¹ Bho, na bhahe na mosumba akhe Mogbongi, mbi mbhuki iyo akeseniti na mobhunhi omoti, nakho anha mokondji wa nhisusu; ² Kasi akhe nase ya bhene mpe bhakambi ti mpoko ebhe yaisa na yáa. ³ Inso lokhola, na bhokopo bhamoti, poko enhaki inso gbongi, insi enhaki bhobhunhi dja nangando dja mokili; ⁴ Kasi, abho yakoka poko, Mongai alinda Mogbongi wande, ae bhotamu na mwanhi omoti, ayi bhotama nase ya mobheko, ⁵ Bho iyo asikola bhabho bhanhaki nase ya mobeko, bho nayiso inhisa mada. ⁶ Mpe apkulia na inho akhe gbongi, Mongai alinda teyi ya mema masu Elimo wa Mogbongi wande, obho aka kpolowa : oba ya ! ⁷ Maina otike nhia mobhunhi, kasi gbongi; mpe bho okhe Mogbongi, okhe dje mosumba na iwa ya Mongai. ⁸ Mpoko edi wadjeate Mongai, wakomeni bha djambe bhabho bhanu bhamenemene; ⁹ Kasi bhinhebhe nanu odjeyeni Mongai, tó liboso bhanaki bhodjeana na Mongai, ndengende ehule ino na bwembe mpe bhoye ngando, djibho djime ino opayini bhodjiko méena kina? ¹⁰ Ino okha seni masu , songe, mpoko mpe bhianga! ¹¹ Nibhangi. bwene edjegi apkulia yebho. ¹² nhani dje mbi, djekande mbi lokola nhinha dje ino. ngiana, mbi nimbodeli ni. ¹³ Ino bhokoyimbi bhobheyeni omoti te. ino adjei ni bho ekhomeni agbanga epeko emoti ya muu bho mbi ni bhukeini mbala yambi ya liboso bhasakowa. ¹⁴ Mpe epekho yambi awadjai muna, ogbuditi niti nakho bhoyima nakho bhope; na bhokeseni, ino, wahamba nimbi dje andjelu wa Mongai, dje Akongo kristo. ¹⁵ Sase ekhe lisese nha bhope bhanu, ndjokande mbi nikasée ino bho, inakho mana makhomene, ino ino okhebaki bhoyifa miso akpulia bhonea mbi. ¹⁶ Mbi nitobhi monguna wanu bhobhuka bhosolo ? ¹⁷ Ndata ekhenu nayu akpulia abhu ekhe bho nganganga kasi ibho bhakapáa bhoasi nasu, akpulia ino bhonhuni bholoma akpulia ibho. ¹⁸ Ekhe bhope bhankisa ndata apkulia obho akhe bhopele pena pokho susu, mpe kotiya ekhe mbi nanu. ¹⁹ Gbongi bhambi, akpulia obho nikoyoko bhipeko bhanhibota, te bhoko ebhe kristo awoka nanu, ²⁰ Mbi naka pha bhinhéebhe phani nanu, pe nihombedja bhobhuka, ndjokande nike teyi ya mayeni ma mokando manu. ²¹ Bhukiani ino bhabho bhakapa bhanha nase ya mobeko, otika hokani mobeko te ? ²² Djokande ekomami Abrahama anhisa gbongi bhabale bhabhani omoti wa mwanhi mobhunhi omoti wa mwanhi wa somi. ²³ Kase obho wa mobhunhi akhe na muu, wa mwani somi akhe obho walibunia. ²⁴ Nhoma nhibho nhike natima; djokinde bhanhi bhakhe bhabhole nhinango nhimoti nha mokonhi Sinai bhobhota akpulia bhotete, ekhe Agar, ²⁵ Ndjokande Agar, ekhe mokhonhi ma Sinai na Arabo, iyo akhokhani na Yeruzalema ya bhinhe ebhe, iyo agemeni na Yeluzalema ya moniye, obho akhe teyi ya bhobhunhi na ngbongi bhande. ²⁶ Kasi Yeruzalema wa nhikho akhe somi, akhe ngwasu; ²⁷ Ndjokande ekhomami : Asepawe, bhotete, we obho tobhote te ! Kpoluwa mpe ifa mi Kpolowa we, obho owokati epekho ya libota te ! ndjokande ngbongi wa obho wa kia ibho bhanha ibhi bhanene bhankia ngbongi bhaobho bha woso ibho. ²⁸ Akpulia nhu, ngiana, dje Isaac, ino akhe ngbongi bha bhibhuna; ²⁹ Mpe nandenge ya obho obhotami na muu anyabhoki obho abhotami na elimo, ekhe na bhinhebhe nakina okholowa. ³⁰ Kasi makhomi mabhuki ye ? bhengana mobhunhi mpe Mogbongi wande ndjokande Mongbongi wa siomoti na Mongbongi wa mwanhi somi. ³¹ Ekhe akpulia bho, Ngiana, iso etikhe bgongi bha mobhunhi, kasi bha mwanhi somi.