¹ Ambise o sabato,tinene bisi a nuya bisi bo mawanjia,Malia Magdala no Malia ngiya omo bosa a kanga bunjawu. ² Itaka yo guguma;do malaika iyo Muheiso ajo aningwa akuu o bisi,anika a nunguso ikopi,no wolo akuu ongo. ³ Abiyo aniniya ndi ugbaa wi ngenana,lipuku bo tuu ndi likuba. ⁴ Bombi nguba babiyo a beyoko bunjau bo guguma no uba,tandi bibiyo bawe. ⁵ Malaika o sigiyo boyi bo:Ako inu,nati kumo komu;do na nimbiya bo nahata Yeso iya ba mubaka pungo a bangbangba. ⁶ Angomu bata aka,o fufuko penge,ndi asugo jene.Ikeni,teneni aka bamu kwaliso pungoo, ⁷ seni ako biya bakpata gagaa bo o fufuko.Anenu ako betaka ano Galilaya:namu gboka inani.Ina, noni sigiyo sigiyoni. ⁸ Bongwa gagaa a bunjawu,kuno uba kuno igyagya,no bosa a biyakiya isau ati bakpata. ⁹ Ina,Yeso o bu chweyaniya,asugo bo:Noni bokuwo.Bomisingniya bomu boto mitindi,bo gbumiya a peyi ango. ¹⁰ Kido Yeso obu sigiyo bo:Nati kwa komu uba;seni ako sigiyo ba nduku bosemi bo bisa ano Galilaya:Ba nena suwo inani. ¹¹ Iye babiyo a nengbaa,mukpekpe ye basuda bokumoniyo a buma,bobiya bajee bo kanisa yaka ngiye ya kyananakiya. ¹² Iye bajee bo kanisa bamomaniya no bajee bo ikumbu,benjo basuda bagyegye baja, ¹³ bosugo bo:Sugeni bo:Bakpata ubo bango beka nayo ako nibo nabutu,isu a too. ¹⁴ Do ngama okeni tamu gbema,sokomu inikiya ikyemu. ¹⁵ Basuda bosika bagyegye,bokiya ndi babiyo bokanani.No yaka ngiye neni ya kyenda amati o Bayuda,mupaka bubunu. ¹⁶ Bakpata tekebe no mungana bosa ano Galilaya,akuu o ikpangba ngiye Yeso abupana. ¹⁷ Iye ba mina,bo gbukumiya apeyi ango.Bomo babiyo ta no bajatwoko. ¹⁸ Iye Yeso abisinganiya,o busigiyo bo:Angu mubomu a nenjoniyo pe akuu kundi iyani a dodo. ¹⁹ Seni a dodo mubomu,kiyeni manotu mabomu bakpata bosemi,nobu batisa ako ino yo Abaa,no Mwana no Mutima wo Tatu, ²⁰ no,bu paniyeni a beyoko yaka ibomu ngiye nani paniya.Nabiyo iho nenu mabisi mabomu mupaka a mupipiyo wo dodo.