¹ Banatshiki, banahango boonda latshina eninso latshinokate yoyi lin'okondji yo handjwa koko ekamiame yoo nekeyali enekino, ² Okambo tohole ene ka'ato bowe la na'ato bambungama latshinokate bahana eimelio. ³ Bokondji ahakotshike, angokokomanya koko ango koha ehilia boso bonaato bowe. ⁴ Toyali la lokanyi l'ino latshina enokondji mbo bongo kamba koko boyakambe bana kotomiso. ⁵ Bokondji a kendje betema benino en'emeilio ena Ndjakumba koko la mbonda KILITO! ⁶ Bananahango, tookotoma, la lina banana kondji'oniso YESU KILITO, nolota bananahango bakatshu boosende banakila kamba ndenge ekotamak'iso. ⁷ Bononganya ino'amene ena ndenge ekok'ino otolandela, latshin'okambo iso totika lino l'ibulu mbo toyali la posa enokombo bo koko. ⁸ Totala lomata lon'oto bototo, koko enosala l'enyoko, toyalaki loosala botsho wane okambo to teembiake omoko onino bosala. ⁹ Tokalanaki okolomba toma, koko tolangaki okotshumia mboka mbobokamne yook'iso. ¹⁰ Latshinokate binisike yoyalak'iso enekino, tokotshikelaki bobeko bone: kum'oto ahalange okamba bosala, ata lake toma. ¹¹ Ekond'eokiso mbo bamoyi bato totoenino bayali loosembo, ba hakambeosala, bosala boniyo nkombingela enaakambo behana litshina. ¹² Teelela bakaato, koko tosaanela bakato la lina linookondji YESU KILITO, ola lomata loniyo amene la kamba la hoyi. ¹³ Enekino, bananahango, botaliske okamba bolotshi. ¹⁴ Kum'oto omoyi ahakambe banatend'iso en'onokanda bonee, bookoma, botasoo lake l'ende, okambo atawake la sonyi. ¹⁵ Botolendake yook'onguna, koko bokebisende yoka bona onahango. ¹⁶ Bokondji mene ena hoyi akohe end'amene hoyi bisike bikitshu, la ndengekotshu! Bokondji ayale l'inoatshu. ¹⁷ L'okosangela la likasa linamiamene, emi Polo. Bokoloto bonami boko ene kanda benami, bokond'ekomemi. ¹⁸ Ngandji en'okondji YESU KILITO eyale l'inoatshu.