¹ Bafalisayo no batindakiya mabiyo bongwa ano Yelusaleme,beka ati Yeso,bosugo bo: ² Akuu emani bakpata ngubo soo,bako jalao yaka ngiye ba abaa basiya?Do,bangomu a gyabana likondo,apeyi o ni gyakaka.3Obu tosiyo bo: ³ Ando inu,akuu imani nenu ako jalao mapanu nguko Asobee achana yaka ngiye baato beno. ⁴ Ina do:Bibiso ato no anu;no:mombi ngiya aseyaka ise no inye ipata mukaya wo ingwo. ⁵ Inu,nasugo bo:Mombi ngiya asigiyo ise no inye bo:Iye na biyo pe bo nanenjo ya apepe o Asobee,o bibiso komu ise no inye. ⁶ Nako wechoko mapanu ko Asobee akuu o yaka ngiyo bato beno. ⁷ Babetanaka,Isaya abiyakiya jene yaka akuu eno,asugo bo: ⁸ Buganguba bana bibiso ta ako monu,ina do mutima wobiyeni lu no imi. ⁹ Bana bibiso ta butuu,bobiyeni akopaniya mapanu nguko bombi. ¹⁰ Iya esoko ambaja tinene nayo,o mungiya bo:Ukeni,no imbieni. ¹¹ Angomu ikyemu ngiye ya kumoniyo ako monu njoo ya yangiso mombi;iye yachweya njoo ya yangiso mombi. ¹² Bakpata bo misinganiya,bo mungiya bo:wandi ku animbiya bo bafalisayo bakwa pe uba ako yaka ngiye boka pe? ¹³ Obu tosiyo bo:Buti bubomu nguba Abaa ngiya akuu ahuna komu babu luo sina. ¹⁴ Busieni:ya lijangi la kyendekiso lijangi;yobiyeni bo ijangi yakyendekiso mange,bakwa babomu amati o upiya. ¹⁵ Piele,apunga yaka,osugo bo:Ti popokiyo si iseseniyo ngiye. ¹⁶ Yeso o butosiyo:Inu nangomu bata no nimbiya ku bani? ¹⁷ Nangomu animbiya bo ikyemu yo kumonieni amonu yabi amati o buwa,no ya chweya tiya a mutaa? ¹⁸ Ina do iye yachweya ako monu,yangwa amutima,no iyo njoo ya yangiso mombi. ¹⁹ Do yaka ye ta bibi yangya njoo a mutima,maana,busodo,ndibo,nimaya bu demu bo bongo,popiya yaka. ²⁰ Yaka niye njoo ya yangiso mombi,gyakaka sokomu a gyabana likondo ya yangiso mombi ²¹ Iye Yeso,angwa anani,ongwa a ikumbu ngiyd Tir no Sido. ²² Ina,moyi muto ba kanana,abi anika,o natiya:Epaakiya,Muheiso,Mwana o David!Mwana ngiya asemi ata moyi ano kabu o babee. ²³ Sokomu po imutosiyo yaka,bakpata bo minganiya,bo mungiya nangu:Mu kponyo,do anesu ako julu no ipumbu. ²⁴ Otosiyo:Neka ako hata banama ngubo bepaniya a ikaa ngiyo Isalaeli. ²⁵ Eka agbukumiya apeyi ango,asugo bo:Muheiso,asaliya! ²⁶ Otosiyo:Yangomu ilo ako sika mukati nguwo bana,ako gisiyo benva. ²⁷ Iii,Asobee,bana bo benva bakyo gya maho asi o meja ngiyo mumbinyo ebo. ²⁸ Yeso o sugo bo:Moyi,baya ngiye yesoo yeja;yikyananakiya ndi wo bayo.No,ta ako angbinga ngiya anani,mwana ata moyi o heya ²⁹ Yeso ongwa anani,osa anambamba o lisini ino bo Galilaya.Iya aleto akuu ikpangba,o wolo inani. ³⁰ Ambaja ata muja o misinganiya,iho no uba mitindi yawo,uba bachweyo mesu,lijangi no bakabu dididi.Bo bu napiya a mitindi,no o buheiso; ³¹ ndi ambaja abiyo amati o igyagya anina lijangi ako yaka,uba bawo mitindi akyenda,uba bachweyo mesu ako nina,no abibiso Asobee iyo Isalaeli. ³² Yeso,esoko bakpata,onga bo:Na uka ikoko ako ambaja ngiya;do batiya no makwaa kaatu ba ta anamba asemi,bangomu ti bata no igyo ku bani.Nango butoso komu no taa,do angu ati busiyo komu a nengbaa. ³³ Bakpata bo musigiyo bo:Ta pata mukati no igyo gbane ako isa ngiye anigyakakiso bombi bape bo?Yeso o bukuwo:Nano mikate ipitane?Melianika,no mukpekpe yo sipe. ³⁵ Ongiya ambaja iwolo a isi, ³⁶ osika mikati no sipe,o bibiso Asobee,o bukuwa no enjo bakpata,bipakiya bombi. ³⁷ Bombi babomu bogyakaka no bo motoo,bo towa a ba ndeyi bebo no magyo uka katukoo. ³⁸ Uba bagya babiyo alofu bogina,sokomu a poo boyi no bana. ³⁹ Ambisongo,osugo bo ambaja ipanjaa,oleto a mati o ingboo,bosa ano Magaga.