¹ "Usah ngakimi supaya kau angin liakimi. ² Kae'na ngan penghakiman nang kau makai ntuk ngakimi,kau kana akimi,wan ngan ukuran nang kau makai na Lingukur ka kau. ³ Tapi,ngape kau nele pongkon kayu ka mata dua nyadi kau,tapi angin nao balok nang ada ka mata kau sorak? ⁴ Ato,gemane bisa kau madah ka dua nyadi kau,'tapi tele,ada balok ka mata kau sorak,? ⁵ Hai,orak munafik,keluarlah dulu balok na dari mata kau,laka na kau nele ngan jalas ntuk ngeluar pongkon kayu dari mata dua nyadi kau. ⁶ Usah mere barang nang kudus ka asu-asu,usah uga ngkalok mutiara kau ka kadam babi supaya mpu'ya angin nyinyak-nyinyak na ngan batis ya wan bebalek ngojen-ngojen kau." ⁷ "Mintalah,lalu hal na li mere ka kau.Gagolah,wan kau pasti namu.Gadorlah,lalu hal na akan libuka ntuk tau. ⁸ Sabab,tiap orak nang minta,ia nerima,wan orak nang ngago na ngulih,wan bagi ia nang ngador na libukan. ⁹ Ato,siap kah ka ntara kau,nang kalo anak ya minta roti na mere batu ka anak ya na? ¹⁰ Ato,kalo ya na minta ikat,ia angin mere ular ka anak ya na bukat? ¹¹ Jadi,kalo kau nang jaan nao bagemane mere anak-anak kau pemere-pemere nang baik telabih agi,Ia na ka mpu'ya nang minta ka-Ia." ¹² "Kae'na na,segala sesuatu nang kau mao orak ngawe ka kau,udah na uga kau ngawe ka mpu'ya kae'na ntulah isi Ukum Taurat wan kitab para nabi." ¹³ "Tamalah ngelalui gerbang nang sampin kae'na gogo gerbang wan luas jalat nang nuju ka kebinasaan,wan ada banyak nang tama ngelalui ya. ¹⁴ Sabab,sampinlah gerbang wan pesen jalat nang nuju ka kehidupan,wan sedamuk nang namu ya." ¹⁵ "Tapi,ati-atilah ka nabi-nabi palsu,tapi sebanar ya mpu'ya na serigala-serigala nang ganas. ¹⁶ Dari buah ya na lah kau nao mpu'ya.Bisa kah orak ngorok buah-buah anggur dari rompo-rompo unak wan buah-buah ara dari batak-batak nang berunak? ¹⁷ Laka na uga,kalo batak nang baik bisa bebuah nang baik,tapi batak nang angin baik bebuah bebuah angin baik. ¹⁸ Batak nang baik angin mungkin bebuah nang angin baik,wan batak nang angin baik angin mungkin bebuah baik. ¹⁹ Tiap batak nang angin bebuah baik na linabak wan limuak ka dalap api. ²⁰ Jadi,dari buah-buah ya kau na nao mpu'ya. ²¹ Angin babis orak nang bekata ka Aku,'Tuhan,Tuhan,'na tama ka dalap Kerajaan Surga,tapi ia nang ngawe kehendak Ama ku nang ka surga. ²² Waktu ari na, banyak orak na madah ka-Aku,'Tuhan,Tuhan,ukatkah orak kitu bernubuat dalap nama-Kau,wan ngoser roh-roh jaan dalap nama-Kau,wan ngawe banyak mukjizat dalap nama-Kau?' ²³ Lalu,Aku na nyatakan ka mpu'ya,'Aku angin ngkala nao kau!Darilah dari-Aku,kau nang ngawe kesalahan!"' ²⁴ "Kae'na na,babis orak nang nangar pekataan-pekataan-Ku ntu wan ngawe ya njaji macam orak bijaksana nang mbangun rumah ya ka atas batu. ²⁵ Lalu,turutlah ujat wan ataklah banjer,lalu abis nyaru ngerajang rumah na,wan rumah na angin rusak kae'na li mbangun ka atas batu. ²⁶ Lalu,tiap orak nang nangar Aku-madah ntu wan angin ngawe ya na njadi macam orak bodoh nang mbangun rumah ya k atas kerasik. ²⁷ Lalu,turutlah ujat wan ataklah banjer,lalu abos nyaru ngerajang rumah na,lalu rumah na rusak,lalu kuan rusak ya." ²⁸ Wak'tu Yesus udah madaah hal-hal na,orak banyak kajah mangam ka pengajaran-Ya, ²⁹ kae'na Ia ngajar mpu'ya ka orak macam ahli-ahli Taurat mpu'ya.