¹ Yesu,a tombi meko, aba balei naikina na masese, pe abali: ² Bokumu bodiko bokowani na mokonji ommti okoko enyanga na tina e mwana onde. ³ A lomi basali bande ba beye iba babeyamaka ta eyanga; kasi bai dima bo duwa te. ⁴ A lomi naikina ba sali bakina, bobalaka: balani na ba beyami: Injani, na bongeji likita jimbi; ngombo na tito bambi ba mine ba gwii, esusu bo dii mbuti, duwani a enyanga. ⁵ Kasi, janga ebo imaima na bo beyama, ba keyi, omoti na omoti a gbiye ende, iyona na mongeli monde, ⁶ pe ba kina ba peyi basali, ba ba nyokolo pe ba baweyi. ⁷ Pe mokonji aduma na kele; pe adomi bato bande, ba weyi ba weli baya, pe ba ba tumba bi ngumba bibu. ⁸ Na bowa a bali na basali bande: leka bodi mbuti; kasi ba beyami bai daka sembo te. ⁹ Keni a mataka injeya, pe obeyeni basusu ba taneya nu ta taka ji njeya ta enyanga. ¹⁰ Ba sali baya ba keyi ta ba njea, pe basangeji basusu ba taneaka bo, bato ba kele, pe ba pele, pe ndako e enyanga eduma gbo na ba beami. ¹¹ Mokonji alweya tina eboinja iba ba daki ta meza, pe a inji moto omti iyo oidaka na esenja e enyanga te. ¹² A bali na nde: Mwaninga, tina boni okwei iya pepe esenja e enyanga te? Moto yo adika monoko modipamake. ¹³ Bowa mokonji abali naba sali: Mo kwekeneni mako na momo,pe molumbani ta molili mo sokolu, ani biyo na bokokalana mino edi. ¹⁴ Te ngasa ba beyama badi bula, kasi ba womo badi bakeke. ¹⁵ Na bowa ba falizai bakeke ba akana atei ebu atina ebo kamoja Yesu diko ji meko minde mene. ¹⁶ Ba lomi adi nde bayekoji babu esika emoti naba iba ba helode, iba ba balaka: Kumu, bojebibo odi soti, pe odi boteya njeya e Nzambe na soti, janga bo obange moto, te ngasa oditi biinja bo nene bo bato. ¹⁷ Baleya so eka ndani ekwana na we: edimami boo, to pepe, ebo futa pako adi Kaisala? ¹⁸ yesu, bojeba kele ebu, asombeji: tina ndani odi omekani mbi, mayele mabe? inejani mbi makonja ndani ma futakanu na pako. Pe bamo ineji pata emoti. ²⁰ Aba waji: Bosobu boyani pe na ,misono mimi? ²¹ Mi Kaisala, bamo sombeji bowa.Pe ngongo abali nabu: pani na Kaisala iye edi e Kaisala, pe na Njambe iye edi e Njambe. ²² ba kamwaka na iye ekakabu, bamo tia pe bakei. ²³ Ko ta lisu liya, ba sadukai, iba ba balakabo bosekwa boditi, ba dowa ali Yesu, pe bamo waji iwaja lili: ²⁴ moize abala: Ekadabo moto agwi pepe bana, ngene onde atombaleya mwali bojenge na moki, pe a ngojobi libota likina tina e ngene onde. ²⁵ Njokande, ateyi esu edi na ba ngene sambo. Oboso ako moki, pe agwa; pe, elenge a idaka na bana te, akina mwali onde na ngene onde. ²⁶ A koko elenge emoti na oba baye, kino na iyo osambo. ²⁷ Ngongo ba susu, mwali pe agwi koko. ²⁸ A lisekwa,atei bobo sambo mwali adabi o ndani atei ebu? Te ngasa basusu bamo diya. ²⁹ Yesu aba sombeji: odini atei e libunga te ngasa ojebitini bo sosolo misono te, nongo na pipo e Njambe. ³⁰ te ngasa, li sekwa, bami ba sambabiti na tina e bali te, to pe bali na tina bami babu te, kasi badabi elenge e banjelu ba Njambe a diko. ³¹ Na tina e isekwa iba bagwake, o ilangani iye e bala Njambe: ³² Nadi Nzambe o Abalayama, Njambe o Izaka,p Njambe o Yakobo? Njambe aditi Njamba bagwa te kasi obato ba bo moi. ³³ bula, iba ba kaka, babomama na ma teya ma Yesu. ³⁴ Ba falisai, akaa bo adayeja ba sadukai bogo, ba sangana, ³⁵ pe omoti obu, molakiji omi beko, amo waji liwaja lili, na tina ebo momeka: ³⁶ Molakeji, mobeko monene momo beko? ³⁷ Yesu amo sombeji: O dimiye kumu, Njambe owe, na molema mowe mosusu, na elimo ewe esusu. ³⁸ Edi mobeko moboso pe modoloi monene. ³⁹ Pe inja mobeko mo mibaye, imu mo kwani na muwa: O palabi mina owe elenge ewe mene. ⁴⁰ Na njeya e malako maya mi baye ewokeyaka mobeko mosusu pena ba sakoli. ⁴¹ Elenge edaka ba falisai esika emoti, yesu aba waji, ⁴² na bobalaka: Okanisakani yeni na tina e klistu? Adi mwana oyani? Ba sombeji Mwana o Dawidi. ⁴³ Pe yesu abali nabu: Poji yeni Dawidi, alomama na mwembo mosenwake, amo beaka kumu, ewole ebala yo: ⁴⁴ Kumu abali na kumu ombai: wee da ta ebo embi emomi, kino boo na imeyeje ba nguna babwe eputeli ewe? ⁴⁵ Ekadabo Dawidi amo beyaka kumu, tina boni adaye mwana onde? ⁴⁶ Moto a imosombeja loyi imoti. Pe, banda lisu liya, moto omoti a ipala bomo waja .