¹ Iye Yeso a punga yaka,obu yakiya bata no iseseniyo, ² asugo bo:Bungama nguba akuu o bisi ba ngbangangbanga ndi ngama ngiya atambanaka umbo wo ibaa wo mwana ango.O tuma babaya a nisoko bombi bika a umbo,sokomu bo baya nika. ⁴ Otuma bata babaya ngo bomo a nisoko bombi asugo bo:Sigiteni bombi ngubo banika bo:Notambanako umbo,nowa bangombe no banama ngubo semi boto manjanja,yaka ibomu ya tayali,ikeni ako umbo. ⁵ Yaka mengana,sokopo bokpata nisoko,iya osa a kubaa,omo osa a gabanaka, ⁶ bomo bofa babaya bo bubenda,bo bumaa. ⁷ Ngama opata mutima wota bibi,otuma ba suda,bo maa bombi bota bibi n guba nani,boya buma ngiya anani. ⁸ Osigiyo bakpata bo:umbo watiya tayali,yaka mengana bombi nguba nabisoko bangomu. ⁹ Seni a majiya,isokeni bombi nguba nabina. ¹⁰ Babaya bosa a lingbaa,bomoma bombi babomu nguba babiyo,ubo tabibi,ubota balo,kido ikaa yo umbo yahuwo no bombi. ¹¹ Ngama okumoniyo anina bombi nguba babiyo a meja,ena mombi mungana iya abiyomu no lipuku lo umbo. ¹² Omu bokuwo bo:Nduku asemi wokumoniyo yani wobiyeni komu no lipuku lo umbo?Mombi ngiya anani o gbaa tabo woo. ¹³ Ngama osigiyo babaya ngubo bango:Musangani likondo no mitindi,mu giseni a bei,ako umwomwo,aki ndiya yee no nuga menu. ¹⁴ Do bombi beka baja,bakumoniyo bele. ¹⁵ Bafalisayo bosa ayakanaka bo bafa Yeso tani akuu yaka ngiye yango mumbinyo ongo. ¹⁶ Bomu tumiya bakpata nguba bebo no ba helodia,bosugo bo:Mupananakiya,ta nimbiya tabo wa ingono,no wapaniya ingbaa yo Asobee no ingono,sokomu akpata yaka ngiyo bombi,do wangomu a kanga bombi a beyi. ¹⁷ Tungiya tiya bo wowe anina tani:yandi ilo aninjo Kaijala mukaya nguwo wango? ¹⁸ Yeso,animbiya bukabukayi nguba bebo,obu tosiyo bo:Akuu o imani nanemi ako kaniyo? ¹⁹ Apaneni ufalanga nguwa nako lipa nawo mukaya.Bomu pana ufalanga mungana. ²⁰ Obubokuwo:Muyendu wani uwa,no mabiyo uka akuu o ufalanga? ²¹ Bomu tosiyo ga Kaijala.Obu sigiyo ga:Injeni Kaijala mukaya nguwo Kaijala,nenjo Asobee mukaya nguwo Asobee. ²² Anuka tosiyo ngiye abu tosiyo,bo panjaa,bosa. ²³ Nobisi n guba anani,ba sadukayo n guba babiyo komu ako baya fufuka,beka a nambamba o Yeso, ²⁴ bomu bokuwo bo:Musa a sugo bo:Mombi oweni sokomu isiya mwana,manye a nasana moyi moyi n giya anani,ako kumbula manye. ²⁵ Ina do,amati eso tano bayaa melia neka.Iyo peyi osikana,no owo;ndi asiya komu mwana,manye o nasana moyi ango. ²⁶ Iyo bepini ku bani,iyo beetu ku bani,mupaka melianika. ²⁷ Ambisebo babomu,moyi owo iyo ku kuwoni. ²⁸ Iye bombi bafufuka sina,moyi ngi anani abiyo sina moyi ani?Do abusika ta babomu. ²⁹ Yeso obu tosiyo:Namati o janga nimbiya,do nangomu animbiya angu o Asobee. ³⁰ Do,iye bombi ba fufuka sina,baguwe bango sika sina boyi,ama boyi asika ba guwe,babiyo sina ndi ba malaika n gubo Asobee akuu. ³¹ Akuu o yaka ngiye fufuka ngiye bombi nguba basiyo, ³² na popoko komu yaka ngiye Asobee asiyo Abalama bo:Na Asobee ngiyo Abalama,iyo Isaka,iyo Yakobo?Asobee angomu Asobee o bombi nguba basiyo, ³³ anjoo Asobee o bombi nguba ba ubeyi. ³⁴ Iye bafalisayo boka bo o gbaiso basadukayo,bo momaniya, ³⁵ mungana ati ebo,mombi ngiya embiya mapanu nogbe o mubokuwo bo nayo akokaniyo: ³⁶ Mupananakiya,upanu nguwa woto uja,ako chana uka komo uwa gbani? ³⁷ Yeso o mutosiyo:Kunda muheiso, Asobee ngiya asoo,no mutima nguwo wosoo,no mutima,no itunguyo ngiye yesoo. ³⁸ Ya upanu uwo peyi no uwo wotoja. ³⁹ Uwo bepini uwa,wakundi uwo peyi:Kunda nduku asoo,kundi uwe mumbinyongo. ⁴⁰ Mapanu kapini ngukake,komomo ukomo mabomu no ba gugu. ⁴¹ Ndi bafalisayo babiyo bamomaniye,Yeso o bubokuwo asugo bo: ⁴² Nako tunguwo tani akuu o Kilisito?Asi mwana o ani?Botosiyo bo:A mwana o Daudi. ⁴³ Yeso obu sigiyo bo:Akuu emani,no mutima,akyo misoko bo Muheiso iye akyo sugo bo: ⁴⁴ Muheiso asigiyo muheiso nguwa wosemi:Wolo a ikondo yo guwe ngiye yesemi,mupaka nawechoko ba muyaa nguba bosoo? ⁴⁵ Daudi o misokeni bo Muheiso,abiyo mwana ango tani? ⁴⁶ Sokomu bi mutosiyo.No,anigwa anani sokomu bata mombi ikaniyo nayo ako bokuwo yaka