¹ IyeYeso ajo akuu ikpangba,ambaja ata muja amukpata. ² Mombi mungana o kebukebu eka a nambamba ango,omusigiyo bo:Muheiso,wobayeni,aheiso baka. ³ Yeso onguso ikondo,omu boto,osugo bo:no bayo,heya.A gbaliya bele kebukebu osiyo. ⁴ Ambisongo Yeso omusigiyo bo:Wati sigiyo komu mombi;sa ati baya o Asobee,minjo apepe ngiya Musa asugo jene,do yibiyo andabu ndi isiseniyo. ⁵ Iye Yeso abiyo akumoniyo ano Kapelenaumu,mukuu mungana o mubokuwo: ⁶ Muheiso,mombi o teya ngiya asemi ano kabu a ndeyi,ndutu ibomu iwe,ano kabu bukayi. ⁷ Yeso o musigiyo bo:Nabi nayo ako heiso. ⁸ Mukuu ngiya nani o mutosiyo:Muheiso,nangomu musisekiye uwe ako kumoniyo andemi,sugo pi ta yaka mengana,mombi o teya ngiya asemi aheya. ⁹ Do,imi na asi o mapanu nguko bangama nguba bosemi,nano basuda uba ba asi o mapanu nguka kosemi,no sigiyeni iya bo:Sa!osa;iya omo bo:Ika,eka;ako mombi o teya ngiya asemi:Kiya bo!o kiya. ¹⁰ Ambise nayo ako nuka,Yeso o sangala kisoba,o sigiyo bombi nguba babiyo nayo akpata:Nonu ngiyo ta no ingono,gutu ta ano Isalaeli,nango ina komu baya yeteja bo. ¹¹ Ina do,baja beka sina aki ipa yakyo ngwee,bomo aki ipa yakyo kwalee,babiyo sina nati Abalama akuu o meja,Isaka,Yakobo akuu o bungama nguba akuu. ¹² Bana bo bungama babugiso sina abeyi amati o umwomwo,aki ndiya ya biyee,no nuga menu. ¹³ Yeso o sigiyo mukuu:Sa,yikyananakiya ndi wo bayo.Ako angbinga ngiya nani muto o teya o heya. ¹⁴ Yeso osa ambisongo ati Piele,ogboka inyenguu bakwale no kabu. ¹⁵ Omu boto ikondo,kabu o siyo;ambise ongo ongwa,omukyananakiya. ¹⁶ Nepasi,bekiya Yeso no bombi bo mamu baja.Okponyo babee ta no monu,no o buheiso ta babomu,do yaka ngiye gugu Isaya asugo jene yikynanakiya: ¹⁷ Atumba dingbakiya ngiye yeso,no otoka bakabu nguba beso. ¹⁸ Yeso,anina ambaja muja anambamba ango,osugo ga bisa a mondu. ¹⁹ Mombi o tindakiya mabiyo mungana eka anambamba ango,omu sigiyo bo: ²⁰ Misina yaku no madoo kebo,banoyi baku no likaa lebo;Mwano mombi angomu po no ida ngiye ana piyoo mutu. ²¹ Omo,ati buga nguba ba tindakia mabiyo,omu sigiyo bo:Muheiso,nisa baka si ahuna abaa. ²² Yeso omu tosiyo:Akpata,siya minda yi huna minda. ²³ O leto amati o ingboo,no ba kpata. ²⁴ Amati o lisini,mahuwo koto maja keka,kokumoniyo amati o ingboo.Iyo,oto kia a too. ²⁵ Bakpata beka anambamba ango,bo mu jukaniso,bo musigiyo bo:Muheiso,tiheiso,ta niwo! ²⁶ O busigiyo bo:Nakumo imani,baya ngiye yeno ya bele?Ongwa,o natiiya mahuwo,mipo ko komono. ²⁷ Bokwa uba nogbe:Anipi iya mahuwo no lisini amuka ke? ²⁸ Iye batapuwa a mondu lisini,a ikumbu yo ba Gadalenia,bombi bapini bo mamu,bo chweya amanjau,be maa apeyi ango.Boto kiya bukabukayi njoo bombi bokoto chano mu anani. ²⁹ Akiya bele, bo na tiya:Imani ya ati eso nowe Mwana Asobee?Weko nesu ako kyananaka peyi bani? ³⁰ Anambamba yabiyo no ba ngulube babiyo anigyakanaka. ³¹ Babii boto kiya anita Yeso, asugo bo:Woti kponyeni, ti tuma amati o ba ngulube nguba aki. ³² Obu sigiyo bo:Seni! Bocheya bosa amati o ba ngulube.Ba ngulube babomu bo tugbuwa bangu,bosa a lisini ata muja kido basiyo no mipo. ³³ Bombi nguba bokiyo ani gyakakakiso ba nama botugbua,bosa a buma a nungakiya bombi ndaka yaka ya kyananakiyoo. ³⁴ Bani,buma mubomu eka ako jonokiyo noYeso,no,bo mina,bo mita bo ichweya a ikumbu ngiye yebo.