1 Lako banalenda bakambo bana Bokondji YESU KILITO koko basangana baniso lende, iso tokosambela, banamoyi banami, 2 Botayolisake lolembu ena toto ena bolotshi boniso. Koko loyalisa sosolo la lokanyi lolotshi, la liloba ena ngonga, la bekanda bena betendaki boka yaka enekiso bonokolo bona Bokondji boleko. 3 Ata boto omoko ata kopengwiasake ata la ndenge emoko; latshinoka etshungi ekambo ngolu eyele enoso, koko onoto ole lasumu bahole, 4 Bonguna aemala ena liko lina bakambo bakatshu enalel'iso Ndjakumba koko onokumbameliso, tii ekambo boyase ena losambo lona Ndjakumba. 5 Ino bahakanisa boka bakabwakoo lakosimolaki enesike ekemi enekino? 6 Koko sikane bolee bato banakitsha bakambwako latshina bahole engongeng'ende. 7 Koko la ndenge ena bakambo ban'owe baleko, onoto'ata ekondenge akakambwakoo aume. 8 Koko enengenya bona on'oto, la ndenge ena bakakambwaka bako bana YESU onongoya n'kende la bopepe boonua koko angikamela yooka bahahali en'eyelo enande. 9 Oya enale onoto oyalange bakambo ba losambo bangokambama latshina satana la bakambo banande bangoya iyotshu likamwa. Bilembo bikoo ya solo solo, 10 Koko angokamba bakambo ndenge ikotshu la ndenge ena behia bokili latshin'oka aata bato bolingo ba solo solo la ndenge ena mbika. 11 Lako Ndjakumba otomela lotshili lakolana latshina baimelie lokuta, 12 Ena likoka isoanatimelia la sosolo latshin'oka bana baataki posa ena kata likambo ya lokuta bangundama ena boloko. 13 La ndenge en'iso, bana bana bahango balolango lona Bokondji, iso toya ena likambo linino ohelia lotshela lotshela lokumu lona Ndjakumba latshina Ndjakumba onotoponak'iso tee kenebandelo la ndenge ena bawa banande. 14 Latshina ekambo ekwoelelaki yo la latshina ena losambo loniso, lakonde we oyali l'esengo en'okondji boniso YESU KILITO. 15 Lako bona onahango, yala kena ndenge ayali we, koko yala la bisaleli binikiwe otambaka, yala la baloba baniso, yala l'ekanda beniso. 16 Loko la Bokondji boniso YESU KILITO ende'amene koko la Ndjakumba isee iniso onotolangaki koko onotohaki l'awa, l'elendiseli ena Kolo, onotolanga, koko onoto toha ngolu ena lotshela, 17 Bolembisa betema benino, koko boyala l'esala benolotshi koko la liloba lin'olotshi!