ A kweya yo ta Yelusaleme, engumba esusu ekumana, pe ba bala: iyo adi yani? ¹¹ bato ba sombeji: Edi Yesu, mosakoli, o Nazaleti pe na Galilai. ¹² Yesu akweyi ta tepelo e Njambe. A bengani ba susu ba daka ba teke pe ba sombaka atei etepelo; a kukoji mesa maba sombejani, pe na kiti jiba teki ba bibenga. pe aba bali: ndako embi ebeyamaka ndako ebo wonga sambo. Kasi ino, okomejini ndako eba yibi. ¹⁴ Bato ba misoma gwake pena bato ba ndoke ba sndi mbuti nande a tepelo. Pe aba yeleji. ¹⁵ kasi ba tumbeli ba mbeka naba komeli ba diya kele, atina makambo mapele makoko yo, pe na biyenge ba gamaka atei e tepelo: Hozana na kombe emwana o Dawidi! ¹⁶ Ba bali nande: Odi boka elenge ebalaka boo? Hii , Yesu asombeji bo. O ilangani meko miyate: oka diya lokumu ta mi noko mi benge pe iba badi ba nunga? ¹⁷ Pe, aba kina yo, a sotoi ta engumba tina ebo keke a Betania, owoo awye yo. ¹⁸ Nasobusa, abosombo bonde ta e ngumba, a lia nja. ¹⁹ A njeni mopombi a njea, asindani; kasi ataneyi koko kasa, pe abali namo: Mbuma ita sombo bo boto nawe! Pe kona ewole yena mopombi mokakana. ²⁰ Ba yekoji, ba neke bowa, ba kamwa, pe ba bala: ta ndani mopombi mokakani koko na mbala? ²¹ Yesu aba sombeji: Na baleini soti , oka dani na edimeli pe oisitini kite te, pepe boo okoeyeni imi mikomi na mopombi, kasi oka balabini na mono mumu: jangowa yana pe okwe ta luwa, iyena ekomolea. ²² Misusu miwajabino na edimeli adi tata, odiyabini. ²³ Yesu akei ta tepelo, pe, a ewole edakayo ateya, ba kumu ba tumbeli ba mbeka naba bange ba bato ba doi bomo bala: Na ndingesa e ndani soko we okoko makambo maya, pe epiwe bokumu buwa ndani? ²⁴ Yesu aba sombeji: Na pakanoni ikina iwojo; pe, oka paani mbi eyano, na balanu na ndingisa ndani na koko makambo maya. ²⁵ Libatii li Yoane, lidonga na njeya ndani? adiko, to adi bato?Kasi ba yimiyimi atei ebu; Boka paa eyani bo: Adiko, abalalea nasu bobo: tina boni oidimani yo te ? ²⁶ Pe boka pa eyano bobo: adi bato , Bo bwani bo bange bato,te ngasa basusu bajebi Yoane elenge e mosakoli. ²⁷ Na bowa ba pii Yesu eyano: Iso bojebiti te. Pe abli yo mene:Te mbi pepe, na balakateani te na bokumu ndani na koko makambo imama. ²⁸ Atei enu basusu? Moto moti adaki na bana ba baye; pe,abali na oboso, mwana mbai keke okoye mosala bosebu ta gbiye e vino. ²⁹ Abali bo: na paliti . Pe ngongo, a wongiti bo limbeja, pe yo koko akei. ³⁰ Abala na okina, abala koko eka yena. Pe mwana yona abali: napali bopele, Kumu.Pe aike te. ³¹ moto ndani atei ebu iyo okoi posa e tata? Ba paka eyano bo: O boso. pe Yesu abali nabu? na balakani soti, ba komeji ba mibeko naba ba ndumba ba dabi boso ta bo kumu bo Njambe. ³² te ngasa Yoane adoi nanu na njeya emibeko, pe ino omodimeitini te. Kasi ba komeji ba mobeko naba ndumba bamo dimei; pe ino, ibaya ba aneke, o iyombejani milema minu tina ebo dima nande. ³³ Akani ikina isese. Edaka na moto omoti, kumu ondako, iyo onaka vino. A jingi na hai, a pusoi mombondo momoti, pe atongi inongi limoti; pe alumeji na vino, alowa akina ekolo. ³⁴ A imeya ewole ebo toaka mbuma, aloma sali bande adiba ba batweli ba vino, poji bo tomba kona ji vivo jinde. ³⁵ Ba toeli ba vino, ba peyi ba sali ba bomi omoti, ba waka okina, pe laki mabanga oba sato. ³⁶ A loma nikina ba sali, bodolowa motuya mo boso; pe ba toeli ba vino ba batuwa elenge emoti. ³⁷ Asuka, aloaloma adi boo mwana onde, na bo bala: ba dialea botosi na tina e mwana ombi. ³⁸ Kasi, ewole eane ba toeli ba vino mwana, ba balani ateyi ebu: Inja mo sangoli; duani,bomo weeni, pe bo like na libu jinde. ³⁹ Pe ba kwii diko jinde, ba molumbi bo wali na vino,pe bamo wa. ⁴⁰ Leliye, ewole eimeybi moswa o vino, akoleya boni naba btoeli baya? ⁴¹ Bamo sombeja: awabi na saya penja bato ba mawa baya, pe apaleya vino naba batoeli ba kina, iba bamo pakaleya mbuma na ewole ebo twa mbuma. ⁴² Yesu abli nabu: O ilangani ta misono: Litai li lumba iba badaka bo tonga li imeyi litayi li suka e ndako; edi nde na njeya e kumu litayi liwula, Pe edi okamwa ta miso masu? ⁴³ Na tina emina,nidi obalani, bokumu bo Njambe bo longabi atei enu, pe bo pamalea na ekolo ekina ebwani opa mbuma. ⁴⁴ Moto iyo okwaleya diko ji litai lia abukeanaleya, pe iyobo li kwaleya diko jinde a punjoana lea. ⁴⁵ Ngongo ji boaka meko minde, Ba nganga ba tumbi ba mbeka pe ba falizai ba doa jeba bo edi koko nabu soko Yesu abalaka, ⁴⁶ Ba lukaka bo bamo peye; kasi ba bangaka bato bula, te ngasa bamo tombaka elenge emo sakoli.