¹ Ambisongo Yeso osa amati o isa no angu o Mutima do abee imukanio. ² Ambise o peya taa makwaa batekebe bogina. ³ Iye, abee eka anambamba ango,omusigiyo bo:Ibini bo wa Mwana o Asobee sigiyo makopi nguka kinatakanaka mikate. ⁴ Yeso omutosiyo bo:Yatindanakia bo:Mombi ango heya komu ta no mukati mutuu,yaka mengana,kuno yaka ibomu iye yachweya a monu ko Asobee. ⁵ Abee osa nayo abuma ngiya tatu,omunapia akuu o ikaa iye Asobee, ⁶ omu sigiyo bo:Yobiyeni bo wa Mwana o Asobee, siana si wobwana;do yandikania bo:Enjo ba malaika mapanu akuu asoo;Bana tumba sina alikondo,Do mutindi wosoo wati dua mu ikopi. ⁷ Yeso omu sigiyo bo:yatindanakia kuo bo:Wati kaniyo komu Muheiso,Asobee ngiya asoo. ⁸ Abee osa nayo akuu o ikpangba nekuu,omupana ijangiya ngiye dodo no ubiba wongo,9omusigiyo bo: Nanenjo ijangiya ngiye ibomu wogbumieni no wona bibiso. ¹⁰ Yeso omusigiyo bo:Ungwa, abee!Do ya tindanakia bo:wa bibiso Muheiso, Asobee ngiya asoo,no wa mukyananakia iyo nangana. ¹¹ Kido abee amusiya.Ina bamlaika bongwa akwobisi,no bumukyananakia. ¹² Iye Yeso oka bo bogabo Yuani,ongwa osa amati o Galilaya ¹³ Ongwa a Najaleti osa awolo aki ano Kapelenaumu,a nambamba o lisini atamuja,amati umua nguwa weno bo Jabuloni no Neftali, ¹⁴ ilo bo yaka ngiye baya o Asobee Isaya asugo: ¹⁵ Inu bombi bo Jabuloni no Neftali,No umua nguwa mutii wo lisini atamuja,aki ekumbu ngiye achana Yolodani,No Galilaya ngiyo bombi bo egyagya, ¹⁶ amaja ngiya awolo amti o umwomwo,Eno uwanga;No ubo bawolo jene amati o umuwa nguwana no igobi yo ingwo Bisi boyo. ¹⁷ Aningwa angbinga ngiya anani Yeso opunga paniya,osugo bo:Nacheni mitima,do bungama ngubo akwobisi ba tinene. ¹⁸ Iye oto kiya akyendanaka a mutii wo lisini ata muja ngiya o Galilaya,ena banduku bapini,Simoni,bamisoko bo Piele,no Andeleya manye,ibo ako giso maiya a lisini,do babiyo bombi bo nifa sipe. ¹⁹ Obusigiyo bo:akpateni,nabiyo anifa tiya bombi.20Agbaliya bele bosiya maiya,bo mukpata. ²¹ Anisingana bele,ena bata bombi bapini, Jaki,mwano Jebedeyo,no Yuani manye,babiyo no ati ise ebo amati o ingboo,atambanaka maiya.Obisoko, ²² po gbalia bosiya ise ebo no ingboo,bomukpata. ²³ Yeso akyendaka Galilaya mubomu,apaniya amati o ba sinagogi,apania isau yetelo iyo bungama,no heiso bakabu babomu no bombi bo dingbakia. ²⁴ Isawu yango yokyenda Silia mubomu,no bomikiyo no bombi bo bakabu dididi,bombi bobakabu bo bamu,bombi bo iga,no uba bawoloko isi,obuheiso ta babomu. ²⁵ Ambaja ata muja abi nayo ako kpata,aningwa ano Galilaya,ano Dekapole,ano Yelusalema,ano Yudea no amondu Yolodani.