¹ Iye Yeso abiyo ako chweya ako ikaa yo Asobee,bakpata bo misinganiya nayo ako bibisiyo mutubonokiyo wo ikaa yo Asobee. ² Obu sigiyo bo:Na nina ibomu ngiye neni?Noni ngiyo ta no ingono,ikopi po mengana yango tukoo suwo ana yoko kweni komu. ³ Osa awolo akuu o ikpangba yo ba olive.Bakpata beka nayo akobokuwo bo:Tungiya si,yaka ngiye yeka sina ako angbinga nga eno tani?Tembiya no iseseniyo nge yeno tani yapana nika ngiye yesoo? ⁴ Yeso obutosiyo:Beyonokeni mombi ati ni peta komu. ⁵ Do baja beka sina no ino yesemi,asugo bo:Imi njoo na Kilisito.No ba kwisiso sina bombi baja. ⁶ Noka sina yaka yo lite,ama ipumbu yo lite:beyonokeni nati mbambaniyo komu,do yosisekiyo yaka ngiye yi kyananakiya.Yaka mengan yango biyo si mupipiyo. ⁷ Ikumbu ngeye maana sina no yomo,no bungama nga ba maana sina no bomo,no yabiyo sina ako bamuwa dididi taa,ba akpukuma. ⁸ Iye neni yabiyo ta mupunganiya wo bukabukayi. ⁹ Ba ni kyananaka sina,boni maa,bombi babomu bani yaa sina akuu o ino yesemi. ¹⁰ Baja bakwa sina,bo gabana,bo yaana. ¹¹ Ba pananakiya bo mujee beka sina no bakwisiso sina bombi baja. ¹² Do bubibi babiyo sina buja,mukunda basiyo sina. ¹³ Yaka mengana,mombi ngiya a beyonoko sina mupaka a mupipiyo aheya sina. ¹⁴ Isawo yete lo ngiye ye neni bayi biyakiya sina a dodo mubomu,do yibiyo dada ako likumbu libomu.Kido mupipiyo weka sina yiya. ¹⁵ Iye nena sina yaka yeta bibi anika yiya nogbe,uba gugu Danyele asugo jene,amunapiya ako umuwa wota tu,-mombi ngiya a popoko ikanga ilo!- ¹⁶ Uba babiyo sina ano Yudeya ba tu gbuwa a likpangba; ¹⁷ iya abiyo sina akuu ikaa ango ujo komu asika ikyemu iye yambeni; 18 Iya abiyo akubaa angotowa komu a ndeyi asika ipuku. ¹⁹ Ikoko no boyi nguba ba biyo sina no maa,no uba babiyo sina no bana! ²⁰ Iteni bo bangu ngiye yeno yati biyo komu ako angbinga o sesu,ama ako bisi bo yenga. ²¹ Do ikoko ya biyo nogbe iye nango ina komu sina komu a mu punganiya wo dodo a boya bubunu,no iye nango ina sina komu. ²² No,boko dodoni mu jene makwav a,mombi ango heya;ba dodo makwaa ayaka yo baga nguba ba buchwa. ²³ Mombi oni sigiyeni bo:Kilisito aka,ama:Aki,nati mubayo komu, ²⁴ do ba Kilisito bo petanaka beka sina no ba gugu bo mujee,bakiya sina yaka yete mbange,no mijija do bombi bibu baya, ²⁵ gutu tauba babu buchwa. ²⁶ Boni sigiyeni bo:aki a isa,natisa komu,a bambeni bo peyi,nati mubaya komu. ²⁷ Do,iye ugbaa wakyo ngenana aki ipa yakyo ngwee yosa aki yakyo kwalee,nika ngiye ngiye Mwano o mombi ya biyosina bani. ²⁸ Aki munda wabiyo sineye,linjo lamomaniya ta ina. ²⁹ mbise makwaa nguka nani ko ikoko,ipa yeboniyo sina,uyi wango jeya bata,ndata ya bwanaka sina aningwa akuu o bisi,no angu ngiya akuu o bisi a sikanakiya sina. ³⁰ Kido iseseniyo ngiyo Mwana o mombi ya chweya sina akuu o bisi,malala mabomu nguka asi o ipa ka mbambaniyo sina,no bena sina Mwana o mombi a ningwa a likuba no angu no ubiba ubomu. ³¹ Atuma sina ba malaika no ipanda yeta bumu,no amoma sina bombi nguba a buchwa no magbaa bogina ko dodo,aningwa a ugbaa wo bisi mupaka ako womo. ³² Imbimbyakeni,nosika iseseniyo ako buti bo olive.Mitapu yongo yo pungeni a yowa,no mani kongo a ngbungbwana,sugo bo igo yatiya tinene. ³³ Kubani,neneni yaka ngiye neni ibomu,imbiyeni bo Mwana o mombi atiya tinene,ano umongu. ³⁴ onungiyo tano ingono,umbeke nguwo nani wango chana,yaka ngiye neni yeka yoboyeni komu. ³⁵ Dodo no bisi ba chana,yaka ngiye semi yango chana komu. ³⁶ Ako iye yokango angbinga no bisi,mombi ange mbiya,bamalaika,gutu ta Mwana ange mbiya,ta Abaa aka a nimbiya. ³⁷ Iye yakyananakiya jene ako angbinga ngiyo Nowa,yakyananakiya sina anika ngiyo Mwana o mom. ³⁸ Do ako makwaa nguko apeyi ugbaa wo toja,bombi bokiyo a nigya,no nimwa, bokiyo asikana,tuma bana bebo a mabaa,mupaka Noa akumoniyo a mati o ingboo; ³⁹ sokomu bokumo ikyemu,mupaka ugbaa weka wosa no bayaka babomu:yabiyo sina ku bani aka mwama o mombi eka sina. ⁴⁰ Ina,bombi bapini babiyo sina a kubaa,basika mungana bosiya omo; ⁴¹ Boyi bapini babiyo a nuga ngano basika mungana bosiya o omo. ⁴² Beyonokeni,do nangomu a nimbiya angbinga ngiya oo anika. ⁴³ Imbiyeni ilo,mumbinyo o ikaa obiyeni jene a nimbiya bo mombi o ndibo a nika angbinga nga eno tani,jambo akwala mu too no ambo mombi o ndibo a bundo komu umongu. ⁴⁴ Kido,inu biyeni tayali,do nangomu a nimbiya angbinga ngiya Mwana mombi eka sina oo. ⁴⁵ Ani aka mombi o teya iya ata mimmbimbyanake,do ngama ngiya ango amunapiya akuu o bombi,nabo ako ninjo igyo ako angbinga ngiya osisekiyo? ⁴⁶ Ilo no no mombi o teya ngiya anani,do ngama ngiya amu gboka akiya bani! ⁴⁷ Noni sigiyo tano ingono,amu napiya akuu o likyemu ngile lango libomu. ⁴⁸ Obiyeni mombi o teya atabibi,sugono bo:Ngama angomu anika gagaa, ⁴⁹ opungeni a buwo bange,anigya no nimwa no bombi bo lidamu, ⁵⁰ ngama o bombi bo teya uba anani ekasina bisi no angbinga iya embiyaniyo komu, ⁵¹ amu napiya a nambamba,no a minjo mukaya n guwo wango iho no bapetanaka:anani njoo yabiyosina ndiya no nuga menu.