¹ Natakanakeni bombi nguba bakpatanakiya Asobee,ndi Baja nguba Bango bo bukunda; ² kyendakeni amati o bukunda,ngbangangbanga ndi Kilisito,iya ati kunda,iya enjonono ati Asobee ndi apepe,ndi apepe ngiyo imbo yetelo. ³ Busodo,mugbe yo bubibi bubomu,umongo wati pata komu ida amati eno,ndi yosisekiyo a batakatifo. ⁴ Batuko komu monu kota bibi,ama yaka ngiye ta gbayi,ama majeje,ama yaka ngiye yenjo bapeyi,ibomu ngiye ya yangiso pokiya bombi;buka njoo monu ko majiyo. ⁵ Do,imbiyeni ilo,mombi o busodo,mombi o bubibi,ama mombi o umongu,uba bo likwekwe bango gya komu mabee uwo Kilisito no ubo Asobee. ⁶ Mombi ati nikwisiso komu no ba buwa bota butuu;do ako yaka nguwo ngiya nani njoo mutima nguwo Asobee wakyo yangaa no mwano abee. ⁷ Nati jombonokiyo komu nano. ⁸ Jene peyi nabiyo jene umwomwo,bubunu natiya uwanga amati o Kilisito.Kyendakeni ndi Baja bo uwanga! ⁹ Do masoo ko uwanga ka yaka yeta manjanja ibomu,iyo bungbingbii no ingono. ¹⁰ Kangakeni yaka ngiye yabiyo ilo ako Muheiso; ¹¹ no nati mataniya komu amati o yaka yeta bibi ngiyo umwomwo,yaka mengana i pobiyeni. ¹² Do yanjo soni asugo asugo yaka ngiye bakiya banabe; ¹³ yaka mengana ibomu ngiye ta bibi ya chweya a bumba,ibomu iye ya a bumba ya uwanga. ¹⁴ Ku bani njoo yasugoniyo bo:Nukana,uwe ngiya wa too,Ungwa amati o minda,no Kilisito ana poya. ¹⁵ Beyonokeni akyendaka a bungbingbii,sokomu ndi lijangi,yaka mengana ndi bombi bo mimbimbyanaka; ¹⁶ beyokeni angbinga,do angbinga a bibi. ¹⁷ Ku bani,nati biyo komu ndi bombi bota butuu,hateni a nimbiya bukunda bo Muheiso. ¹⁸ Nati damuwa komu makyepu:ya busodo.Biyeni ba huwe njoo no Mutima so Tatu; ¹⁹ salanieni no mambo,no ba kolo,no mambo uka katuboko baya,a suwa no bibiso amati o mutima mambo ko Muheiso; ²⁰ nati bombo komu a bibiso yaka ibomu ati Asobee Abaa,ako ino yo Muheiso Yeso-Kilisito, ²¹ ako kumono amatia eno no kumo Kilisito. ²² Inu boyi,biyeni asi o upanu uwo baguwe beno,kundi nakyo kiya ako Muheiso; ²³ do guwe a ngama o moyi,kundi Kilisito a ngama o kanisa,iya a ndutu ngiye yango,no a Muheiso wongo. ²⁴ Kundi Kanisa asi o upanu uwo Kilisito,boyi bosisekiyo abiyo ku bani ako baguwe bebo no ako yaka ibomu. ²⁵ Inu baguwe kundeni boyi beno,kundi Kilisito akunda Kanisa,enjonono iyo mumbinyongo, ²⁶ do imu gyabaka no yaka,ambise nayo ako gyabaka no ubatiso wo mipo, ²⁷ do Kanisa ika apeyi ango bongwa no ubiba,sokomu no ibiyo,ama no upiya,ama ikyemu ngbanga ndiye neni,yaka mengana bo tuu no sokomu no ikyemu yeta bibi. ²⁸ Ku bani baguwe bosisekiyo akunda boyi bebo kundi ndutu ngiyeno.Iya akunda moyi ango,ambo akundana iyo mambinyongo. ²⁹ Do mombi ango yaa komu sina ndutu ngiye yango,ayi gyakakiso no oyi tambanaka,kundi Kilisito akyo kiya Kanisa, ³⁰ do ta Ugbaa wo ndutu nguwo wango. ³¹ Kubani guwe asiya ise no inye,bo leteniyo no moyi ango,meka tiya ndutu mengana. ³² Yaka yete kikibumu ngiye yeja,no sugo bani ako yaka yo Kilisito no Kanisa. ³³ Ako yomo,mombi no mombi i kunda moyi ango kundi iyo mumbinyongo,moyi I kumo swayi.