¹ Iye Yeso apipo ako ninjo bakpata mapanu,osa ako biyakiya isau a ba buma ngo bomo. ² Iye Yuani oka isau ngiye neni aki abiyee a igbita,ako yaka yo Kilisito,iye ya sugoniyo no bakpata:3wa ndi iya asuwo anika,ama ta betaka omo? ⁴ Yeso o butosiyo bo:Seni a nungiya Yuani yaka ngiye na nuka no nina: ⁵ bombi nguba bango kyo ina batiya anina,uba bakya a dingbakiya batiya akyendaka,ba kebu kebu ba heya,ba dikpaka machweyi ba tiya a nuka,minda yako heya no isawu yetelo abiyakiya uba bajanga. ⁶ Ido no bombi ngiya nango biyo komu ingbaa yo nikwa! ⁷ Iye basa,Yeso o punga yakanaka no ambaja akwo Yuani:Nasa a nina imani aki a isa?umbamba aduanaka no mahuwo? ⁸ Nasa anina imani?mombi o pinyieni lipuku loto manjanja?Kanga uba ba pinyiya lipuku loto manjanja ba a likaa lo ba ngama ⁹ Nasa anina imani?gugu?Ii,no nungiyo bani,achana kuno gugu. ¹⁰ Iyo njoo ba tindakiya jene:Ina,na tuma masawu no mombi asemi a peyi asoo ¹¹ No nungiyo tano ingono,amati o buga nguba ba notaniya no boyi,mungana angomu ako chana Yuani.Ina do,iya ata bele a bungama nguba akuu o bisi a muja neyo ako chana. ¹² Aningwa jene ta ako Yuani iyo ubatiso mupaka bubunu,bungama uba akuu o bisi ba ako angu,bombi bo angu njoo ba busika ¹³ Do ba gugu babomu no upanu ba paniya mupaka ako Yuani; ¹⁴ nokundeni a nimbiya,iyo njoo Elia ita abiyo jene anika. ¹⁵ Mombi ngiya a no macheyi ko nuka uka. ¹⁶ Na seseniyo umbeke nguwa no ani?Baniniya ndi bana bibiyo bawele ako ibamu,anungiya bana ngo bomo ¹⁷ bo:Topape mbaa,sokomu nojo umbo;to suwape mambo ko ikoko,sokomu po noti niya ikoko. ¹⁸ Yuani eka jene,sokomu iyo a nigyakaka no nimwa ku bani,bo sugo ga:Ano abee. ¹⁹ Mwana o mombi eka,a nigyakaka no nimwa,bo sugo ga: agyakaka o mwa iho no ba ndombe no bombi nguba ba kyananaka ku gbayi. ²⁰ Ambise ongo o punga a ninjo mapanu ako ba buma nguba akiyee yaka yetembange,do ba nacho komu mukyananakiya. ²¹ Ikoko no uwe Kolajini,ikoko no uwe Betesaida do yaka yeta kiso uba ngiye ya kyananakiya pungo a mesu keno,yobiyeni pungo ano Tilo no ano Sidoni,ambo na baya jene,no sika saki no isupu. ²² Ku bani noni sigiyo bo:a bisi bo joji,Tilo no Sidoni ba bukyananaka sina no muduu nowe ako chana ²³ No uwe Kapelenaumu wabi ndi sina akuu o bisi?Haa.Ba nadiso sina no muduu nogbe a ingwo;do,yaka yeta kisoba ngiye ya kyananakia jene a mesu keno yobiyeni jene ano Sodomu,jambo nayiboso mupaka bubunu. ²⁴ Kido no nungiyo bo:ako bisi bo joji ikumbu ngiye Sodomu bayi kyananaka sina no muduu nowe ako chana. ²⁵ Ako angbinga ngiya nani,o punga yaka a sugo bo:Nona bibiso ,Abaa,Muheiso nguwo akuu no iyani asyepa,wa naya jene yaka ngiye a bombi bo nimbimbyanaka,wo boniyo tiya bana. ²⁶ Iii, Abaa,nona bibiso do wa kunda bo yibiyo bani. ²⁷ Yaka ibomu Abaa ananjo jene,no mombi ango mbiya komu Mwana,yobiyeni komu ta Abaa;mombi ango mbiya komu Abaa ku bani yo biyeni komu ta Mwana ngiya akunda pananiso ubiba nguwo Abaa. ²⁸ Ikeni a ndemi,inu babomu nguba na bayanane,nani homoniso. ²⁹ Tumbeni bubuto ngubo semi,kpateni mapanu nguko semi,do imi nangomu bukabukayi,na mutima udo,na homoniso mitima ngiya yeno. ³⁰ Bubuto ngubo semi ba majiyo, no babo fokofoko.