1 Iye bisi boya,bajee bo kanisa,no bajee bo ikumbu,boyakanaka akuu o Yeso,nayo ako niwa. 2 Ambise nayo ako sanga,bosa nayo ati Pose Pilato,ngama ngiya ata muja. 3 Yuda ngiya amu gaba,iye ena bo batiya aniwa,o nacho mutima,osa atoso bagyegye ba tekebe baatu a bajee bo kanisa no ubo ikumbu asugo bo:Nakiya pe bubibi, 4 a gaba menike uka kokiyo komu bubibi.Bo tosiyo:Yoti kango ndi isu?Yona kango uwe. 5 Yuda o giso ba gyegye nguba anani a ikaa yo Asobee,osa a njenjono. 6 Bajee bo kanisa bosika bagyegye,a sugo bo:Yangomu ilo a maya bagyegye nguba a mati sanduku ngiya tatu,do ya bagyegye bo menike. 7 No iye bawolo bo kaya umuwa wo huna babika no bagyegye nguba nani. 8 Kido bakye soko kubaa ngiya nani bo kubaa o menike,mupaka bubunu. 9 Yaka ngiye gugu Yelemiya asugo jene yo kyananakiyo:Basika bagyegye batekebe baatu,igabu yo mombi o bangboo,iye bana bo Isalaeli bamu gaba nayo; 10 no iye benjo a kubaa o likocho,kundi Muheiso ana sigiyo. 11 Beka no Yeso apeyi o ngama iya ata muja.Ngama o mubokwoko bo:Wandi ngama o ba Yuda?Yeso o tosiyo:Wosu go. 12 Yaka menga a tosiyo komu a bangbanga ngubo bajee bo kanisa no bajee bo ikumbu. 13 Kido Pilato omu sigiyo bo:Wangomu ndi anuka bangbanga nguba bo nachwo nabo? 14 Sokomu yeso o mutosiyo yaka po mengana,kido ya kyaka ngama ngiya ata muja. 15 Ako kila yenga ngama okio abono mombi o igbita mungana,iya ambaja oto mu baya. 16 Babiyo no mombi o igbita ata mimbiyanye ino bo Balabasi. 17 Ndi babiyo baja,Pilato o busigiyo bo:No chaguwo ani ati o Balabasi no Yeso ngiya baneyo ako nisoko bo Kilisito? 18 Do abiyo animbiya bo beko no Yeso ta isikisiki. 19 Iye baweliyo ngbanga,moyi o ngama o musiyo bo,wati kumoniyo komu a yaka ngiye mombi ata ngbingbii ngiya; do bubunu nona takanako bibi a liwoto a yaka yango. 20 Bajee bo kanisa no ubo ikumbu bo titiyo ambaja tabo bisiya Balabasi,biwa Yeso. 21 Ngama o sugo bo:Ati o bombi bapini nguba,tisiya ani?Bo tosiyo bo:Balabasi. 22 Pilato obu sigiyo bo:Nakiya imi imani no Yeso iya banayo a nisoko bo Kilisito?Bo natiya babomu bo:Bimu baka a bangbangba! 23 Ngama o bu bobokuwo bo:Okiyo imani?Bonatiya bata bumu:Bimu baka a bangbangba!Pilato, 24 a nina bo angomu ako pata ikyemu,no asila a leto tita leto,o sika mipo o gyabana likondo apeyi o bombi,o sugo bo:Neno komu imi bubibi nguba menike ko mombi ata ngbingbii kokiyo.Yoni kango inu. 25 Ambaja mubomu o tosiyo bo:Menike uko kango kiteyo akuu eso no bana beso! 26 Kido Pilato,a siya Balabasi,no ambise,o benda Yeso fimbo,o binjo bisa nayo ako baka a bangbangba. 27 Basuda ngubo ngama bosa no Yeso ati ngama iyo ebo,basuda bomu kunguwo. 28 Bomu luo lipuku,bomupiniso magbaa ko lipuku. 29 Bowa igayi yo mabu,bomu pinyiso,bomu botiso umbamba a ikondo yo guwe;bo gbukumiya apeyi ango,bopunga nayo ako nowa asu go bo:Ngama o Bayuda,tona bokuwo! 30 Bomu tokoko no malawu,bosika umbamba,bomu benda nawo a mutu. 31 Iye bamu jalau bani,bomu luwo koti,bomu tosiyo lipuku,bosa nayo ako baka a bangbangba. 32 Iye bachweya,bojonokiyo no guwe mungana aningwa ano Silene,ino bo Simon,bomu tumbiso banbgangba no bukabukayi. 33 Iye baboya ako umuwa ino bo Gologota,iye yasugo bo ida yo ikpokoo, 34 bominjo vino mumatake no uchongi,iye a kana,o yaa nimwa. 