¹ Ekhe akpulia bhosomi mubho kristo wa esikola inso. helani na bwanyanga, mpe to ayenite boayisa bhinhibhe nase na muna nha bhobhudi. ² Se, mbi Polo, mbi nebhuki nanu bho, inakho ino ino wakese nhiombe, Kristo atakhomeni nhite. ³ mpe mbi nibhuki nakina mbola emoti na momi masusu obho wakese nhiombe, bho iyo akoki na bhoko mobeko mosusu bho kpa. ⁴ Ino wagbana na Kristo ino bhasusu bhaka nuhana bhosembo teyi ya mobeko; ino obhehedjeni ngiasia. ⁵ Apkulia inso, ekhe bhe inso ekhawaka na Elimo, na elikia ya bhasembo. ⁶ Ndjokande, na Akongo Kristo, kati nhiombe kati wa nhiombe atike nasuku, kasi abhoyambi bhande bhokiayako na bholingo. ⁷ Ino Opotini bhope : nda opeini, akpulia bholembeya bhotosa na bhosembo ? ⁸ Ebhe ndata edjongi tite pambeya obho akaleyani ino. ⁹ Ma mosisa bhotshembu wa mapa aka vimbisa nhamba, nhisusu. ¹⁰ Nikhe na elikia nanu, teyi kumu, bho imo toleneni ndinge edinate. kasi obho akaisa mobhulu, nakho anhanda, aa bhobhehu. ¹¹ Akpuliambi, ngiana, inakho nasakwa nakina anhiombe, apkulia ye ekembi bhonyokwama ? molodji ma kuruse ma limoi ! ¹² Bhabho bhakaisa mobhulu teyi yanu bhakhokhi bhokakese ! ¹³ Ngiana, bhabheakani a bhosomi, mainanga na bhokoté bhabhosomi bhomoti bhopadje, na bhoyela nandenge ya mokuku; kasi nsio ya bhotana, na bhopana, bhaelomo na bhabho na bhaho. ¹⁴ Kasi ya mobheko momoti teyi ya omoti, oápáa amina we djakapa we mene. ¹⁵ kasi inhako ibho ibho bhaikoka bhabho na bhaho, tomba bhose inha bhobheyedja bhobho na bhaho. ¹⁶ Nhibhuki bho : sombadje molimo bhotakedjani posa ya mokuku te. ¹⁷ Ndjokande mokuku monhi naposa bhoke seni Elimo, mpe Elimo bhoke na bhokeseni nama mokuku; bhake banguna teyi yabhu, bho toko iyo ndenge ekhapa we. ¹⁸ Inakho ino we okhambhami na Elimo, otikheni nase ya mobheko te. ¹⁹ Bho misáa ma mokhukhu bwaningidja, limoli, libhadja, nhidjangi bhosoni, ²⁰ bhokumisa bhikeko, magi, bhobhadja bhabhu, bhowana, bhokabwana, Secte, ²¹ Bhokuba mosolo mwa mina, bholangba, bwoka mingi, loma ndenge moti. nhebhu kieni liboso, ndenge ebhuki mbi, bhabho bhokho tshotsheya bhataene bhokondji nha Mongai. ²² Mbuma dja molimo, bholingo, esngo, bhoboto, bhayanga Mwema, bhopele, edjaleli, kimia, mana. ²³ Mobheko makhokaniti na ngando djia. ²⁴ Bhabho bhake na Akongo Kristo bhayikahe mokuku mabhu na minyokho na posa. ²⁵ Inhako ekhehela na Elimo, sombani teyi ya Elimo. ²⁶ Enhukani ti lokumu nha kembo, tokhume bhabho na bhaho, bholula eyoma ya obho na owaho.