¹ Bisi nguba nani,Yeso achweya ambeni,owolo anambamba o lisini ata muja. ² Ambaja ata muja eka anambamba ango,o leto amati o ingboo,o wolo.Ambaja mubomu mimae a mutii wo lisini ³ Obu yakiya yaka ija no maseseniyo,o busigiyo bo:Mombi mungana asa a hunanaka. ⁴ Iya okiyo a huna,masoo ngo komo kobwanaka a nengbaa:banoi boku gya. ⁵ Komo ko bwanaka akuu o makopi,aka itaka yabimu uwo ido,ko baa,ndi itaka yabiyo mu ido;iye ipa yeka,kosioko do kabiyo mu no mii. ⁷ Komo ko bwanaka amati o mabu,misanga yo baa yo kusangaka,kowo. ⁸ Komo ko bwanaka ako itaka yete ido:ko nota masoo,ipumo mengana miya,yomo ba tekebe mediya,yomo ba tekebe baatu. ⁹ Mombi ngiya ano machweyi a nuka oka ¹⁰ Bakpata bomu isinganiya,bomu sigiyo bo:Imani wanabo ako yakiya no maseseniyo? ¹¹ Yeso o busigiyo bo:Do inu nenjeniyo a nimbiya yaka yetembange ngiye bungama nguba ba akuu o bisi,yabinjeniyo ibo. ¹² Do benjo sina mombi ngiya anayo,no abiyo amati ijangiya,mombi ngiya angomu nayo,bamu hiniya iye abiyo nayo. ¹³ Nabu yakiya no maseseniyo do,ba kiya ndi banina,ambini gobo bangomu a nina,bakiya ndi ba nuka ambini gobo bangomu a nuka no nimbiya. ¹⁴ No ako ibo ya mukyananakiya wo yaka ngiye gugu Isaya asugo:Noka sina no machweyi keno,sokomu nembiya;nena sina no kanga sina no mesu,sokomu nena. ¹⁵ Do mutima nguwo bombi nguba weka tiya bumu;ba dikpaka machweyi,bo kyeyo mesu,Do batino komu no mesu kebo,batuko komu no machweyi kebo,Batimbia komu a mitima yebo,Binacho mitima,do nati buheiso komu. ¹⁶ Ido no mesu nguka keno do kakyena,no machweyi ngukeno do kakyoka! ¹⁷ No nungiyo ta no ingono,ba gugu na bombi bo ngbingbii baja babiyo no musasa wo nina yaka ngiye na nina,yaka mengana sokomu bena,no nuka yaka ngiye na nuka,sokomu boka. ¹⁸ Inu tiya,ukeni itindindi yo iseseniyo ngiyo muhunanaka. ¹⁹ Mombi okeni isawo ngiye bungama nguba Asobee sokomu embiya,munamasa eka anunguso ihuna a mutima wango:mombi ngiya nani a ndi masoo nguka ka bwana a nengbaa ²⁰ Mombi ngiya apat masoo akuu o makopi,ya mombi ngiya oka mapanu oku baya no igyagya; ²¹ yaka mengana angomu no mii amati ango,o jango baya iye yengono,no,iye mwano ipima ama mwano ikaniyo yeka, okwa ta gagaa. ²² Mombi ngita apata masoo amati o mabu,a mombi ngiya oka isawu ngiye Asobee,yaka mengana musasa wo dodo wo kweyoko mahuna nguka anani sokomu kinota lipumo. ²³ Gangiya apata masoo ako umuwa woto udo,ya gangiya oka upanu obaya;onota lipumo,mengana yo nota miya,yomo batekebe mediya,yomo bata ba tekebe baatu. ²⁴ O bupana bata iseseniyo ngo yemo,o sugo bo:Bungama nguba akuu ba ngbangangbanga ndi mombi ngiya ahuna mahuna a ndongo a kubaa. ²⁵ Yaka mengana,angbinga ngiya bombi babiyo a too,muyaa nguwo wango eka akoyuna mahuna kota bibi amati,osa. ²⁶ IYe masoo ka baa kenjo lipumo,ile ta bibi la biyo ku amati. ²⁷ Babaya bo mumbinyo o kubaa beka nayo ako biya:Muheiso,wahuna ndi pungo masoo koto mado andoo a kubaa?Uko tabibi keko gbani? ²⁸ Obu tosiyo bo:muyaa aka akiya ikyemu ngiye neni.Babaya bo mungiya bo:tisa ndi nako ako luoko? ²⁹ Haa,natisa komu,nobiyeni aluoko masoo kota bibi,na luoko kuno uko to mado. ³⁰ Siyeni pi kiheya