35 Iye bamu baka a bangbangba,bo pakana lipuku ngile lango,bobenda nalo gbanda,do yaka ngiye gugu asugo jene yi kyananakiya:Bapakana lipuku ngile semi,bobenda nalo gbanda. 36 Bowolo nayo ako beyoko. 37 Apananiso kusa ngiya ango,botindakiya mabiyo akuu o bangbangba asugo bo:Iya a Yeso,ngama o Bayuda. 38 Babu baka a bangbangba no bombi bo ndibo bapini,mungana a ikondo yo guwe iyo omo a ikondo yo moyi 39 Uba bokiyo a chana bokiyo nayo akoseya,akpukuma mutu,asugo bo: 40 Uwe wasugo bo wapanja ikaa yo Asobee,wa yi tuboko makwaa kaatu,heisono uwe mumbinyongo!Yobiyeni bo wa Mwana o Asobee,ujo akuu o bangbangba! 41 Bajee bo kanisa,batindiya mabiyo,no bajee bo ikumbu,bomu seyaka,asugo bo: 42 A heiso pungo bange,iheisono tiya iyo mumbinyongo!Yobiyeni a ngama o Isalaeli,ujo akuu o bangbangba,timu baya. 43 Enjonono ati Asobee,Asobee imu heiso itakitaki ngiye,yobiyeni bo a mukunda.Do asugo bo:Na Mwana o Asobee. 44 Bombi bo ndibo nguba babu baka nabo,bo punga ku nayo aseyaka ku ngban ga. 45 Aningwa saa melia,mupaka saa isaboku,umwomwo wo sika dodo mubomu. 46 No saa isaboku,Yeso o natiya no iso yota bumu:Eli,Eli,lama sabakatani? 47 a sugo bo:Asobee,Asobee,wona siyo do tani?47Mukpekpe ngiye babiyo anani,iye boka bani,bosugo ga:Anisoko Eliya. 48 Mungana ati ebo osa a sika ugbaa wo pamba,owu uno amati ukyepu wota bukayi,owu nangana a umbamba,enjo Yeso bo imwa. 49 Uba bomo bokiyo asu go bo:Siya,tina si ama Eliya eka nayo ako heiso. 50 Yeso o natiya bata,no mutima nguwo wango wo chweya. 51 Kido lido ngiya okiyo a ikaa yo Asobee,o natuaniya aningwa akuu mupaka a muduu,itaka yo guguma,makopi ko nachokoo, 52 manjawu ko gananakiya,batakatifu uba basiyo bo fufuka. 53 Iye Yeso a fufuka ambise o ingwo,bokumoniyo a buma ata tu,ochweyaniya bombi baja. 54 Bombi nguba bokiyo ako beyoko Yeso,iye bena itaka a guguma,bokwa uba nogbe,bo sugo bo:Anunga ingono,guwe ngiya abiyo pungo ta Mwana o Asobee. 55 Yabiyo no boyi uba bokiyo a kanga lu;uba bakpata Yeso anigwa ano Galilaya,nayo ako saliya. 56 Amati ebo yokiyo Maliya iyo Magdala,Maliya inye o ati Jaki no Yejefu no inye o bana bo Jebedeyo. 57 Iye ipasi ya duwa,mombi mungana o likyemu eka aningwa ano Alimate,ino boYejefu,okiyo ku mukpata wo Yeso. 58 Osa ati Pilato,eta munda wo Yeso isa nawo ako huna.Kido Pilato a baya. 59 Yejefu osika munda wo Yeso o wukutoko no lipuku leta tu, 60 owu napiya a bunjawu betakitaki,uba abu tambanaka amati ekopi.Obu kuto no ikopi yeta buto,osa. 61 Maliya Magdala no maliya ngiya omo bokiyo bawele ngbingbii no bunjawu. 62 Nekuba yongo,yokiyo bisi nguba bajee bo kanisa bokiyo bo tambanakeni bo banisa anina Pilato, 63 bosugo bo:Muheiso,totunguwo bo guwe ngiya okiyo pungo asugo bo:Ambise o makwaa kaatu a fufuka. 64 Injo upanu ako bombi nguba babeyoko bunjawu bo bi kanga ilo mupaka a bisi bo kaatu,do bakpata ubo bango bati ika komu nayo ako chweiso bongiya bombi bo:Ofufuko.Iye neni yabiyo tiya bibi nogbe ako chana iyo peyi. 65 Pilato o busigiyo bo:Nano basuda,bibeyoko bunjawu ndi nakunda. 66 Kido basa a napiya basuda a umongu wo bunjawu nguwa wabiyo no ikopi.