¹ Pemanakieni apananiso bungbingbii nguba beno apeyi o bombi,do binina;ina do ,nango pata tibata mukaya aki ati Atoeno akuu o bisi. ² Angbinga ngiya waninjo apepe,wati upa komu ipanda apeyi asoo,ndi bafalisayo bakyo kiya a likaa lo Asobee no a lingbaa,do bombi bibu bibiso.Nonungiyo ta no ingono,bango pata mu sina mukaya. ³ Wobiyeni aninjo apepe,ikondo yo aleku yatimbiya komu iye iyo guwongo yenjo, ⁴ do apepe ngiya asoo injoniyo munabe;no Ato,iya akyembiya yaka yetenaye,ana tosiyo. ⁵ Nobiyeni anita,natibiyo mu nde bafalisayo,bakunda nita bemae a likaa lo Asobee no a mitii do bombi bibina.Nonungiyo ta no ingono,bapata mukaya nguwa webo. ⁶ Wobiyeni anita,kumoniyo ambeni,wokuto umongu,weta Ato ngiya asoo aki omuwa wotonabe,anoka. ⁷ Amati o malumba,wati chweyo mu yaka ku gbayi,ndi bapagano,bakyo tunguwo bo weteni yaka ijanana njoo nita ngiye yesoo yokaniya. ⁸ Nati biyo mu ndi ibo;do Atoeno animbiya bo nano musasa wemani,apeyi ngiya namitoo. ⁹ Nabiyo anita bo: Abaa ngiya eso akuu o bisi!Ino ye soo yisika ubiba; ¹⁰ bungama ngubosoo bika;bukunda ngubosoo bikynanakiya ako dodo no akuu o bisi. ¹¹ Tinjo bubunu gyakaka ngiyo ndeso; ¹² tipaakiya bubibi nguba beso,ngbangangbanga takye paakiya uba bakyo tikiya bubibi,watitimayo komu amati ikaniyo,ati nagaakiso a likondo lo munamasa. ¹³ Do andoo njoo mago no mago,bungama,angu,no ubiba.Yibiyo bani! ¹⁴ Nopaakiye ni bombi bubibi,Atoeno iya akuu o bisi anipaakiya kuwo inu; ¹⁵ no paakiyeni mu bange,Atoeno ango ni paakiya mu inu kubani. ¹⁶ Nobiyeni ataa igyo,natibiyo mu tiya no ikoko ndi bafalisayo,bakya mesu tita mafe do bombi bimbiya bo botao igyo.Nonungiyo ta no ingono,bapata mukaya nguwa webo. ¹⁷ Wobiyeni ataa igyo,tiyoko malasi amutu,wogyabana mesu, ¹⁸ do bombi batimbiyo mu bo wotao igyo,Ato ngiya a ida yetenaye,anatosiyo sina. ¹⁹ Nati momeni komu likyemu lo dodo,do baduu no kutu baweja nalo akoyangiso, ²⁰ ama bombi bondibo baweja kwa ako nibo;momeni likyemu akuu o bisi do baduu no kutu bangoweja ako yangiso,no bombi bo ndibo bangowejamu ako nibo. ²¹ Do aki likyemu ngilesoo lee,mutima nguwo soo wabiyo kinani. ²² Iso ya uwanga wo ndutu.Iso ngiyesoo yobiyeni ido,ndutu ibomu yabiyo ku ido; ²³ ina do iso ngiyesoo yobiyo bibi,ndutu ngiyesoo yabiyo ku amati umwomwo.Yobiyeni uwanga nguwa amati asoo wobiyeni umwomwo,umwomwo wongo wabiyo ndu gbane!Wango sisekiyo komu akyananakiya babula bapini. ²⁴ Do,wa yaa mungana,wokunda ku mungana;ama wakpakpaniya no mungana,wo siana no iya akomo.Wango kyananakiyiya Asobee no bagyegye. ²⁵ Kido no nu ngiyo bo:Nati bokwono mu bo tagyasuo imani nekuba,ama akwo ndutu ngiya yeno,ama tapimyiya imani.Ubeyi wangomu ndi no dada akochana igyo,no ndutu ako chana lipuku? ²⁶ Kangeni si banoyi akuu o bisi:no bango huna ikyemu sokomu bo buoko kubani,bangomu no babaga kubani;Atoeno iya a kuu o bisi akyo bugyakakiso.Nangomu ndi no dada nabo ako chana? ²⁷ Ani atieno,no tungwonoko ngiyo yango,aweja ako matiya ikyemu ako makwaa nguko kango asiepa? ²⁸ Imani do natungwonoko akwo yaka yo lipuku?Kangeni si lanja aneju,lango kiya teya,lango tambana mu lipuku kubani; ²⁹ ina do no nu ngiyo bo Solomono,no ubiba nguwo wango ubomu a pinia komu ako chana lanja. ³⁰ Asobee o piniseni lanja,ile la baa bubunu nekuba boligiso a gyaa,ango ni piniso mu ndi inu,nguba baya ngiya yeno ya bele? ³¹ Nati tungwonoko komu,anunga bo:Tagyasuo ima?tamwasuo ima?tapiniasuo ima? ³² Do bayaka nguba nani babomu,bapagano njoo babu hata.Atoeno iya akuu a nimbiya musasa nguwa weno. ³³ Hateni si apeyi bungama no bungbingbii nguba Asobee;aninjo bayaka ngubomo babomu. ³⁴ Natitungwonoko komu ako yaka yo ikuba;do ikuba yenasuo ku yango.Kila bisi bano yaka nge yango.