¹ Polo, la Silive, koko la Timote, ena losambo lona bakilaki Ndjakumba, koko la YESU KILITO Bokondji: ² lisa ngandji la hoyi eyale lino la ndenge ena Ndjakumba isee eniso la bokondji boniso YESU KILITO! ³ Iso ena likambo linee, banamoyi banami, toyale lotshili bawa bana Ndjakumba bayali tshilili, latshinoka eimelio ena hoyi bokolo ba mbula koko ena limemia lina boto loto onino bolotshi eneka kokana lohulia ekanvwa. ⁴ Lako, iso tokumisa ena toto alosambo lona Ndjakumba latshina ena we okange botema koko la bimelia ena we ena toto la komeka ikotshu: kooko lapaka toma la falanga. ⁵ Ende omekama ena sosolo ena sembo ena Ndjakumba, latshin'oka oyale sembo eneka Ndjakumba, lekonde oena pasi. ⁶ Latshin'oka ende ayali ena esimbisi ena Ndjakumba loha posa'alikina lanakenaki pasi. ⁷ Koko, longowa enesanga enohoma liso enongoya bokondji YESU ohola ena loola, l'andjelu ba lotshili, ⁸ Ena toto ena konyi oha bitumbu labanangolanya Ndjakumba kooko la banaha tose bosimo bonolotshi bona Bokondji YESU. ⁹ Bangoyala ena m'pasi bosana lelongi ena Bokondji. Lalokumu la lotshili, ¹⁰ Enengo yalool'ende loyala boko'okolo ango kumisamal'olo enele basantu, koko bimeliama enele banatshu baimeliaki latshina ena batoma ban'ende ena pene pene enino bane baimeliaki. ¹¹ Lakonde iso tosambele lotshela latshila enino, looka Ndjakumba en'iso akokosambis'olo la solo solo ena nguya koko engokis'olo la lotshili ena losa loko lotshu la bolotshi bonande, l'esala eneimelio, ¹² Latshinoka lina lina Bokondji YESU eyale la lokumu enekino, koko ekambo ino boyale la lokumu enekinoamene, yoka la ngolu ena Ndjakumba koko Bokondji YESU KILITO.