¹ Wak'tu Yesus turut dari bukin na,rombong orak banyak nuna-Ya. ² Lalu,tele,seorak nang sakin kusta atak ka-Ia,wan besujut ka kadam-Ya,lalu madah,"Tuan,kalo Kau mao,Kau bisa menahir aku." ³ Lalu,Yesus nyolor langan-Ya wan njamah ya,kata-Ya,"Aku mao,tahirlah."wak'tu na uga,litahirkanlah kusta orak na. ⁴ Lalu,Yesus madah ka ia,"Tele lah,usah kau nceritakan ape-ape ka seorak pun,tapi ampuslah,telelah kau ka imam," ⁵ Wak'tu Yesus tama ka Kapernaum,seorak perwira atak ka-Ia,memohon ka-Ia, ⁶ Lalu madah,"Tuhan,hambaku gik gurik mangkok ka rumah,kuan nderita." ⁷ Lalu,Yesus madah ka ia,"Aku nak atak wan nyembuhkan ia." ⁸ Tapi, perwira na nyaun wan madah,"Tuan,aku angin layak ntuk Kau tama ka koroh atam ku,tapi padahlah sepatah kata ja wan hambaku na lisambuhkan . ⁹ Sabab,aku ugalah orak nang ada ka koroh kekuasaan,wan tentara-tentara ka korohku.Lalu,aku madah ka nang seko,'Ampuslah,'ia pun ampus,wan madah nang lain,'Ataklah,'lalu ia pun atak,wan ka hambaku,'Gawelah ntu,'wam ia pun ngawe ya." ¹⁰ Wak'tu Yesus nangar hal ntu,Ia suka wan madah ka orak-orak nang nuna-Ya,"Aku madah nang sebanar ya ka kau,Aku angin namu imam nang aya ka ntara orak Israel. ¹¹ Aku madah ka kau bahwa banyak nang nak atak dari timur wan barat, lau duduk makat ngan Abraham,Ishak,wan Yakub dalap Kerajaan Surga, ¹² tapi muda-muda kerajaan na nak libuak ka dalap kegalapan nang paling patak.Ka sana na ada ratapan wan kertak gigi." ¹³ Lalu,Yesus madah ka perwira na,''Ampuslah,biarlah na tejadi ka kauy macam nang kau pecayai."Lalu, wak'tu na uga,hamba ya lisambuhkan ¹⁴ Wak'tu Yesus cacah ka rumah Petrus,Ia nele datu Petrus gik gurik wan tabit. ¹⁵ Lalu,Yesus njamah langan indo ya wan tabit ya ilang.Laka na,ia lumpan wan ngelayan Yesus ¹⁶ Wak'tu ari nak malam,mpu'ya maba ka-Ia banyak orak nang kesurupan roh jaan,lalu Ia nguser roh-roh na ngan sote kata,lalu nyambuh babis orak nang sakin, ¹⁷ supaya liganapilah ape nang limadah Nabi Yesaya:"Ialah nang nangkam kelamahan-kelamahan diri wan nanggong penyakin-penyakin diri." ¹⁸ Ntu nyan,wak'tu Yesus nele orak banyak ka sekelilik-Ya,Ia mere perentah ntuk ngusar ka barak ngaan. ¹⁹ Laka na,seorak ahli Taurat atak wan madah ka-Ia"Guru,aku na nuna-Kau ka mane Kau ampus." ²⁰ Lalu,Yesus madah ka ia,"Para rubah bisi lian wan buruk-buruk ka meramang bisi sarak-sarak.Tapi,Anak Manusia angin bisi tampan ntuk naroh ulu-Ya." ²¹ Sote dari anak buah madah ka-Ia,"Tuhan,ijinlah aku ntuk telabih dulu ampus wan ngubur amaku." ²² Tapi,Yesus madah ka ia,"Tunalah Aku,wan biarlah orak mati ngubur orak mati mpu'ya sorak." ²³ Lalu,wak'tu Yesus naek ka perau,anak buah-ya nuna Ia,lalu ada badai aya ka danau laka na perau na tetutup gelombang.Tapi,Yesus tidur. ²⁵ Lalu,anak buah nusun Yesus wan nyuruh Ya lumpan,kata ya,"Tuhan,selamatkan orak kitu!Orak kitu gik binasa!" ²⁶ Lalu,Ia madah ka mpu'ya,"Ngape kau gali,hai kau nang kurang beriman?"Lalu,Ia bedadek wan menghardik abos wan danau na,lalu njadi kuan tenang. ²⁷ Lalu,orak-orak na kajah heran wan madah,"Orak macam apekah Ia na,bahkan abos wan danau nurut ka-Ia?" ²⁸ Wak'tu Yesus cacah ka sebarang danau,ka daerah orak Gadara,dua orak nang kerasukan roh jaan betamu-Ia.Mpu'ya ka luar dari kuburan sambel bila sehingga angin ada orak nang bisa lalu jalat na. ²⁹ Lalu,telelah,mpu'ya ngampak,kata ya,"Ape urusan ntara Kau ngan Orak kitu,hai Anak Allah?Apekah Kau atak ntuk nyiksa orak kitu sebelum wak'tu ya?" ³⁰ Lalu,agak jauh dari mpu'ya ada sekawan aya babi nang gik ngo mpajuh. ³¹ Antu-antu na minta ka-Ia wan madah,"Kalo Kau mao ngoser orak kitu,suruhlah orak kitu pindah kadalap rombong babi na." ³² Lalu,Yesus madah ka mpu'ya,"Ampuslah!"Lalu,mpu'ya keluar wan tama ka dalap babi-babi na.Laka na,babis rombong babi na pun kerajut dari penger danau lalu mati kadalap ae. ³³ Orak-orak nang ngembalakan rombong babi na dari,wan tama ka dalap kota,lalu nceritakan babis ya,temasuk ape nang tejadi ngan orak-orak nang lirasuk antu na. ³⁴ Lalu,telelah,babis kota keluar ntuk betamu ngan Yesus.Wak'tu minta-Ya ntuk napuk wilayah mpu'ya.