¹ Iye baboya tinene no Yelusaleme,ano Bethfaga,a likpangba lo olive,Yeso otuma bakpata bapini, ² o bu sigiyo bo:Seni a ikumbu ngiye ya apeyi eno,nagboka punda moyongo munge,no guwe ongo,buboo eni,ekieni nabo. ³ Mombi o ni bokuweni mutosieni bo Muheiso ano taa yongo,no anisiya ta gagaa. ⁴ Yaka ngiye neni,yeka do yaka ngiye gugu asugo jene: ⁵ Ungiya mwana ata moyi ngiyo Siona:ina ngama ngiya asoo,ochweyo ku amati asoo,no majiyo mabomu,oleto akuu o punda ata moyi no iya ata guwe,no iya ata bele. ⁶ Bakpata bosa,bokiya ndi Yeso abiyo o su geni. ⁷ Beka no mwana o punda moyi ongo no guwe ongo,bo bukuto no lipuku,oleto akuu ongo. ⁸ Bombi nguba babiyo anani bo nawa lipuku a negbaa,bomo bokiyoko mitapu yo mati bonjenjoko a nengbaa ⁹ Uba babiyo apeyi no uba babiyo ambise,babiyo a natiya:Hozana ako mwana Daudi!Igyagya no mombi ngiya eka ako ino yo Muheiso!Hozana a bamuwa nguba ba akuu nogbe! ¹⁰ Iye akumoniyo ano Yelusaleme,ikumbu ibomu yokwa igyagya,asugo bo:Ani anani?Ambaja o tosiyo:Ya Yeso, gugu,iyo Nazaleti ano Galilaya. ¹² Yeso okumoniyo a ikaa yo Asobee.O kponyo bombi nguba bokiyo akaya no gaba bayaka a ikaa yo Asobee,o panja ba meja no bombi nguba bokiyo a nabadilisa falanga,noba bokiyo agaba banjuwa. ¹³ Obu sigiyo bo:Ikaa ngiye semi ba isoko bo ikaa yo malumba.Inu no inacho tiya ikaa yo bombi bo ndibo. ¹⁴ Bombi nguba bachweyo mesu no babunjoo mitindi bo misinganiya amati o ikaa yo Asobee.O bu heiso. ¹⁵ Bakuu bo kanisa,no uba batindakiya mabiyo yobu kiya bibi,anina yaka yetelo ngiye akia,no bana nguba babiyo anatiya a ikaa yo Asobee bo:Hozana ako Mwana o Daudi! ¹⁶ Bosugo bo:Wandi ku anuka iye banunga?Yeso otosiyo, bo ii.Nango popoko ndi sina ndi yaka ngiye:Wa chweiso ubiba a monu ko bana,no ubo ba a mabeyi? ¹⁷ No,iye abusiya,o chweya a mati o buma a nisa ano Betania,okwala inani. ¹⁸ Nekuba,iye atowa a buma okana taa. ¹⁹ Iye ena buti bo fige a nengbaa,osa a isi yongo,ena ta mani,sokomu ena ipumo po menga,ongiya buti:Ipumo yati umo sina bata akuu asoo!Tako angbinga ngiya anani buti bowo. ²⁰ Iye bakpata bena bani,bokwa uba,bo sugo bo:Imani buti nguba bowo na gagaa? ²¹ Yeso otosiyo:No nisi giyo tano ingono,nobiyeni no baya,sokomu baya ngiye jatuwoko,naweja kiya yaka ngiye yo kiyo buti nguba,naweja bata kuwo a nungiya ikpangba ungwa,kwa a lisini,no yo kynananakiya. ²² Ibomu ngiye neta sina no baya no nita,na i pata sina. ²³ Yeso osa a ikaa yo malumba,iye abiyo ako paniya,bajee bo kanisa,no bajee bo ikumbu beka nayo ako nungiya:Wakiya yaka ngiye