¹ Inu bana,kumeni bato no banu beno,amati o Muheiso,iye neni ya ngbingbii. ² Bibiso ato no anu(ya upanu uwo peyi no wano mukaya), ³ do biyo ilo,no wo kiya makwala maja ako dodo. ⁴ No Inu babaa,nati duako komu bana,bu huweni nabo ako yomoko no nabo ako paniya akpatanakiyo no Muheiso. ⁵ Inu babaya,ukeni ba ngama ngubeno ano ndutu,no uba no guguma,no nudisoniso a mutima ndi a Kilisito, ⁶ sokomu ta a mesu,do kwiseni bombi Igyagya,yaka mengana ndi babaya bo Kilisito,uba ba kyananakiya no mutima wotolo bukunda ngubo Asobee. ⁷ Bu kyananakiyeni no guguma,ndi nobiyo a kyananakiya Muheiso,sokomu bombi, ⁸ nobiyeni a nimbiya bo gutu baya,gutu sokomu baya,Muheiso enjo sina kila mombi mukaya nguwo wango akpataniya no bulo ubo bango. ⁹ No inu bangama,bukieni inu kubani,nati biyo komu nabo no bukabukayi,nobiyeni a nimbiya bo mumbinyo eno babomu akuu o bisi,no apeyi ango angokyo baya komu yaka ngiyo bombi. ¹⁰ No bata,pateni angu amati o Muheiso,no ako angu ngiya ango ata muja. ¹¹ Pinyieni lipuku lo lite ilo Asobee,do biyeni bo ngbemungbemu ako lpindi lo abii ¹² Do agbanga ngiyeso angomu iyo ndutu no menike,a njoo iyo bungama,iyo bangama,no iyo bana bo bangama ubo umwomwo,no iyo mitima yeta bibi iye yakuu o bisi. ¹³ Kubani,Sikeni likyemu lo lite I'll Asobee,do imaani bo ngbemu a bisi bota bibi,no nimwa bo ngbu no pipeni agbanga. ¹⁴ Imaani ngbingbii,sangeni ingono a ibuni ndi mukaba,kopi ngiyeno ibiyo ingono; ¹⁵ likpaku ngileno libiyo kekee iya enjo Isawu majiyo, ¹⁶ sikeni akuu o yaka ibomu kopi ngiyo baya,iho nayo njoo naweja nibo magyaa uko munamasa. ¹⁷ sikeni kuwo kopi ngiyo buheya,bati ngiyo Mutima,iya isawu iyo Asobee. ¹⁸ Ako angbinga mubomu,a mutima,malumba no ndindyanaka.Beyonokeni iho no baya,no nitiya batakatifo. ¹⁹ A lumbiyeni kuwo imi,nipata angu,do nogani monu,a biyakiya Isawu yo buheya bwaubwau no angu, ²⁰ do ako yaka yongo njoo Baja tuma no binonga no selegeni,kido na yaka no baya ingainga ndi yosisekiyo. ²¹ Do kubani,inu imbiyeni yaka ngiyesemi,no iye nakiya,Tyshike iyo bukunda,ayaa no mombi o ingono amati o teya ngiyo Muheiso,Ani biya suwo yaka ibomu. ²² Nomu tumo nokuu inani nee,do imbiyeni yaka akuu eso,do inuiso mitima. ²³ Majiyo no bukunda no baya yi gbuka ba nduku aningwa ati Asobee Abaa no Muheiso Yeso-Kilisito! ²⁴ Majiyo kibiyo iho no bombi nguba bakunda Muheiso wesoYeso-Kilisito no bukunda uba bango powa komu!