¹ Na boa bafalisai na basoni ba mikanda bahuli a Yelusalema adi Yesu, pe babali : ² Tina ndani bayekoli bawe babejakaka bokoko bo bato bayou ? Zambi bata sosaka mabo te ehole eyakaka dea bo. ³ Aba sombeja : Nanu, tina ndani obejakaka dea ni mibeko mi Njambe atino e bopele bo bokoko bonu ? ⁴ Zambi Njambe abali bo : Kumeja tata owe na mama owe ; pe : Iyo olakelabi obe tata onde kako mama onde adiabi etumbu e yogo. ⁵ Kasi ino, obalakani bo : Iyo obalabi na tata onde kako na mama onde : Ekaye ekokaki mbi bopa we edi likabo adi Njambe, ⁶ abwanisi bokumeja tata onde na mama onde. Omejakani liloba liNjambe ngasa tina e bopele bo bokoko bonu. ⁷ Bakoseyi, Isaya a sakola opele atina enu, tango ebala yo : ⁸ Bato baba bakumejaka mbi na eposo e monoko, Kasi molema monde modi mohali nambi. ⁹ Bakumejakani atei e ngasa, bakojaka mateya ima madi mibeko mi bato. ¹⁰ Abeya yo bobuke bo bato, abali nande bo : Okani, pe sosoloni. ¹¹ Editi iye ekakwea ta monoko nd'ekabejake moto ; kasi iye ekamane ta monoko nd'ebejaka moto. ¹² Naboa bayekoli bande basalindi nande pe babali nande : Ojebi bo Bafalisayi bani bobe atina e maloba maka bo ? ¹³ Aba sombeja : Molona mosusu moi lonama na tata ombi odiko mo bikoama. ¹⁴ Bakinani : Edi bato ba miso mago badalejaka bato ba miso mago ; ekada bo mot'ogwa miso adalejaka mina nde ; bakwabi ibo basusu atei e libenge. ¹⁵ Petelo, adia ilobo, abali bo : Limbola so lisese liya. ¹⁶ Pe Yesu abali : Ino koko, oditi na ekina pe mayele ? ¹⁷ Ososolitini bo esusu ekweaka monoko ekeke atei e sopo, pe edumbami ta biseka bi kuku ? ¹⁸ Kasi isusu iye imanaka monoko idongi ta molema, pe ekabejake moto. ¹⁹ Te ngasa na nzea e molema bileli bibe bihulaka, baweli ba bato, bato ba ekobo, bato ba mbindo,boiba, matatoli mabe, malongi. ²⁰ Inza ngando jikabejake moto ; kasi boyaka pepe bosasosa mabo, iyena t'ebejake moto. ²¹ Yesu, adonga yo yana, akee ta etuka e Tyli na Sidoni. ²² Pe inza, mwali omoti o Kanana, ohulaka a ngondo yena, amo gamea : Okeani wa, Kumu, Mwana oDawidi ! Mwana ombi o mwali otungejamaka na bopipo na mingoli. ²³ Ai mosombeja liloba te, pe bayekoli badua mbuti nande, pe babala nande na lingbangba : Moyaneja, te ngasa agamaka ngongo jisu. ²⁴ Aba sombeji : Nai lomama atina e bata babungake ta ndako e Isalaele. ²⁵ Kasi adua boda magbunda boso bonde, bobala : Kumu, sunga mbi ! ²⁶ Amo sombeji : Editi opele bodoa mwembe mo bana, pe boe dumba adi mbwa bakeke. ²⁷ Boa, Kumu, mwali abala, kasi mbwa bakeke bakayake mbumbu jikakwe tina e mesa e moswa nde. ²⁸ Oboa Yesu abali nande : Mwali, ejimeliewe edi enene ; ekome nawe elenge epali we. pe, ta ehole ena koko, mwana onde o mwali ahela. ²⁹ Yesu bika biya , pe a doi mbuti na luwa e galilai, A konda diko di mono, pe adai. ³⁰ Na bato bula ba doi mbuti na nde, ba doi na bato ba ndoke, ba miso ma gwake, ba bohoka, ba bukeyanake, pena bato bula ba konoke. Ba ba layeji ta makaka ma nde, pe aba yeleji ; ³¹ a esika ba ba mokumeja aneke bo bato libuba bo bala, bi bukabuka ba lali, ba ndoke ba lali, pe ba miso magwake baani ; pe ba kumeja Nzambe o Isalayele. ³² Yesu, a beya yo ba yekoji band, abali: Na lumi na sepi ebula e ibaba; zambi inja masu masato ba dai na mbi, pe baditi na eka ebo yaka pepe. Na bwaniti bo ba yaneja nja te, na tina ebo bata taka ngulu ta njeya. ³³ Ba yekoji ba mo baleyi: ndenge ndani ebwani iso bosomba mapa iya ta esobe tina bo bogoleje bato bula ibaba? ³⁴ Yesu aba waji: O dini na mapa njeka? sambo, ba sombeji, pe na ndambo swi ba keke. ³⁵ Na bowa a layeji bato akpoto, ³⁶ A tombi sambo pee na swii, pe, ngongo jibo tondo, ama buki pe ama pii naba yekoji bande, ba kaboli na bato. ³⁷ Basusu ba yaki pa ba gola, pe ba hani na bi mbombo sambo bi dumi na ndambo e mapa ma malika. ³⁸ Ibaya bayakaka badaki bato koto jinei, pepep bana na bali. ³⁹ Ngongo, ayaneji bato, a kond ta bwato, pe akei ta ngambo e Magadana.