¹ Nati kiyo komu bangbanga ngubo bange,do bati kio komu ubeno. ² Do bakiosina iyeno kundi nakio iyo bange,boni pima kuno ipima ngiye na pima nayo bange ³ Wakyenowe ta akuku ngiya a iso ngiyo mwanano,sokomu wena ingyee iye iso ngiyesoo? ⁴ Imani wasigiyo mwananu bo:Kia nina cheiso akuku a iso,wobieni uwe no ingyee a iso? ⁵ Mujee,chweiso si ingyee a iso ngiyesoo,wena do tiya akuku ngiya iso ngiye mange. ⁶ Natinjo komu bayaka botobado a benva,natigisiyo komu likyemu lete manjanja a ba nembu,do bali chawuwa,bo liyangiso. ⁷ Iteni,no ba ninjo;hateni,na pata,bendeni ako umongu,bani gania. ⁸ Do mombi mubomu eteni apata,iya ahata a pata,bakyo ganiya mombi ngiya abenda umongu. ⁹ Ani aweja aninjo mwana ango makopi omiteni mapa?Ama omiteni musipe,ominjo tiya sii? ¹¹ Ibini bo,do na bukabukayi,nakyeyo ninjo bana beno bayaka bo ta manjanja,yakwa do tiyani bo Atoeno iya akuu o bisi atininjo komu likyemu lete manjanja ako bombi nguba bamita. ¹² Ibomu ngiya nakunda bombi binikia,kiye kuo ako bombi ngo bomo,do ya upanu uwo ba gugu. ¹³ Kumonieni no ingbaa yeta bele.Do,umongu woja ingbaa kija iye yasa ako nipaniya,no bombi baja bakunda nisa inani. ¹⁴ Uwo tabele no bo kpokolii,umongu no ingbaa ngiye yasa a buheya,no bombi bele njoo ba yina. ¹⁵ Pemanakieni no bagugu bo mujee.Beka anambamba eno no lipuku lo bakondolo,ambinigo bo a mutima ya kweyi. ¹⁶ Na bimbiya sina ako masoo ngukebo.Walukuwa ndi lipumo lota manjanja ako mabu,ama lipumo lo figi ako buti ngo bomo? ¹⁷ Buti botabulo bakyenjo lipumo lota manjanja,ubo ta bibi banjo ku ile tabibi. ¹⁸ Buti bota bulo bangoweja komu ako ninjo lipumo lota bibi,buti bota bibi bangenjo komu lipumo lota lilo. ²⁰ Na bimbiya sina ako masoo ngu kebo. ²¹ Uba bana sigiyo bo:Muheiso,muheiso!bango kumoniyo sina a bungama uba akuu o bisi,mombi ngiya akia bukunda ngubo Abaa njoo ena sina bungama nguba nani. ²² Baja banongiya sina no bisi nguba anini:Muheiso,muheiso,ta biyo ndi jene ligbe ako ino yesoo?takokponyomu ndi babee ako ino yesoo?takiamu ndi jene yaka yete mbange ako ino yesoo? ²³ Nabu ngia bwau bo:nango nimbiya komu,ungweni,inu nguba nakia bubibi. ²⁴ Kido,mombi mubomu iya oka yaka ngiye o ikyananakia,abiyo nde mombi o nimbimbyaka iya atuboko ikaa akuu ikopi. ²⁵ Ubgaa waneyo,mipo ko huwo,mahuwo keka anikwisiso ikaa ngiye neni:sokomu yokwa,do yatubonokiyo akuu e ikopi ²⁶ Mombi mubomu iya anuka yaka ngiye,sokomu o ikyananakia,abiyo ndi mombi ngiya angomu no nimbimbyanaka atuboko ikaa akuu o sasayi. ²⁷ Ugbaa waneyo,mipo ko huwo,mahuwo keka anikwisiso ikaa ngiye neni:yokwa,kisoba. ²⁸ Iye Yeso a pipo nabo ako nungakiya yaka ngiye,bombi bokwa igyagya no mapanu nguka nani; ²⁹ do okiyo apaniya no angu,sokomu ndi uba batindakiya mabiyo.