¹ Bafalisayo no basadukayo bimisinganiya Yeso,nayo ako kaniyo,ga ibu paniya iseseniyo mengana aningwa akuu o bisi. ² Yeso o butosiyo bo:Nepasi nakyo sugo bo:Nekuba yabiyo ilo do bisi ba ngbuu; ³ no nekuba yeta di:Ugbaa wa neyo uja bubunu do,bisi ba bogbuu.Nakyo imbiya popoko hali ngiyo bisi,sokomu nembiya popoko angbinga. ⁴ Unotu wo ta bibi,no uwo ta gbayi wanita mujija;ba bupana ta mujija nguwo Yona.Ambisongo,osa. ⁵ Bakpata,iye bachana a mondu olisini,bo busaa asika mukati. ⁶ Yeso o busigiyo bo:Pemanakieni no chachu ngiyo ba falisayo no ba sadulayo. ⁷ Bakpata botunguwo amati ebo bo bosugo bo:tabo dotasika komu pe mukati. ⁸ Iye Yeso embiya osugo bo:Akuu emani nako tunguwo bani,inu bombi bo baya yeta bele,do nasika komu pungo mukati? ⁹ Na ngomu bata inu nimbibyanabka kubani,na ngomu bata batunguwo mukati boku ngiyo bombi alofu boku no litumo lipitani natowa nalo a ndei, ¹⁰ ama mukati saba ngiyo bombbi alofu boku,natowa no litumo lipitani natowa nalo a ndei? ¹¹ Akuu emani nangomu no nimbiya bo nani yakiya mu jene ta akuu mukati?Pemanakiyeni no chachu ngiyo bafalisayo no basadukayo. ¹² Ambisongo bembiya tiya bo abiyo komu nabo ako yakiya akuu o chachu ngiyo mukati,yabiyo njoo mapanu nguko bafalisayo no basadukayo. ¹³ Iye Yeso aboya ano Sezalea iyo Filipi,obokuwo bakpata:Bombi basugo bo imi nani,imi Mwano mombi? ¹⁴ Botosiyo bo:Basugo ga wa Yuani ngiyo Ubatiso;bomo basugo ga wa Elia;bomo bata ga,Yelemiya ama gugu. ¹⁵ Ando tiya inu,nenu anunga tani?16Simoni Piele otosiyo bo:Wa Kilisito,Mwana o Asobee. ¹⁷ Yeso,omu sigoyo bo:Wa ilo,Simoni mwano Yona;do yangomu ndutu no menike kona paniyo yaka ngiye neni,Abaa n giya asemi iya akuu. ¹⁸ No imi,nona sigiyo bo wa ikopi,no akuu o ikopi ngiyeneni njoo natuboko kanisa ngiya asemi,no mamongu nguko ingwo kango biyo sina no angu akuu ango. ¹⁹ Na nanjo sina mafungula nguka akuu o bisi:iye wasanga sina iyani a dodo ya sanganiya sina akuu o bisi,iye wa bonosina iyani asi o ipa,ya booniyo sina kuwo akuu o bisi. ²⁰ Ongiya bakpata bo bati sigiyo komu mombi bo a kilisito ²¹ Apeyi ngiya anani Yeso apunga nungiya bakpata bo isa ano Yelusalema,do bajee bo kanisa,no bombi nguba batindakiya mabiyo,bi muwa,no afufuka ambise o makwaa kaatu. ²² Piele,osa nayo a nambamba,opunga nayo ako bokuwo.Yo kataaeni Asobee,Muheiso!Yaka ngiye neni yati na gboka komu. ²³ Yeso o natana,o sugiyo Piele bo:Ungwa anani,Abee!Wa ipindi andemi;do itungiyo ngiye yesoo yangomu iyo Asobee,alakini iyo bombi. ²⁴ Yeso osigiyo bakpata bo:Mombi o kundeni nemi akokpata,i yaana si iyo mumbinyongo,i tumba bangbangba ngubo bango ina kpata. ²⁵ Mombi ngiya akunda ako heiso ubeyi nguwo wango a wipaniso,ina do iya a wipaniso akuu asemi a upata sina. ²⁶ Yano dada nga enotani mombi ako topa likemu dodo mubomu,epaniso mutima nguwa wango?a nagomboniyo mutima no imani? ²⁷ Do Mwano mombi anika no ubiba nguwo ise,no malaika,no enjosina mombi no mombi mukaya nguwo wango. ²⁸ No nungiyo ta no ingono,bombi ngo bomo amati eno aka bango wo sina beneni komu Mwana o mombi a nika no bungama nguba bango.