1 Iye Yeso apipo yaka,o sigiyo bakpata? 2 Na nimbiya bo Pasika otukoo makwaa kapini,no ba gaba suwo Mwana o mombi do bimu baka aba ngbangba. 3 Bajee bo kanisa no bajee bo ikumbu bojonokiyo a ibamu ngiyo ngama,ino bo Kaife; 4 bo yakanaka bo bosisekiyo nifa Yeso tani no polotike,no nayo ako niwa. 5 Yaka mengana,bosugo bo:Yatibiyo komu ako angbinga wo umbo,to bombi bati tumbuka komu. 6 Ndi Yeso abiyo ano Betaniya,a ikaa n giye Simoni mombi okebukebu, 7 moyi mungana o misinganiya,o tumbeni ikocho yo malasi uwa wo igabu bumu;iye babiyo a meja,otiyo Yeso no malasi a mutu. 8 Iye bakpata bena bani,yobu kiya bukayi,bo sugo bo:Moyi ngiya a yangiyo malasi a yaka yemani?Jambota gaba malasi nguwa nani igabu bumu,topaka ba gyegye bongo a ba masikini. 10 Iye Yeso ena bani,obu sigiyo bo:Nani niya moyi ngiya mutima wota bibi akuu o imani?Okiyo yaka yetelo akuu asemi; 11 do nakya no ba masikini mabisi mabomu,tango abiyo no inu mabisi mabomu. 12 Atiyoko malasi ngukake a nondutu yesemi,okiyo a ingwo yesemi. 13 Noni sigiyo tano ingono,umuwa ubomu aki isawo yetelo ngiye yabi iye,dodo mubomu,ba bibiso sina yaka ngiye moyi ngiya okiyo. 14 Mungana amati bapkata,ino bo Yuda Isikaliote osa a gboka bajee bo kanisa, 15 osugo bo:Nakunda nemi aninjo imani,nininjo iyo?Bo minjo falanga ba tekebe baatu. 16 Aningwa anani bopunga nayo ako hata angbinga ata mudo ako nifa Yeso. 17 Bisi bo mupunganiya bo mukati sokomu no chachu,bakpata bo si giyo Yeso bo:Wakunda bo tina tambanakiya Pasika gbani? 18 Otosiyo bo:Seni a buma ati mombi mungana bo,namu sigiyo bo:Mupananakiya osugo bo:Wakati nguwo wango wotukoo bele;nakiya Pasika andoo,no bakpata nugbo semi. 19 Bakpata bokiya ndi asugo,bo tambanaka Pasika. 20 Iya ipasi ya dua,owolo a meja no bakpata. 21 Iye babiyo ani gyakaka,osugo bo:Noni sigiyo tano ingono,mungana amati eno ana gaba suwo. 22 Bo pata ikoko nogbe,mombi no mombi o punga bokuwo:Yandi imi,Muheiso? 23 Otosiyo:Mombi ngiya ta maya nayo ikondo mengana a sani,iyo aka anagaba. 24 Mwana o mombi a nisa,akpataniya ndaka ya yindanakiyoo.Ikoko ako mombi ngiya amu gaba!Jambo anotaniya mu gutu jene. 25 Yuda ngiya amu gaba omu bokuwo asugo bo:Yandi imi,Rabi?Yeso omu tosiyo:Wosugo. 26 Iye babiyo a gyakaka,Yeso osika mukati;no,eta Asobee,owinjo bakpata asugo bo:Sike ni, gyeni,iye neni ya ndutu yesemi. 27 Osika ikombe,ambise o bibiso,o binjo,asugo bo:Mweni babomu; 28 do iye neni ya menike uko semi,menike ko iguni,uko kongbengono ako bombi baja,ako nibo bubibi. 29 Noni sigiyo,nango mwa bata vino,mupaka namwa sina nenu tita a bungama ngubo Abaa. 30 Ambise o suwa mambo,bosa a ikpangba ngiye baolive. 31 Yeso obu sigiyo bo:Nabiyo ako inu babomu, ingbaa yo nikwa,nabutu ngiyo bubunu;do yatindanakia bo:Nabenda muchungaji,banama bopanjaa. 32 Yaka mengana,iye na fufuka suwo,nabiyo apeyi eno anio Galilaya. 33 Iye Piele,apunga yaka,omu sigiyo bo:Iye wabiyo ingbaa yo nikwa ako bombi babomu,wango biyo bata wasemi. 34 Yeso o musigiyo bo:Nona sigiyo tano in gono,nabutu ngiyo bubunu,apeyi ngiyo kobo a natiyoo,wana tatiya machaa kaatu. 35 Piele omu tosiyo:Gutu ta yobiyeni ingwo,tawo ta no uwe,nango na tatiya.Bakpata babomu bosugo ta ngbanga. 36 Yeso osa nabo ako umuwa mungana weno bo Getesemane,o sigiyo bakpata:Woleni aka,nanisa a mutii,akonita. 37 Osika Piele no bana bapini bo Zebedeyo,opunga nuka mutima wo ikoko. 38 Obusiyo bo:Mutima nguwo semi wano ikoko mupaka ingwo;tukoo eni aka,nati kwala komu too iho no imi. 39 esingana,okwa no mesu,no lumba asugo bo:Abaa,ibini bo yo wejekano,ikombe ngiye yisa lu no imi!Yaka mengana,yi kyananakiya,iye wabaya,sokomu iye semi. 40 No otowa a gboka bakpata,obu gbokatiya a too,osigiyo Piele:Nowejo komu po a peya too angbinga mungana no imi! 41 Jukaneni,no lumba,do nati kumoniyo komu amati o ipima;mutima wa ngbingbii yaka mengana ndutu ya kpalakpala. 