¹ Bungama nguba akuu o bisi,ba ngbanga ndi bana beboyi nguba babiyo ako betiya guwa no batala, ² boku ati ebo babiyo no bamu,boku ngubo mo no nimbimbyanaka. ³ Boku basika batala nguba bebo,sokomu bisika pitolo; ⁴ ubo nimbimbyanaka bosika batala nguba bebo nopitolo amati ongo. ⁵ Ndi guwe abiyo a gbaliya,babomu bokwala too. ⁶ Ati o bisi,bo natiya:Guwe eko,seni nayo ako teteya! ⁷ Bana beboyi nguba anani,bojukana,botambanaka batala ubebo. ⁸ Ubo bamu bongiya ubo nimbimbyanaka:Tinjeni kuwo pitolo,batala ngubeso beboniyo, ⁹ Ubo nimbimbyanaka bo tosiyo:Haa,ango ti winiya komu babomu,seni ako kaya eno. ¹⁰ Iye bokiyo anisa akaya,guwe eka,uba babiyo tayali bokumoniyo no guwe ambeni ngiyo ibaa bo dikpa umongu. ¹¹ Ambise,uba bomo beka,asugo bo: Muheisbo,muheiso,ati ganiya umongu. ¹² Obu tosiyo:Nonungiyo tano ingono,nangomu nenu ako nimbiya. ¹³ Beyonokeni,do nangembiya bisi ama angbinga. ¹⁴ Yabiyo kundi mombi mungana,abiyo anisa kyenda,esoko bombi bo teya ngubo bango obinjo likyemu. ¹⁵ Enjo talata boku ati mun gana enjo iyomo bepini,enjo omo bata kuwo,kila mombi ako agangu ngiya ango,osa.Ambise ¹⁶ iya asika gtalata boku osa,omupundiso,opata bata ku boku akuu ongo. ¹⁷ Ku bani,iya asika bepini o matiya bata ku bepini. ¹⁸ Iya asika mungana osa anumba budoo,owu naya akumo mumbinyongo ¹⁹ Ambise o makwaa,mumbinyo likyemu eka,eta kila mombi kikyemu ngile abusiya. ²⁰ Iya asika talata boku otoso bata boku ngomo,osugo bo:Muheiso wa nenjo jene talata boku,ina notoso bata ku boku ngomo. ²¹ Mumbinyo kikyemu osugo bo:Yelo,wa mombi o teya ata mulo;wo beyoko likyemu lido,na nenjo tiya lija,kumoniyo amati o magyagya no ngama asoo. ²² Iya asika bapini esingana asu go bo:Muheiso,wa nenjo talata bepini,nomatiyo ku bepini ngomo. ²³ Mumbinyo likyemu o misigiyo bo:Yelo,wa mombi o teya ata mulo,wo beyoko likyemu lido;na nenjo tiya lija,kumoniyo iho no ngama. ²⁴ Iya asika ta talata mungana eka,osugo bo:Muheiso,nabiyo po a nimbiya bo wa ngama ata bukabukayi,wakyo buoko aki wa huna komu iye,wa ponyoko aki wa popa miye; ²⁵ nabiyo no uba,no naya utalata nguwa wosoo g,amati o budoo,iwowa usika. ²⁶ Mumbinyo likyemu o mutosiyo:Mombi o teya ata bibi no bukpoloto,wa biyope a nimbiya bo nakyo buoko aki nahuna komu iye, ²⁷ no nakyo ponyoko aki na popa komu iye,wosisekiyo pungo a ninjo likyemu ngile semi a baki,do bina tosiyo no bonofisi. ²⁸ Mu hinieni utalata,injeni mombi ngiya anayo tekebe. ²⁹ Do banjo sina mombi ngiya anayo,eka nayo ija,iya angomu nayo bamuhiniya sina. ³⁰ Mombi o teya ata butuu,mugiseni amati o umwomwo ina abeyi,aki ndiya no nuga menu yee. ³¹ Iye Mwana o mombi eka sina no ubiba wango,no bamalaika,awolo sina a bungama ngubo bango no ubiba. ³² Manotu mabomu kabiyo sina apeyi ango.A nagbonyoko sina ubo telo no ubota bibi,ndi banagbonyoko ba meme no ba kondolo; ³³ a napiya sina bakondolo a ikondo yog guwe ba meme a ikondo yo moyi. ³⁴ Ngama a sigiyo sina uba babiyo sina a ikondo yo guwe:Ikeni,inu nguba nachwaniya no Abaa;sikeni umuwa a bungama uba bani tambaniya aningwa a mupunganiya wo dodo. ³⁵ Do nabiyo jene no taa no nenjo igyo;nabiyo jene no musasa wo mipo,nonenjo mipo;nabiyo mubika nona teteya; ³⁶ nabiyo munduu,nonenjo lipuku;nabiyo no kabu,nosa nemi ako kanga;nabiyo a igbita,nosa nemi ako kanga. ³⁷ Bombi bo ingono batosiyo sina bo:Muheiso,ta nena jene gbani uwe no taa,tonanjo igyo;ama wabiyo no musasa wo mipo,tonanjo mipo? ³⁸ Ta nena gbani mubika,tona teteya;ama munduu tonanjo lipuku? ³⁹ Tanena no kabu ama a igbita,tosa nowe ako kanga?Ngama abu tosiyo sina bo:Noni sigiyo tano ingono,iye nokiya bombi, gutu ta ubota belebele,noto nakiya imi. ⁴¹ Asigiyo sina uba babiyo a ikondo yo moyi:Ungweni nosa lu nemi,inu nguba bani gbanga;seni a gyaa iye mago no mago,iye bani tambanakiya inu nati abii no bamalaika uba ango. ⁴² Do nabiyo no taa sokomu nonenjo igyo,nabiyo no musasa wo mipo,sokomu nonenjo mipo; ⁴³ nabiyo mubika,sokomu nona teteya;nabiyo munduu,sokomu nonenjo lipuku;nabiyo no kabu,no a igbita sokomu nosa nemi ako kanga. ⁴⁴ Batosiyo sina bbo:Muheiso,tanena gbani no tbaa,no musasa wo mbipo,mubika,munduu,no kabbu,no a igbita sokomu tosa nowe ako kanga? ⁴⁵ Abu tosiyo sina bo:Noni sigiyo ingono,iye nokoto kiya komu a bombi gutu ta ubo ta belebele,nokoto nakiya komu imi. ⁴⁶ No uba babi sina ako ikoko iye mago no mago,ubo ta ngbingbii,a buheya ubo mago no mago.