¹ ye Yeso,okiyo ako yakiya ambaja no nakpata, ² osugo bo:Bombi bo tindakiya mabiyo no bafalisayo bowolo akuu o ikpangba iye yo Musa. ³ Ukeni no kyananakiyeni iye banenu ako nungiya;yaka mengana natibiyo komu ndi ibo,do bakyo unga sokomu bo kiya. ⁴ Basanga makwe kota butobuto,botumbiso bombi a mapaka,bango kunda nabo akodiso. ⁵ Bakiya yaka ngiye yebo tabo do bombi bibu bibiso.Njoo ba kyendaka no mabiyo koto makpokpo,bopiniya lipuku lo balangi; ⁶ a mujonokiyo bakunda wolo apeyi do bibina,no bawolo a peyi a babasa; ⁷ bakunda bo bibu teteya apeyi o bombi,no bombi bibu soko bo Mupananakiya,Mupananakiya. ⁸ Yaka mengana inu,batinisoko bo Mupananakiya,do nano mupananakiya ta mungana,no na babomu ta banduku. ⁹ Nati soko komu mombi asyepa ngiye bo abaa,do ato ino ata mungana,iya akuu o bisi. ¹⁰ Nati baya mu bo binisoko bo bapananakiya,mupanakiya mungana wata Kilisito. ¹¹ Mombi ata muja ati eno,abiyo baya. ¹² Iya abaya abiyo akuu ba mudiso,no iya a disoniso ba letiso. ¹³ Ikoko no inu,uba batindakiya mabiyo no bafalisayo bapetanaka!na anangyo bange bungama nguba akuu o bisi;sokomu nokumoniyo inu kubani,no nangyo uba bano musasa akumoniyo. ¹⁴ Ikoko no inu,batindakiya mabiyo no bafalisayo bapetanaka!do nagya likaa ngile ba woko,na peta bombi no malumba koto matamata;ku bani,na pata sina mukaya wota bukayi. ¹⁵ Ikoko nenu batindkiya babiyo no bafalisayo bapetanaka!do nakyenda ikuu o balisini no itaka ako bayiso mombi,o bayeni,no munacho mwana o abii machaa kapini. ¹⁶ Ikoo no inu,nguba nachweyo mesu!na sugo bo:mombi okiyo ni silika no ino ikaa yo Asobee, yangomu ikyemu,yaka mengana,mombi okiyeni silika ako ino oyo olo iya ikaa yo Asobee,obayo. ¹⁷ Nojango nimbiya no nachweyo mesu!ani aka muja,olo,ama ikaa yo Asobee ngiye yagyaba olo. ¹⁸ Nakyo sugo ku bo,mombi okiyeni islika akuu o alitale,yangomu ikyemu,yaka mengana okiyeni silika ako ino yo mutebi nguwo wakuu alitale,ambo obayo. ¹⁹ Nachweyo meso!ani aka muja,mutebi,ama alitale ngiya agyaba mutebi ²⁰ Iya akiyo silika ako ino yo alitale,okiyo no ino yoalitale no bayaka nguba akuuongo; ²¹ iya akiyo ako ino yo ikaa yo Asobee,okiyo ako ino mombi ngiya amati; ²² iya akiyo no ino yo bisi,okiyo no ino yo bungama bo Asobee ngiya awolo inani. ²³ Ikoko no inu,batinakiya mabiyo bapetanaka!do nenjo mutebi wo mete,uwo anet no kumini,nosiya yaka ngiye yengono akuu o upanu,ingono,nipaakiya no baya:iye yeneni njoo nosisekiyo kiya sokomu a busaa yaka ngo yomo. ²⁴ Nachweyo mesu!na chweiso bapapa,no miyo punda. ²⁵ Ikoko no inu,batindakiya mabiyo bapetanaka!do nabiyaka ikombe abeyi no nani o papa,ina do amati obiyeni no makaku. ²⁶ Bafalisayo bachweyo mesu!biyaka si amati o ikombe no sani o papa kido iyani abeyi yibiyo ku bongwa. ²⁷ Ikoko no inu,batindakia mabiyo bapetanaka!do nakye nia ndi manjau uka ba leya no langi,keniya abeyi malo,ina do,amati mahuwe no maho,no bubibi ku gbayi. ²⁸ Gutu ta inu abeyi,neniya balo amesu ko bombi,ina do,amati eno nano petanaka no yaka yeta bibi ²⁹ Ikoko nenu,batindakia mabiyo no bafalisayo bapetanaka!do na tambanaka manjawu koba gugu no uko bombi bo ingono,no nasu go bo: ³⁰ Tobiyeni jene ako angbinga ngiyo babaa,ambo tajomboniyo komu nabo ako nuto menike koba gugu. ³¹ Na chongyana ku inu bambinyo bongo bo na bana bo bombi nguba bamaa ba gugu. ³² Kutokeni bubibi ngubo bato beno. ³³ Basii,umbeke wo ba sii!akuu imani nakumo mukaya wo bubibi ngubo beno ³⁴ Kido,ineni,nonitumiyo ba gugu,bombi bo nimbimbyanaka no ubo yindakiya mabiyo,nabu maa suo,no baka bomo a bangbangba nabenda suo bomo fimbo a babasa,no bukynanaka suo a babuma, ³⁵ do menike ko bombi nguba ba bumaa bokiyeni komu ikyemu ki ngbengono ako dodo,aningwa ako menike nguko Abeli iya ata ngbingbii mupaka Jakaliya mwana o Balachi iya na muwa ati o ikaa yo Asobee no alitale. ³⁶ No ni sigiyo ta no ingono yaka ngiye neni ibomu yateyo sina ako notaniya ngiye yeno. ³⁷ Yelusaleme,Yelusaleme,iya aniwa ba gugu no giso no makopi bombi nguba ba butuma,machaa mapitani nahata a moma bana bosoo,ndi kobo akyo moma bana bango asi o mapapanduwa,sokomu no baya! ³⁸ Ina,ikaa ngiye yesoo yatukoo suwo butuu ; ³⁹ do,nona sigiyo bo,nango nena suwo bata,mupaka sina nasugo:Ubiba no mombi ngiya a nika ako ino yo muheiso!