42 Osa bata machaa kapini,o lumba:Abaa yo nekataeni,ikombe ngiye yi chana lu sokomu niyi mwa,bukunda bosoo bi kyananakiya! 43 Otowa,obu gboka bata ta atoo,do mesu kebo kabiyo no too. 44 Obu siya,osa bata,o lumba bata imbi iyo beetu,anunga ta yaka mengana. 45 Iye atowa aki bakpata babiyo iye,obu sigiyo bo:Kwaleni tiya too,uhomuweni!Anginga atiya tinene,Mwana o mombi ba nayo ako gaba a likondo lo bombi bo bubibi. 46 Imaa eni,tiseni,iya anemiako gaba a tiya tinene. 47 Iye okiyo ayaka,ina Yuda,mungana iyo bakpata,eka iho no bombi baja babiyo no mapi,mangbe,bajee bo kanisa no bajee ube ikumbu bobu tumeni. 48 Iya amu gaba abinjo iseseniyo mengana:Iya namu naputo,ambo iyo iyanani,nomufa. 49 Ambise,esingana tinene no Yeso,osugo ga:Nona bokuwo,Rabi!No omu naputo. 50 Yeso omu sigiyo:Nduku asemi,iye weko akiya,ikiya pi.Bombi nguba anani bofa Yeso. 51 Inado,mungana ngiya bokiyo nati Yeso o chweiso mapi,okwaka mungana uba beka nayo akonifa,omu kiyo uchweyi. 52 Yeso omu sigiyo:Toso mapi,uba bakyowa no mapi basiyo sina kuno mapi. 53 Wangomu ndi animbiya bo na weja a nisoko Abaa ina tumiya ba malaika alofu tekebe no bepini? 54 Mabiyo ka kyananakiya tiya tani,do ya tindanakiya tabo yi kyananakiya ta bani? 55 Ako angbinga ngiya anani,Yeso o biya ambaja:Neko ndi neko anifa mombi o ndibo,no mapi no mangbe nemi ako nifa.Nabiyo pungo mabisi mabomu iho nenu a ikaa yo Asobee,nenu ako paniya,sokomu nonafa. 56 Iye ibomu yata do mabiyo uko ba gugu ki kyananakiya.Bakpata babomu bo tugbuwa,bomu siya. 57 Uba babiyo bofeni Yeso bosa nayo ati ngama Kaife,aki batindakiya mabiyo no bajee babiyee. 58 Piele okiyo nabo ako kpata ambise,mupaka a ibamu ngiyo ngama,okumoniyo o wolo iho no babaya bo ngama,a nina bo yaka ngiye yasiyo tani. 59 Bajee bokanisa no basanedilia,bokiyo ahata ba demu bo mujee achongiya Yeso,do bi muwa. 60 Yaka mengana sokomu bipata, gutu ndi mikpekpe yo bademu babiyo.Bapini beka asugo bo: 61 Guwe ngiya asugo jene bo:Naweja ako panja ikaa yo Asobee,noyi tuboko ambise o makwaa kaatu. 62 Mujee wokanisa wemaa,o sigiyo Yeso:Wangomu ndi a tosiyo?Bombi nguba banowe ako chongiya? 63 Yeso o gbaa tabo woo.Mujee wo kanisa o sugo bo:No neto ako ino yo Asobee,ati biya si bo wa ndi Kilisito,Mwana o Asobee. 64 Yeso omu tosiyo:Wo sugo.No bata,noni sigiyo bo,nena suwo Mwano Asobee muwole a ikondo yo guwe iyo Asobee,anika akuu o likuba akuu o bisi. 65 Mujee wo kanisa o nachokoko lipuku,asugo bo:Okiyo bubibi nogbe!Tandi bata kuno taa yo demu?Noko inu bambinyo bongo bubibi uba bango? 66 Neno tani?Botosiyo:Osisekiyo ingwo. 67 Bomu tokoko no malawu a mesu,bomu buwo no fimbo, 68 a sugo bo:Kilisito,tungiya tiya bo ani ako ona buwo. 69 Anani,Piele abiyo bawole a ibamu.Baya mungana eka a nambamba ango,o musiyo bo:Uwe wabiyo pungo ku mukpata wo Yeso iyo Galilaya. 70 Omu tatiya apeyi o bombi babomu,asugo bo:Nangomu a nimbiya yaka ngiye wa sugo. 71 Iye abiyo a chweya,ano umongu,mombi o teya mungana o mina o sigiyo bange;Iya a biyo pe kuno Yeso iyo Nazaleti. 72 Omutatiya bata,no kiyo silika:Nangomu a nimbiya mombi ngiya anani. 73 Ambise bele,uba babiyo anani, besingania Piele:Wabiyo pungo no bombi nguba ta ingono,muyakiya nguwo soo wo kpatano nabo. 74 Opunga kiya ndi akiyo silika:Nango imbiya komu mombi ngiya.Po gbaliya kobo o natiya. 75 Piele otunguwo yaka ngiye Yeso amu sigiyo:Apeyi ngiya kobo anatiya,wana tatiya machaa kaatu.Iye achweya a beyi,o ndiya no ikoko.