¹ Ngiana, inakho momi omoti anho yi bhanhoko ma mobhehu ino bhabho bhake na bhoyambi, moyemedjani na Elimo emoti ya bhopete. Akengele we mene, na bhobhanga bho tokwa te lokola. ² Wani mina manu na mabhu, mpe ino wakokedjani bhi mibheko ma Kristo. ³ Inako nda olemi bhonha eyoma, atanha eyoma, anha edjegi ahabheyedji iyo mene. ⁴ Bho we mene okhó misa mawe mene, mpe iye anhisa mokando na bwakumisa akpulia nde mene, mpe kati nandenge na mina we. ⁶ Bho obho na nde akaningidja bhuka kaba eyoma djisusu nabho aka ningidja. ⁷ Toseke Mongai te, ekékó Mongendja omoti wawona ibhé, iyo yabhuka ibhu lokola. ⁸ Obho ohoni akpulia mokuku abhuka ibhi na mokuku na kanyoka; kasi obho ahoni na Elimo abhuka na Elimo bhomoi bha sekho. ⁹ Teya yeni na bhoko bhope; ndjokande inso yaye titi. ¹⁰ Mainanga, poko ekhe inso na mbali eyokani bhope bhuwa pamba susu mpe mingi pendje pambea ngiana bhabho bha bhoyambi. ¹¹ Seni na ndenge ya mokoma nene. ¹² Bhasusu bhabho bhapai bhowidja mokuku bhopele ino wahombe djoni nainu bhokese nhiombe, tongokwane akpulia kuruse ya Kristu. ¹³ Ndjokande bha nhiombe ibho bhene bhatosi ti mobeko; kasi ibho bhapai bhokesedje nhiombe, apkulia bwa kumisa teyi ya mokuku mawe. ¹⁴ Akpulia mobho moseyi mbi bho bhohanhi nhambi maleni nha bhokumisa mbi yoma ekina na kuruse ya kumu wasu Akongo kristu, pambe yande mokili bhamo bhaka akpulia mbi, djekembi akpulia mokili ! ¹⁵ ndjokande eké edjegi akese nhiombe to okesi te nhiombe; eke na eyoma edima, éké bhomoi monie. ¹⁶ Bhoboto mpe ngolu nhiko nha bhasusu bhobho bhalanda hibi mobeko, mpe nhiko nha Israele na Mongai ! ¹⁷ Bhanda bhende Mogendja omoti toyokoseni pasi te, ndjokande nokawa amokuku mambi elembo Akongo. ¹⁸ Ngiana, bho Gracia ya kimu wasu Akongo kristu enha na Elimo yanu Amea!