¹ Iye Yeso aleto amati o ingboo,bo tapuwa lisini at muja,osa andongo a buma. ² Ina do,bo mikiya no mombi ngiya awo likondo no mitndi akuu o bukwala.Iye Yeso ena baya ngiye yebo,o sigiyo mobi o kabu:Sika angu,mwana asemi,bu bibi ngubo soo bepaanakiyo. ³ kuu ongo,uba batindakiya mabiyo bo sugo a mati ebo:Mombi ako bundo mapanu ngukeso. ⁴ Ndi Yeso abiyo animbiya mitima ngiya yebo,o bu sigiyo bo:A yaka ye imani nano itunguyo yoya bibi amati eno? ⁵ Ya ndi bibi a nungiya mombi bo:Bubibi ngubo soo be paanakiyo,ama bo:Ungwa,no wo kyendaka? ⁶ Do imbieni bo Mwana o mombi a siepa ano angu anipaakiya bubibi:Ungwa,osigiyo iya awo mitindi no likondo,sika bukwaa ngubo soo,sa aneyi ⁷ Ongwa,otowa a ndiyi. ⁸ Iye ambaja ena bani,okwa uba,no o bibiso Asobee,iya anjo bombi angu ndiya nani. ⁹ Iya basa mwanongo du,Yeso ena mombi bawele a lipisa bombi,ino bo Matayo.O musiyo bo:A kpata.Guwe ngiya nani o mukpata. ¹⁰ Iye Yeso okiyo ani gyakaka akuu o meja,ba ndombe no bombi ku gbayi beka nayo ako gboka iyo no bakpata. ¹¹ Iye ba falisayo bena bane,bosigiyo bakpata:Akwemane mupananakiya ngiye no ani gyakaka no bombi ku gbayi? ¹² Iye Yeso oka bane, o sugo bo:Ambu komu bimbi nguba ba bumubumu ba hata munganga,bombi bo kabu njoo. ¹³ Seni,nosa a hata nimbiya itndindi yo yaka ngiye:Nakyo kwa igyagya no nipaakiya,sokomu no ba apepe.Do neka mu jene a nisoko bombi boto bado,neka njoo a yaka yo bombi bota bibi. ¹⁴ Ambisongo,bakpata ngubo Yuani beka anambamba o Yeso,bomu sigiyo bo:Akuu emani isu no ba falisayo takyo ginyo igyo,ina do ba kpata nguba bo soo bango ko ginyomu ibo? ¹⁵ Yeso o butosiyo bo:Ba manye bo guwe basisekiyo ndi a maana bibini ku no ati guwe?Bisi beka sina ati ngiya guwe angwa sinoo,boginyo do tiya igyo. ¹⁶ 16Mombi po mungana osisekiyo a letoniso ugbaa wo ipuku wetakitaki no uwo wejene;do a yangiso ugbaa wo ipuku ngo womo,yo natuwaniya tiya ija nogbe. ¹⁷ 17Bangokyo uto komu vino etakitaki amati o likocho lo ijene;ku bani,likocho la chweyonokiyo,vino eteyo,o yangaa;ku bani,bakyo napiya vino o itakitaki amati o likocho lo itakitaki,vino no likocho lango yangaa. ¹⁸ Iye abiyo nabo a nungiya yaka ngiye neni,ngama mungana o chweyaniya,o gbukumiya a peyi ango o sugo bo:Mwana ngiya asemi ata moyi owo itakitaki ngiye;ika munapiya likondo,aheya. ¹⁹ Yeso emaa,o mukpata no bakpata ngubo bango. ²⁰ Ina, moyi mungana afa jene chweya menike mago kumi no kapini eka anambamba ango ingbaa ambise,o muboto ipuku. ²¹ Oto sugono bo:No boteni ta ipuku ngiye yango,na heya. ²² Yeso o natana,o sugo bo:Pata angu,mwana ata moyi asemi,baya ngiye yesoo yona heiso.Moyi ngiya nani o heya ta anani. ²³ Iye Yeso aboya ati ngama ngiya anani,ogboka bombi bo mbaa nobombi ngo bomo, ²⁴ obu sigiyo bo:Ungweni;gwatamoyi ngiya ake owokomu,a atoo.Bo punga nayo ako nowa. ²⁵ Iye ambaja apanjaa,o kumoniyo,o boto ikondo yo mwana ata moyi,o jukana. ²⁶ Isawo yo panjaa ikumbu ngiye neni ibomu. ²⁷ Aningwa anani,bombi bapini bo mamomo bokpata Yeso,bi natiya:Tinia ikoko,Mwano Daudi! ²⁸ Iye aboya a ndeyi bombi bo mamomo besingana anambamba ango,bo mu sigiyo bo:Nako tunguwo bo na sisekiyo nenu akoheiso?Bobaya bo:ii,muheiso. ²⁹ Obu botoko mesu o sugo bo:Yikyananakiya ndi baya ngiye yeno yoo. ³⁰ Mesu kebo ko gananakiya.Yeso o busiyo bo kpo kpo kpo:Mombi atimbiya komu yaka ngiye. ³¹ Ina do,iye ba chweya,bo panja isawo ngiye neni ikumbu ibomu ³² Iye basa,ambise ongo, bo mikiya Yeso no ijanji. ³³ Iye akponyo babee,ijangi yo samuwa.Ambaja ngiya abiyo anani o sugo bo:Yaka nguwo ngiya yango kyananakiya sina ano Isalaeli. ³⁴ Bafalisayo bosugebo bo:A kponyo babee ku no ngama o babee. ³⁵ Yeso a kyendaka amati o likumbu,a paniya a mati o likaa lo mungu,a paniya isawo yetelo iye ya a bungama nguba akuu,no heiso bakabu dididi. ³⁶ Anina ambaja,o biniya ikoko do babiyo tiya ambambaniyo no yanane,ndi ba nama nguba bangomu no mombi ngiya a bubeyoko ³⁷ Osigiyo ba kpata ngubo bango bo:Masoo ka maja,bombi bo teya ba bele. ³⁸ Iteni mumbinyo masoo bo ituma bombi bo teya.