¹ Ako angbinga ngiya anani,Elode anuka bombi ayaka akuu o Yeso, ² O biya ba baya nguba bango:Yambumu ndi Yuani ngiyo ubatiso!Ofufuko ndi?Njoo ako kiya yaka yete imbange? ³ Do Elode,iya afisiso Jaa,a musangakano o mumaya a boloko, akuu o Elodiya moyi o manye o Filipi do Jaa okiyo asugo bo: ⁴ Ati mu sika komu ndi moyi. ⁵ Okiyo akunda nayo ako niwa,o kiyo akumu ambaja,do okiyo anina Jaa ndi nabii. ⁶ Iye bokiyo ako jananakiya notaniya ngiye Elode,mwana o elodia ojo umbo ulo,wekataa bombi nguba beka iho no elode, ⁷ onga bo ichwa ikyemu ngiye iminjo. ⁸ A kpatanakiya no mapanu nguka ko inye,onga bo:Enjo,itakitaki ngiyeke,akuu o sani o papa, mutu wo Yuani ngiyo ubatiso. ⁹ Ngama o pata ikoko;do abiyo tiya bo okiyeni silika,onga bo biminjo mutu wo wango, ¹⁰ no otuma bo bisa akiyo yuani mutu. ¹¹ Beka no mutu wangoakuu o sani o papa benjo mwana ati moyi,osa aninjo inye. ¹² Bakpata ngubo Jaa beka akosika munda wango,bo wuhuna.Bosa ako biya Yeso. ¹³ A nuka isawo ngiye yeneni,Yeso o leto amati o ingboo,osa aki a umuwa wabiyee bo wuoo,iya bembiya bo chweya no mitindi amati o babuma bo mukpata. ¹⁴ Iye ojo amati o ingboo,ambaja o miniya ikoko,no o heiso bombi bo bakabu. ¹⁵ Iye ipasi ya dua,bakpata besingana anambamba ango,bo musigiyo bo:umuwa nguwa wangomu nombi,no angbinga o chano;toiso bombi,bisa aki likumbu lee,bihata akokaya igyo. ¹⁶ Yeso obutisiyo:Bangomuno musasa wo nisa;bijeni pi igyo. ¹⁷ Bomu tosiyo bo:Totukoo aka tita no mukate boku no sipe bepini. ¹⁸ Obusiyo bo:Ikeni nayo ¹⁹ Owoliso ambaja a lanja,osika mukati boku no sipe bepini,no,okanga mesu akuu o bisi,o bibiso.Ambisongo,obuakua mukati enjo bakpata pipakiya ambaja. ²⁰ Bombi babomu bo gyakaka no bo motoo,bo towa no litumo tekebe no bepini. ²¹ Bombi nguba ba gyakaka ba biyo ndi alofu boku,sokomu apoo boyi no bana. ²² Ambisongo,ongiya bakpata bileto amati o ingboo,bitapua a mondu,angbinga ngiya a kotoiso ambaja a ndey. ²³ Iye abutoso,oleto akuu ekpangba,ako bibiso aki umuwa wee bowoo,no nde ipasi yabi ako dua, ²⁴ abiyo tita nangana.Ingboo yabiyo tia ati o lisini,mahuwo kota bumu keka,mipo kohuo amati o ingboo. ²⁵ Iye saa atukoo bogina apeyi o bisi ako nuya,Yeso osa aki babiyee,akyendaka a mati o mipo. ²⁶ Iye bakpata bamina akyendaka akuu o mipo yobukiso uba,bosugo bo:Andi abii!No amati uba nguwo webo,bo nachokoo. ²⁷ Yeso obusigiyo bo:Nati kumo komu!yata imi. ²⁸ Piele omutosiyo bo:Muheiso,yobiyeni bo ya uwe ta ingono,unga bo nikyendaka kuo imi anisa inani wee. ²⁹ Omusigiyo bo:Ika!Piele o chweya amati o ingboo,okyenaka akuu o mipo,anisa aki Yeso abiyee. ³⁰ Anina bo mahuo kabiyo bumu,okwa uba,no,ndi apunga jiokiyo,onatiya:Muheiso,a heiso! ³¹ Sokomu yo gbaliya Yeso o tumba ikondo,omu boto,no osugo bo:Mombi o baya yeta bele,wakumo imani? ³² No bo leto amati o ingboo,mahuwo ko siyo. ³³ Uba ba biyo amati o ingboo beka ako gbukumiya apeyi o Yeso,asugo bo:Wata ingainga,Mwana o Asobee ³⁴ Iye batapuwa lisini,boboya a ikumbu ngiye ino bo Genesaleti. ³⁵ Bombi bo ikumbu ngiye neni,iye bembiya Yeso,botuma masawo,bomikiya no bombi bo bakabu uba babiyo tinetine. ³⁶ Bo mita bo ibaya bo biboto gutu ta ipuku ngiye yango.No uba baboto bo heya.