¹ Iyo akonina ambaja,Yeso oleto akuu o ikpangba;no iye awolo bakpata bo misingania. ² Ambisongo;obusigiyo bo: ³ Ido no bombi nguba bajanga, do bungama uba akuu o bisi bebo!Ido no bombi bo ikoko,do bakwasina igyagya! ⁵ Ido no bombi bo takyananaka ido do, ba jangiya sina no ubeyi! ⁶ Ido bombi nguba bano taa no musasa wo bungbingbii do bamota sina! ⁷ Ido bombi uba bakye pakiya bange,do babipaakia sina ibo kubani. ⁸ Ido no bombi nguba bano mutima uwo to udo,do bena sina Asobee! ⁹ Ido no bombi nguba baninjo majio,do basokoniyo sina bo bana bo Asobee! ¹⁰ Ido no bombi nguba banigya ikoko ayaka bu ngbingbii,do bungama nguba akuu o bisi bebo! ¹¹ Nabiyo sina ido ati ngiya baniseaka sina,bonikyananaka,bonichwa no yaka yetabibi mugbe ibomu akwo yaka ngiye yesemi. ¹² Kweni igyagya no biyeni amati o mgyagya do mukaya nguwa weno wabiyo sina uja akuu o bisi;do babaya bo Asobee nguba bo peyi babu kyananaka jene kubani. ¹³ Na mukwe nguka ko dodo.Ina do mukwe kobiyeni tiya yapayapa,bakutoso no imani?Kosisekiyo tita gisoniyo abeyi,bombi bo kuwechoko. ¹⁴ Na uwanga nguwa wo dodo.Buma ngiya akuu e ikpangba ago nayaniya komu; ¹⁵ no bangokoyamu uwananga bo u naya asi o lanja,ba unapiya ingbaa akuu,wopoya bombi babomu nguba ba ambeni. ¹⁶ Uwanga nguwa weno wijeya amati o bombi,do bina masoo koto mado nguka keno,do bibiso Ato eno ngiya akuu o bisi. ¹⁷ Natitunguwo mu bo neka ako nibo upanu no babaya nguba bo peyi,nekamu anibo,neka ako kyananakiya. ¹⁸ Do,nonungiyo ta ingono,dodo no bisi bo chanenikomu,upanu wangotowamu no mbise po bele ama mugege po mungana wangongwa,mupaka sina na yaka ibomu yiboya. ¹⁹ Mombi ngiya anguso mwano mapanu nguko kanani,no opaniya bombi akiya bani,asokoniyo sina bo mwana ata bele amati o bungama uba akuu o bisi;ina do mombi ngiya akubotoko sina,no opaniya bange nako abeyoko,asokoniyo sina bo mombi ata muja abungama nguba akuu o bisi. ²⁰ Do nonisigiyo bo,bungbingbii nguba beno bochani komu bombi nguba batindakiya mabiyo no bafalisayo,nango kumoniyo sina a bungama uba akuu o bisi. ²¹ Noka bo bongiya jene bombi nguba bo peyi bo: Watiwomu muto;mombi ngiya awa baminjo mukaya apeyi ba joji. ²² Ina do imi,nonisigiyo bo mombi mubomu ngiya ano mutima wotabibi no manye,osisekiyo apata mukaya apeyi o ba joji;no mombi ngiya asigiyo manye bo:ambo wowo!osisekiyo apata mukaya apeyi o ba joji,no mombi ngiya asigiyo manye bo:Ijangi! osisekiyo anisa a gyaa. ²³ Woseni no apepe ngiya asoo apeyi o Asobee;wembiyeni bo wano mwananu no yaka, ²⁴ siya si apepe ngiya asoo,wotowa atambanaka yaka no mwananu;ambisongo,wosa do tiya no apepe ngiya asoo apeyi o Asobee. ²⁵ Wobiyeni no yaka no mombi,ukani nayo apeyi ngiya nabiwo nayo apeyi o bajoji,do joji atisamu nowe apeyi ngama o bajoji bina maya aboloko. ²⁶ Nonasigiyo ta no ingono,wango chweya mu inani wapipeni wopiponokeni komu. ²⁷ Banipaniya jene bo basugo bo:Wati kwala mu no moyi o mombi. ²⁸ Imi,nonisigiyo bo mombi ngiya a kanga moyi no musasa okwalo nayo tita kwalani amutima. ²⁹ Iso ngiye yesoo yo guwongo yobiyeni nowe ako kwisiso,iluwo woyigiso lu;do yano dada nowe akobiyo no iso mengana,akumo bo ndutu ibomu yatisa komu a gyaa. ³⁰ No ikondo ngiye yesoo yo guwongo yobiyeni nowe ako kwisiso,ikiyo woyigiso lu no uwe;do yano dada nowe akobiyo no ikondo mengana,akumo bo ndutu ibomu yatisa komu agyaa. ³¹ Banisigiyo jene bo:mombi oyaa ni moyi iminjo awni woluwa bo omuyao. ³² Imi,nonisigiyo bo mombi ngiya ayaa moyi ango,ibinimu tako busodo,omutitiyo anisa akokiya busodo,no mombi ngiya asika moyi ngiya nani okiyo ku busodo. ³³ Bonungiya bata jene ku bo basigiyo bakuu bo:Wati kiyo komu silika, kyananakiya pe yaka ngiye wa baya apeyi o Muheiso. ³⁴ Imi,nonisigiyo bo nati kiyo komu silika no ino yo bisi,do ya bungama bo Asobee; ³⁵ sokomu no ino yo dodo,do anapioko mitindi anani;sokomu no ino yo Yelusalema,do ya buma ngiya o ngama. ³⁶ Wati kiyo komu silika ako mutu wosoo,do wango weja komu anacho undii wotatu wika bo nji ama uwo tanji weka bo tuu. ³⁷ Wobayeni yaka bo ii,yibi ta ii,haa haa;iye wa matiya yakyongwa ati abii. ³⁸ Noka jene bo yasugoniyo jene bo:iso ako iso,iyenu ako iyenu.Imi noni sigiyo bo nati chwa mu pasi no bombi bota bukabukai. ³⁹ Mombi ona bendeni ako ingungu ngiye guwongo,minjo ibenda kuwo iye yemo. ⁴⁰ Ibini bo mombi ano yaka no uwe no osugeni bo inahiniya kanju ngiya asoo,minjo kuno koti. ⁴¹ Ibini bo mombi osugeni bo kiyeni nayo alofu,kiyeni nayo ba alofu bapini. ⁴² Injo mombi ngiya anita,no wati himbo komu mombi ngiya anowe a nita ⁴³ Noka jene bo yasugoniyo bo:Kunda nduku asoo,wo yaa muyaa wosoo. ⁴⁴ Imi, nonisigiyo bo:kundeni ba muyaa beno,jananakiyeni bombi nguba banenu ako sagiya,kiyeni budo ako uba baniyaa,itiyeni uba baniyaa no bonikyananaka, ⁴⁵ do biyeni bana bo Atoeno iya akuu o bisi;do oyiso ipa ku akuu o bombi bota bibi kuno ubotelo,o neiso ugbaa akuu o bombi bota ngbingbii no ubo bangomu ngbingbii. ⁴⁶ Nokundeni bombi nguba banikunda napata ijangiya nga yenotani?Si uba bakunda panana bako kiya kubani? ⁴⁷ Wo teteyeni ta banduku bosoo,wokiyo si imani yeta kiso uba?Bapagano bango kyananaka ndi ku bani? ⁴⁸ Biyeni basisekiye,kundi Atoeno iya akuu o bisi aku musisekiye.