¹ Ako angbinga ngiya nani Yuani iyo batisa, ochweyania amati o isa ngiyo Yudea. ² Osugo bo:gyabanakiyeni,do bungama nguba akwo bisi batinene. ³ Yuani njoo iya Isaya asugo jene bo ,gugu,asugo bo:Ukeni iso yo mombi ngiya anatiya amati o isa:Tambanakeni ingbaa ngiyo Asobee,kutokeni mapiya anengbaa ngiye yango ⁴ Yuani otopinyiya umba wo nama, no mukaba womba wo nama ako ibuni.Otogya ta banemene no iboko yeju. ⁵ Bombi bo Yelusalema,ubo yudea no likumbu libomu ngile anambamba o yolodani boteka andongo; ⁶ no bomungakia bubibi nguba bebo,obu batisa alisini ngiya eno bo Yolodani. ⁷ Iye ena bo, ubatiso nguwo wango bafalisayo no basadukayo babi anika tia baja, obungia bo:inu umbeke wo ba sii,ani aka anipania ako tugbua mutima wota bibi nguwo wasuo anika? ⁸ Noteni masoo uko nacho mutima ⁹ no nati tunguwo mu ama666ti eno bo:Abaa ngia eso Abalma!Do nonu ngiyo bo makopi nguka asobee angu noko anacho bana bo Abalama. ¹⁰ Buti batiya no ipi a itindindi:buti bubomu nguba bangomu no lipumo lota manjanja babu kwaka bobu giso agyaa. ¹¹ Imi, nemi nenu abatisa ta no mipo,do siyeni bubibi,mombi ngiya asuo anika ambise asemi ano angu muja memi ako chana,nangomu no angbinga apinyiya likpaku ngile lango.Iyo,anibatisa suo no Mutima wo Tatu no gyaa. ¹² Ano kakpa ngiyo ango alikondo;atambanaka suo ida,no omomaka suo masoo amati o baga,oya suo lanja no gyaa ngiye yango iboniyo komu. ¹³ Yeso ongwa ano Galilaya osa ano Yolodani ako gboka Yuani ako pata ubatiso. ¹⁴ Ina do Yuani oyaa osugo bo:Uwe njoo wanabatisa imi; weka bata kwa andemi! ¹⁵ Yeso omu sigiyo bo:Abatisa pe,do yanita bo tikiya yaka yeta ngbingbii.Kido Yuani ayaa ti bata. ¹⁶ Iye Yeso apata ubatiso,ochweya a mipo,bisi bo ganania,ena Mutima nguwo Asobee anujo nde anjua akuu ango. ¹⁷ Ina, iso yongwa akuu o bisi anunga bo:Iya nani njoo Mwana asemi iyo bukunda, amati ango na napiya jene bukunda ngubo bosemi bubomu