1 No bisi ngubo nani,Yeso abiyo ako kyendanaka amati o kubaa o ngano.Bakpata ngubo bango bokwa taa,bo punga a buoko masoo no nigya. 2 Bafalisayo,anina bani,bo mu sigiyo bo:Kanga ba kpata nguba bosoo ba kiya yaka bango ko kiya komu a bisi bo sabato. 3 Yeso o bu sigiyo bo:na soma ndi jene bo Daudi iye taa ya bukwa no bombi ngubo bango; 4 bokumoniyo a ikaa yo Asobee,bogya mapa ngiye bo sisekiyo komu jene ako nigya,sokomu gutu ta bombi nguba babiyo nabo,yabiyo mapa ngiye ba gugu. 5 Ama na soma ndi jene ako upanu bo,makwaa ko sabato,ba gugu bayangiso jene sabato ku ako ikaa yo Asobee,sokomu po bibu sambiso? 6 Ina do,noni sigiyo bo,yaka ngiye yeja ako chana ikaa yo Asobee 7 Nembieni jene itindindi yo yaka ngiye:Nakyo kwa igyagya no nipaakiya,sokomu no ba apepe,nango fa komu bombi nguba bangomu no yaka. 8 Do Mwana o mombi iyo aka mumbinyo o sabato. 9 Iya angwa anani,Yeso okumoniyo amati o ikaa yo Asobee. 10 Ina do,mombi mungana a biyo inani ikondo iwe.Bobokuwo Yeso bo:Yandi ilo ako heiso mombi ako bisi bo sabato?Do babiyo akunda nayo ako chongiya. 11 Obu tosiyo bo:Ani ati eno,ibini no nama ta mungana ngiya ango okwa amati o upiya a bisi bo sabato,ango muchweiso komu? 12 Mombi angomu ndi no dada ako chana nama!Mombi aweja ako kiya bulo a bisi bo sabato 13 Ongiya mombi ngiya anani bo:Tumba ikondo.Oyitumba,ikondo yo heya kundi iya yomo. 14 Bafalisayo bo hata bo bamuwa tani. 15 Iye Yeso embiya bani,osa du no umwuwa nguwo nani.Ambaja ata muja omukpata.Oheiso bombi bo bakabu babomu, 16 o busigiyo bo bati biya komu mombi,17do yaka ngiye gugu Isaya onga jene yi kyananakiya: 18 Kageni baya asemi ngiya namu chwa.Na napiya Mutima nguwo semi amati ango,no a biakiya sina ingoni ako likumbu 19 Ango tatiya sina,ango natiya sina,mombi angoka sina iso yango a lingbaa. 20 Ango bundo sina umbamba woto bundiye.angebo sina mwano gyaa ngiye ya lunguwo,mupaka apananiso ingono. 21 No likumbu labiyo sina no itungiyo ako ino yango. 22 Bo mikiya no mombi no kabu o babii ijangi sokomu a nina kubani,omu heiso,opunga yaka no nina. 23 Ambaja okwa uba asugo bo:Angomu ndi iyo Mwana o Daudi? 24 Iye ba falisayo boka bani,bosugo bo:mombi ngiya akponyo ba bii no ino yo Belejebula,ngama o babii. 25 Ndi Yeso abiyo a nimbiya itunguyo ngiye yebo,obu siyo bo:Bungama bubomu nguba ba nagbonyonoko ati ebo,bakwa,no buma mubomu ngiya a mu nagbonyoke ango imaa komu. 26 Abii okponyeni abii,amu nagbonyonoke,bungama ngubo bango bemaa ndi imaani? 27 Yobiyeni bo nokponyeni babii no ino yo Belejebula,bana beno bakponyo no ino yo ani?Ya sugo bo babiyo sina ba joji beno. 28 Yobiyeni bo ako Mutima wo Asobee njoo nakponyo babii;bungama ngubo Asobee boboyo a ndeno. 