¹ Kido noni ndiyaniyo bo,imi,mombi o igbita iyo Muheiso,a kyendaka no bungbingbii no misoko ngiye bati soko, ² no nudisoniso no bu kpalaa,no mutima wota,ako peyana ati eno, ³ no ako wesyono beyoko bo tibiyo mombi mungana a mutima ingbaa ako majiyo. ⁴ Ndutu yata mengana no mutima ku mungana,kundi ba nisoko jene ako itunguyo mengana no baya ngiyeno; ⁵ Muheiso ata mungana,baya mengana,ubatiso mungana, ⁶ Asobee ku mungana no Abaa ngiyeso babomu,ati eso babomu,no amati eso babomu. ⁷ Mombi mubomu a pata nipaakiya akpataniya no ninjo iyo Asobee. ⁸ Kubani ya zugoniyo bo:Iye aleto akuu,asa no bombi bo igbita,No enjo bombi. ⁹ Ina do,ya sugo tani:A leto,bangomu ndi a asugo kubo ojo mupaka a bamuwa uba a muduu nogbe? ¹⁰ Gangiya ojo,kiyo mungana aka leto akuu ako popoko yaka ibomu. ¹¹ No enjo bomo ndi bakpata,bomo ndi bagugu,bomo ndi ba pananakiya,bomo ndi bachungaji no mungana, ¹² ako yaka yo gyabanaka ngiyo iyo batakatifo ako yaka yo teya yeteja ngiyo nimaiso ndutu ngiyo Kilisito, ¹³ mupaka teka Sina mombi mungana amati o baya no nimbiya Mwano Asobee,iyo ndi mombi iya bamu kiya ngbangangbanga ndi ndutu ngiyo Kilisito ingainga, ¹⁴ do tati biyo komu Baja uba,ba a ikuu no babaya mapanu kota gbayi ku mabomu,no mujee ngiyo bombi,no petanaka ako hata nikwisiso, ¹⁵ yaka mengana,tibiyo ako pananiso ingono amati o bukunda,titatanaka lingbaa libomu amati o mombi ngiya a ngama,Kilisito. ¹⁶ Ingbaa ako iyo,no Majiyo nguka atutiyo,njoo ndutu ibomu,no magbaa kongo mabomu kakiya ikyemu mengana,kakiya bukuu ngbangangbanga no angu ngiyo kila ugbaa wo ndutu,yo pata angu amati o bukunda. ¹⁷ Ukeni tiya yaka ngiye na sugo no nako toyo amati o Muheiso,nosisekiyo ti bata a kyendaka ndi bapagano,uba kyendaka akpataniya no musasa wo litunguyo ngilebo. ¹⁸ Nimbiya ngiyebo yano umwomwo,ba babika a ubeyi nguwo Asobee,akuu o janga nimbiya amati ebo,akuu o mitima yeta bumu ngiyebo. ¹⁹ Bangomu do bata no bukunda,teya ngiyeno tita yangiso yaka,do bikiya mugbe yo bubibi ta ibomu amati o umongu. ²⁰ Yaka mengana inu,nembiya komu Kilisito bani, ²¹ no mukeni gutu jene,no akpatanakiyo no ingono iyo Yeso,amati ango njoo nembiya jene ²² ako siana,akpataniya no ubeyi nguwa weno wejene,no mombi o ijene,munamasa mombi o petanaka, ²³ ako gyabanakiya amati o mutima yo nimbiya ngiyeno, ²⁴ no ako nika mombi o itakitaki,iya bamutuwo ndi Asobee amati o ingono mutu uba banota ingono. ²⁵ Kubani,kumeni mujee,no mombi mubomu ati eno i yakanaka no mange akpataniya no bungbingbii;do isu babomu ta bombi mungana. ²⁶ Yobiyeni bo no kasilikeni, ²⁷ nati kumoniyo komu a jambi; ²⁸ Mombi ngiya okiyo anibo atibo komu bata;yaka mengana I kiya teya,okiya yaka yetelo no likondo lango,do a wakiya mombi ngiya o jango. ²⁹ Yaka yeta bibi yati chweya komu amati o monu kosoo,yaka mengana,yobiyeni no ya bani,yibiyo njoo iye yosisekiyo a saliya a tuboko bukunda ako bombi uba banuka. ³⁰ Nati kwisiso komu Mutima wo Tatu uwo Asobee ikoko,uwa wani gbanga bisi nguba na heya jenoo. ³¹ Mutima wota Bibi ubomu,kyananaka yeta bibi,ipumbu,mujee,no yaka yeta bibi ibomu yati biyo komu amati eno. ³² Kyananakeni ilo amati eno,no saliyana ati eno,ne paanakiya amati eno,ndi Asobee ati paakiya amati o Kilisito