¹ "Ati-atilah kalo njalan kewajiban agama kau ka kadam keleno,usah ngan maksud ntuk li nele mpu'ya.Kalo bagesana, kau usah nerema gaji tak Ama kau nang ka surga. ² Kae'na,wak'tu kau mere sedakah,usah munyi trompet ka kadam kau bage nang orak-orak munafik ngawe ka sinagoge-sinagoge wan jalat-jalat na supaya mpu'ya li puji orak lain.Aku madah nang sebanar ya ka kau bahwa mpu'ya udah nerima gaji ya ³ Tapi,wak'tu kau mere sedakah,usah mbiar langan kiri kau nao ape nang langan kanan kau ngawe, ⁴ supaya sedakah kau na limunyi wan Ama kau nang nele nang limunyi na mere gaji ka kau." ⁵ Lalu,wak'tu kau bedoa,usah macam orak-orak munafik kae'na mpu'ya suka bedadek supaya kana tele orak lain.Aku madah nang sesungguh ya ka kau,mpu'ya udah nerima gaji ya. ⁶ Tapi,wak'tu kau bedoa,tamalah ka dalap kamar kau lalu tutuplah pintu ya,wan bedoalah ka Ama kau nang ada ka tampan tesembunyi,maka Ama kau nele nang semunyi na nak limere gaji ka kau. ⁷ Lalu,wak'tu kau bedoa,usah makai kata-kata nang angin sih rati ya,macam nang li ngawe orak-orak nang angin nao Allah,sabab mpu'ya ngira ngan banyak ya kata-kata,mpu'ya kana dangar. ⁸ kae'na na,usah mavam mpu'ya kae'na Ama kau nao ape nang kau pralu gik angin kau minta ka-Ia. ⁹ Bedoalah macam sana,'Ama orak kitu nang ka surga,Likuduskan lah nama-Kau. ¹⁰ Ataklah kerajaan-Kau,jadilah kehendak-Kau ka bumi macam ka surga. ¹¹ Berelah orak kitu,pada ari ntu,makanan orak kitu nang cukum. ¹² Wan,ampunilah kesalahan-kesalahan orak kitu, cam orak kitu ngamouni orak-orak nang besalah ka orak kitu. ¹³ Lalu,usahlah maba orak kitu ka dalap pecobaan, tapi lapaskanlah orak kitu dari nang jaan.Kae'na Kaulah Nang Ada Kerajaan,wan kuasa,wan kemuliaan sampai selama-lama ya.Amin.' ¹⁴ Kae'na kalo kau ngampuni kesalahan-kesalahan orak lain,Ama surgawi na uga ngampuni kau. ¹⁵ Tapi,kalo kau angin ngampuni kesalahan-kesalahan orak lain,Ama kau uga angin ngampuni kesalahan-kesalahan kau." ¹⁶ "Lalu,wak'tu kau bepuasa,usah diap bage orak munafik kae'na mpu'ya ngubah mua ya supaya linele gik puasa oleh orak lain.Aku madah nang sebanar ya ka kau bahwa mpu'ya udah nerima gaji ya. ¹⁷ Tapi, kau,wak'tu bepuasa,tapolah minyak ka ulu kau wan basoklah mua kau ¹⁸ supaya puasa kau angin litele orak lain,tapi litele Ama kau nang ada ka tampan nang tesembunyi.Lalu,Ama kau nang nele gawe kau nang tesembunyi na nak malas ya ka kau." ¹⁹ "Usah nimbun ntuk kau sorak harta ka bumi,tampan ngengat wan jarat ngerusak,lalu tampan pencuri mbongkar wan ncuri. ²⁰ Tapi,koroklah ntuk kau sorak harta na ka surga,tampan ngengat wan karat angin ngerusak wan tampan pencuri angin mbongkar serta ncuri. ²¹ Kae'na ka tampan na harta a kau ada,ka sana ua ati kau berada.'' ²² Maata ²³ Tapi,kalo mata kau jaan,babis tubuh kau na panuh kegalapan.Jadi,kalo tarang nang seharus ya ada ka kau na lah kegelapan, betapa kuan ya kegelapan na.'' ²⁴ "Angin ada orak nang ngelayan dua tuan kae'na ia na banci ka tuan nang seko wan kasih ka nang lain,atau ia na setia ka tuan nang seko wan ngeremeh nang lain.Kau angin bisa ngelayani Allah wan mamon." ²⁵ "Sabab na lah Aku bekata ka kau,usah kawater tentang idum kau,ape nang nak kau papak atau ape nang kau nyocok.Demikian uga tentang tubuh kau,ape nang kau pakai.bukatlah idum nang labih pantinhg dari pada jukun nang li papak,lalu tubuh daripada baju? ²⁶ Tele lah buruk-buruk ka meramang nang ngugur,angin menuai,wan angin ngorok ka dalap rogong,tapi Ama surgawi mere mpu'ya makat.Bukatkah kau labih berarga dari pada mpu'ya? ²⁷ Sape kah ka ntara kau nang kae'na kwatir ulih namahsehasta ka umur ya? ²⁸ Lalu, tentang baju,ngape kau kwatir?Tele lah bunga bakung ka padang,bagemane mpu'ya tumuh,mpu'ya angin begawe wan angin mintal, ²⁹ tapi Aku madah ka kau bahwa Salomo dalap segala kemuliaan ya pun angin bebaju macam salah sote dari bunga-bunga na. ³⁰ Jadi,kalo rumpun ka padang,nang ada ari na wan nalap lingkalik ka dalap api,Allah nande ya ngan sama,bukatkah telabih agi kau,hai kau nang kurang iman? ³¹ Kae'na na,usah kau kwatir ngan madah,'Ape nang nak orak kitu mapak?',ato'Ape nang nak orak kitu nyocok?',ato'Ape nang orak kitu makai?' ³² Sabab,bangsa-bangsa lain ngago babis na wan Ama surgawi kau nao bahwa kau pralu babis na. ³³ Tapi,gagolah dulu Kerajaan wan kebanaran-Ya,lalu babis ya na linamah ka kau. ³⁴ Lalu,usah kwatir tentang ari nalap kae'na ari nalap na ngewatirkan diri ya sorak.Cukum suatu ari ngan kesusahan ya sorak."