29 Mombi aweja ndi a kumoniyo a mbeni o mombi ngomo o topa likyemu ngile lango sokomu ifasi mumbinyo likyemu?Ambisongo njoo asika likyemu ndi akunda. 30 Mombi ngiya angomu iho nemi angomu mombi asemi,no mombi ngiya angomu iho nemi ,angomu nemi ida mengana. 31 Noni sigiyo bo:Bubibi bubomu bani paakiya yobiyeni komu ta bubii ngubo nina Mutima wo tatu butuu,bango paakiya komu. 32 Mombi mubomu ngiya ayaka bibi akwo Mwano mombi,bami paakiya,mombi oyakeni bibi akwo Mutima wo tatu,bango mipaakiya sina amati o mago no mago. 33 Sugeni bo buti ba bulo no ipumo yongo yakido,ama buti babibi ipumo yongo ku bibi,do bakyembiya buti no lipumo longo. 34 Umbeke wo ba sii,na weja ndi a nunga yaka yo telo,no buakabukayi nguba beno?Do monu kakyo sugo yaka ngiye yeja a mutima. 35 Mombi ata mulo akyo sika yaka yetelo amati likyemu ngile lango,no mombi ata bibi asika yaka yeta bibi osika yaka yeta bibi ku amati o likyemu leta bibi ngile lango 36 Nonisiyo bo:ako bisi bo joji,bombi ba pata sina mukaya wo yaka yeta ya butuu ngiye babiyo jene ayaka. 37 Do akwo yaka ngiye soo,njoo bana sambiso sina,no ku akwo ngiyesoo njoo banafa sina 38 Bombi bo tindakiya no ba falisayo bo sugo bo:Mupanakiya,takunda nowe anina akokiya yaka yetembange. 39 O butosiyo:Umbeke wo ta bukabukayi no uwo jeka wakunda yaka yetembange;babupana sina ta yaka yetembange iye gugu Jona. 40 Do,kundi Jona akiya makwaa kaatu no ba nabutu ku baatu a buwa mo musipe,ku bani,Mwana o mombi akiya makwaa kaatu no ba nabutu ku baatu amati o itaka 41 Bombi bo Niniwe bemaa sina a bisi bo joji no umbeke nguwa nani,ba bufa sina,do babaya mapanu nguko Yona,ina do,iye yo chano Yona 42 Ngama moyongo iya Ati angwa sina a bisi bo joji no umbeke nguwo nani no babu fasina,do bangwa sina a magbaa mabomu ko dodo beka anuka nimbimbyanaka iyo Solomono,ina,iye yochano ku no Solomono. 43 Iye uhu wo tabibi wachweya amati mombi,wakyo sa ako umuwa wota kakau,ako hata homuwo sokomu wi pata. 44 Ambisongo,wosugo ga natowa ta aki nabiyo pee;no;oboyeni,oyigboka bwau,ibiye bo ngwa. 45 Abi akosika babii ngo bomo meliya neka;bokumoniyo,bowolo tita ingono,mombi ngiya anani eka tiya bibi nogbe.Yabiyo sina kubani no ambaja ngiya bibi. 46 Iye Yeso okiyo ako yakanaka no ambaja o bombi, ina,inye no ba manye babiyo abei,babiyo no musasa ako yakanaka nayo. 47 Mombi mungana omungiya bo:kanga,anu no bamwananu ba abeyi,bakunda ayakanaka no uwe. 48 Yeso o mutosiyo mombi ngiya anani bo:Inaa ngiya asemi ani,ba ayaa ngubosemi bani? 49 Ambisongo,o napiya ikondo akuu o bakpata,o sugo bo:Inaa ngiya asemi no bayaa ngubo semi iboba. 50 Do,mombi mubomu ngiya akiya bukunda ngubo Abaa ngiya asemi iya akuu,iyo njoo a mwana enaa,no inaa.