¹ Iya Yeso anotania ano Beteleme ano Yudea,angbinga ngiyo bungama ngubo Elode,ina ba magu aningwa aki a Mibo boboya ano Yelusaleme ² bobokuo bo:Ngama obayuda ngiya onotaniyo agbani?do tenopenge undata wango aningwa Mibo, teko nayo akobibiso. ³ Iye ngama Elode oka bani,mutema womuyangaa,no Yelusaleme mubomu. ⁴ Omomaka bagugu no bombi botindakia mabiyo,bimungiya bo Kilisito osisekiyo jene anotania gbani. ⁵ Bomusigiyo bo:Ano Beteleme ano Yudeya do yandikaniya jene baya Asobee: ⁶ no uwe, Beteleme itaka yo Yuda wangomu bele amati o babuma ubo Yuda,do amati asoo ngama anotania Iya ahuo Isalaeli ambaja asemi. ⁷ Helode esoko ba magu amutii,bomungakia bo undata wafa jene ajeya makwaa mapitani. ⁸ Ambisongo obutuma ano Beteleme obusigiyo bo:Seni,sikeni masau mabomu akwo mwana,nomineni neka kuwo nemi ako biya,do imi nisa kuwo nayo akobibiso. ⁹ Ambise anuka ngama,bamagu bosa.Ina undata nguwa bawina jene a Mibo wakyendaka iho nabo mupaka aki mwana abiyoo wemaa. ¹⁰ Iya bena undata,bokwa magyagya nogbe. ¹¹ Bokumoniyo ambeni,bena mwana no Malia,inye,bo gbukumiya no bomubibiso;bochweiso likyemu,bominjo olo,asas no mile. ¹² Aliwoto Asobee abusigiyo bo natitowoti bata ingbaa aki ati Elode,kido batowa tia nengbaa ngiye yemo. ¹³ Iye basa, malaika ochweyania Yojefu aliwoto omusigiyo bo:Ungwa,sika mwana no inye tugbua nayo ano Ejipite,wolo nayo inani mupaka sina nano ngia bo towa;do Elode ahata mwana bo imuwa. ¹⁴ Yojefu ongwa no mwana nabutu osa anaba ano Ejipite. ¹⁵ Owolo inani mupaka Helode awo,do yaka ngiye Asobee asigiyo jene baya ango yikyananakia:Nasoko jene mwana asemi abei o Ejipite. ¹⁶ Iye Elode enabo bamagu bomu himbo, opata mutima wota bibi nogbe,onga ga biwa bana botaguwe babomu asyo mago kapini ano Beteleme no banambamba,akpatanakia no makwaa nguka bamagu bamungiya. ¹⁷ Yaka ngiye gugu Yelemia asugo jene yokyananakiyo: 18 mabuu kachweya ano Lama,Ndiya no ndindyanaka,Lakeli andia bana bango,Angomu anuka gbema,Do bana bambiti bata. ¹⁹ Iye Elode awo malaika iyo Asobee ochweyania Yojefu ano Ejipite aliwoto omusigiyoyo ²⁰ ga:sika mwana no inye towa ano Isalaeli,do bombi nguba babiyo ahata nayo akoniwa basiyo. ²¹ Yojefu ongwa osika mwana no inye otowa ano Isalaeli. ²² Inado,iyeYojefu oka bo Alikelausi asika bungama ambiso ise Elode ojatuo ako towa,ndi Asobee ayakanaka nayo aliwoto osa wolo tia ano Galilaya, ²³ ako buma ngiya eno Nazaleti,doyaka ngiye ba gugu basugo jene yikyananakiya:Bamisoko sina bo mu Najaleti.