ida mengana,suwo ako angbinga buoko,na sigiyo bombi nguba babiyo abuoko bo:Luokeni ukotabibi,noku sanga noku uya,ukoto mado ku momeni nokunapiya a ikaa yo masoo. ³¹ Obinjo bata iseseniyo nge yemo,osugo bo:Bungama nguba akuu o bisi ba ndi ipumo yo seneve iya mombi asa nayo akohuna amati o kubaa. ³² ye ipumo yeta bele achana lipumo libomu;iye ya baa yo chana ligbeyi yeka buti bota buja,banoi beka atuboko likaa akuu mitapu yongo. ³³ 33Obungiya bata iseseniyo nge yemo:bungama nguba akuu o bisi ba ngbangangbanga ndi chachu ngiya moyi amaya amati o bakopu baatu bo akuku o mukati,mupaka kido ngbolosi ngiya anani a fufuka. ³⁴ Yeso angakiya ambaja yaka ngiye neni no maseseniyo,okoto yaka komu sokomu no maseseniyo, ³⁵ do yi kyananakiya ndi gugu asugo jene:Na yaka sina no liseseniyo,na chweiso sina yaka ngiye ya nayania jene anigwa a mupunganiya wo dodo. ³⁶ Ongiya ambaja ipanjaniya,iyo otowa a mbeni.Bakpata bo misinganiya bo musigiyo bo:Ti popokiyo iseseniyo ngiye ihuna yo kubaa. ³⁷ Obu tosiyo:mombi ngiya ahuna ihuna yetelo,ya Mwana o mombi; ³⁸ kubaa njoo dodo;ihuna ye telo njoo bana bo bungama;ihuna ye ta bibi,ya bana bo abii,muyaa ngiya ahuna,njoo abii;masoo,ya bisi bo mupipiyo;babaya njoo ba malaika. ⁴⁰ Ina do,nde bakyo duwo mahuna kota bibi no giso a gyaa,ya biyo sina ku bani a bisi bo mupipiyo. ⁴¹ Mwana o mombi atuma sina ba malaika,ako luoko bombi bota bibi nguba bakya okokiya bu bibi: ⁴² no babu giso sina amati o gyaa yeta kiso uba,aki yabiyo sina ndiya no nuga menu. ⁴³ Bombi bota ngbingbii ba jeya sina ndi ipa a bungama nguba bo Ise ebo.Mombi obiyeni no machweyi anuka oka. ⁴⁴ Bungama nguba akuu o bisi ba bata ku ndi bi naya likyemu amati o kubaa.Mombi ngiya a lina o naya;no,amati o igyagya osa ako gaba likyemu ngile langoo libomu,no okaya kubaa. ⁴⁵ Bungama nguba ba akuu o bisi ba bata kundi mombi ngi akunda kaya mandewa ko igabu bumu. ⁴⁶ Opateni uko igabu bumu;osa ako gaba likyemu ngile lango,oku kaya. ⁴⁷ Bungama nguba akuu o bisi babata ku ndi maiya nguwa bagiso a lisini wo fa sipe dididi. ⁴⁸ Iye maiya wa huwo,bowu chweiso a mutii,bo punga ponyoko iye yete manjanja,no giso iye yeta bibi. ⁴⁹ Yabiyo sina kubani a bisi bo mupipiyo.Ba malaika beka sina ako nagbonyoko bombi boto balo no ubo bota bibi, ⁵⁰ no babu giso sina amati o gyaa,aki yabiyo sina ndiya no nuga menu ⁵¹ Nembiyo ndi kuwo yaka ngiyeke?_Iii,bo baya. ⁵² Obu sigiyo bo:Ako yaka yemani,mombi o nimbimbyanaka mubomu ngiya embiya yaka ngiye bungama nguba akuu o bisi bandi mumbinyo ikaa a chuchwakiso likyemu ngile itakitaki no ile lejene. ⁵³ Iye Yeso apipo liseseniyo ngile le neni,ongw anani. ⁵⁴ Iye asa,osa apaniya a mati o ba basa,bombi nguba bokio nayo anuka yoto bukiso uba,bo sugo bo:nimbimbyaka no yaka yete mbange ngiye yeka gbani? ⁵⁵ Angomu ndi ta mwno mu selemala,mwana o Malia?Jaki,yojefu no Yude njoo bamanye? ⁵⁶ no bamanye nguba beboyi ba amati eso aka?Eko no yaka ngiye gbani? ⁵⁷ No yoto binjo tiya yakanaka ku gbayi.Yeso o busigiyo bo:Nabii akyeniya ta butuu a ndabu ambeni. ⁵⁸ No sokomu ikiya yaka yete mbange ako umuwa nguwa nani,akwo janga baya ngiye yebo.