¹ A ehole yena, Helode o tetalako, akayo bo bala na tina e Yesu, ² a bali na ba yekoji bande; Edi mene Yoane mo batisi ! a sotoi atei e bato bagwa, na tina emina akoko nande makamwisi. ³ Te ngasa Helode apejaka Yoane, amo kwekeneke pe amoisi ta boloko, natine emwali Helodia, ngene onde, ⁴ te ngasa Yoane amo balaka: O bwanti bomo tomba yo mwali owe te. ⁵ A lukaka bo amo woe, kasi abangaka bato, ba injaka Yoane elenge mosakoli. ⁶ Njoka nde, a ewole eb sepa biyanga bi mbotama e helode, mwana mwali o Helodia abuwa ta boso bo ba dowa, pe esepeja helode, ⁷ kinobo a buneji na mbuno ebo mopa eka ndani ewojolea yo. ⁸ Na bo lomama na nangwa nde, a bali : Pani mbi iya, atei e saani, molo mo Yoane mobatisi. ⁹ Mokonji aluma na wa; kasi, diko di ndai ende pena ba paya, a jimeji bo bamo pe molo mo yoane, ¹⁰ pe aloma balene molo mo Yoani atei e booko. ¹¹ molo monde motombana atei e saani, na bapa adi yenge mwali, na akee nayu adi nango onde. ¹² Bayekoli ba Yoani badua atomba mokuku monde, pe bamopusea. Pe bakee atondo adi Yesu. ¹³ Na sango emina, Yesu akee hoo atei e bwato, tina e bosagbula ta ekina esika ta lisobe ; pe bato bike, ekabo, baimana ta engumba na bamosusana na mako. ¹⁴ ehole aimana yo ta bwato, ane bato banene, pe alumaka na posa ebu, pe aheleja bato ba bipeko. ¹⁵ Momoko ameya mo, bayekoli basalinda nande, pe babala : Esika ye edi lisobe, pe ehole ekeyi, sombeja bato banene baa, atina bo bakeye ta ngando, tina e bosomba leka e boyaka. ¹⁶ Yesu aba sombeja : baditi na tina e sombo ; bapani no bene leka la boyaka. ¹⁷ Kasi babala nande : Bodi iya na miembe mitano na swi babae. ¹⁸ Pe abali : Dua nayo adi mbi. ¹⁹ Adeja bato banene diko di ngongo, atomba miembe mitano na swi babae, pe, angojo miso ho diko, apambola. sima, akabola miembe pe apa adi bayekoli, bo bakabole adi bato baya. ²⁰ Basusu bayaka pe na bagola, pe na badua na mikpanga domi na ibae iluma na bikenge ibi bidikaka. ²¹ Ibaya bayakaka badaka bato koto itano, zanga balanga bali na bana. ²² Ngongo, alinda bayekoli bo bakonde atei e bwato pe bakee boso bonde a dongo ekina e dua, esombo yo adi bato bula . ²³ Ehole ekebo, akonda diko di mono, bo wonge ; pe, elenge emea momoko mo doi, adaka yana yo meene. ²⁴ Bwato, a ndinda e dua, ebomamaka na mbonge ; tina e mipepe miduaka ngambo etongono. ²⁵ A bosiswa ba inei bo bulu, Yesu adoa adibo, adalaka diko di dua. ²⁶ Ehole emo ne bayekoli adala diku di dua, badia mobulu, pe babali : Edi mongoli ! pe, ta tei ebobanga bobu, balinda migamo. ²⁷ Yesu abali nabu mbala emoti : Jimani bo, edi mbi ; pe bodani na boo ! ²⁸ Petelo amosombeji bo : Kumu, ekada we, pani nzea bo nadoe adi we diko di madiba. Pe ²⁹ abali : Dua ! Petelo ai mana ta bwato, pe adala diko di madiba, na tina bo akee adi Yesu. ³⁰ Kasi, na boneke bo mopepe modaka mopipo, adia bobanga ; pe elenge ebandaka yo bodinda, agama : Kumu, heleja mbi ! ³¹ Mbala emoti Yesu asemboli ebo, amopei, pe abali nande : Moto o ejimeli ekeke, tina ndani osi kite ? ³² Pe bakonda atei e bwato, pe mopepe mokina. ³³ Ibaya badaka atei e bwato bakwa na magbunda boso bo Yesu, pe babala : Odi soti meene mwana o Njambe. ³⁴ Ngongo e bolekela dua, badua ta ekolo e Genesalete. ³⁵ Bato ba esika yena, ajeba bo Yesu, baloma bato mbuti mbuti, pe bamolweya bato ba bipeko basusu. ³⁶ Bamobindi bo aba jimejae bo babande nongo songo e esenja ende. Pe basusu ibi bamobanda bahela.