no an gu ani? ²⁴ Yeso o butosiyo:Nani bokuwo kuwo inu,no natosiyeni,nani biya bo nakiya yaka ngiye ibomu no angu ani. ²⁵ Ubatiso nguwo Jaa,weka gbani? akuu ama ati bombi?Bo tunguwo ati o ibo;totosiyeni bo:Akuu,atibokuwo bo:Akuu o imani namu baya mu jene? ²⁶ Totosiyeni bo:Ati bombi,takumo bombi,do bombi bakyo sika Jaa ndi gugu. ²⁷ Botosiyo Yeso bo:Tangomu a nimbiya.Obu sigiyo bata bo:Gutu ta imi,nango nungiya komu bo nakiya yaka ngiye no angu ani. ²⁸ Na a nina tane?Guwe mungana abiyo no bana bapini,osigiyo mungana bo:Mwana asemi,sa bunu a teya a kubaa o vino ngiya asemi. ²⁹ Otosiyo bo:Nangomu anisa.Ambise ongo,o natana,osa. ³⁰ Ongiya iya omo,ku yaka mengana.Iya anani,otosiyo bo:Na nisa,abaa.Sokomu osa. ³¹ Iya kani ati o bana nguba nani akiya bukunda bo ise?Bo tosiyo:Iyo peyi.Yeso o busigiyo:Noni sigiyo tano ingono,ba pagano no bombi bo pite bani chana sina a bungama nguba Asobee. ³² Do Jaa,eka a ndeno no ingbaa yeta ngbingbii,sokomu nomu baya.Bapagano no bombi bo pite bamu baya,no inu nguba nena yaka ngiye neni,sokomu no baya. ³³ Ukeni iseseniyo ngeyemo.Ya biyo no mombi mungana,mumbinyo o ikaa,ahuna kubaa o vino.Omu kunguwo,omba upiya,otuboko munara,osiya a likondo lo bombi bo teya,osa a ikumbu yeta lu. ³⁴ Iye wakati wo buoko,wa winiya,otuma bombi ati mombi o teya,ako buoko masoo. ³⁵ Iye bombi o teya bena bombi nguba ba butuma,bobu benda,bowa omo,bo giso omo no makopi. ³⁶ Otuma bata bomo,baja,bombi bo teya bo bukiya ta ngbanga no ubo peyi. ³⁷ A mupipiyo,otuma tiya mwana ango,asugo bo:Bakumo tiya mwana ngiya asemi. ³⁸ Ina do,iye bombi bo teya bena mwana,boyakanaka ati ebo:Mombi ngiya atukoo sina no ijangiya iya,timu weni,do titukoo no ijangiya. ³⁹ Bo mufa,bomu giso abeyi o kubaa o vino no bo muwa. ⁴⁰ Itakitaki ngiye,iye mumbinyo kubaa eka sina,akiya bombi bo teya tani? ⁴¹ Bomu tosiyo bo:Amaa sina bombi bo teya no enjo kubaa o vino a bombi bo teya ngo bomo,uba baminjo sina masoo ako angbinga o buoko masoo. ⁴² Yeso obu sigiyo bo:Ikopi ngiye ba maso ba giso jene a mutii Yeka tiya ikopi yo musingi;yaka n giye neni yea ati muheiso,No ya ina yaniye a mesu keso? ⁴³ Kido,noni sigiyo bo bungama nguba akuu boni jango,ba binjo tiya likumbu ngo lomo do la nota masoo. ⁴⁴ Mombi ngiya akwiya sina ikopi ngiye neni,abunjoo, gutu ta iya yamukwiya yamu bunjoo. ⁴⁵ Iye o ongaka liseseniyo ngile neni,bajee bo kanisa no bafalisayo bembiya bo abiyo nabo a nungiya ibo, ⁴⁶ no bo pun ga ahata nayo akonifa,yaka mengana bokiyo akumo ambaja,otokiya nayo anina ndi gugu.