¹ Wak'tu ari na,Yesus keluar dari romah wan duduk ka penger dano. ² Lalu,orak banyak bekorok ka-Ia.Kae'na na,Ia naek ka perau wan duduk,lalu babis orak banyak na bediri ka penger dano. ³ Lalu,Ia madah banyak hal na ka mpu'ya dalap perumpamaan,kata-Ya,"Ada seorak penabur ampus ntuk nabur, ⁴ lalu wak'tu ia nabur,beberape banih labuh ka penger jalat,buruk-buruk atak wan mapak ya babis. ⁵ Banih nang lain labuh ka tampan nang bebatu,nang angin ngandong banyak tanah,wan capan tumuh kae'na angin ada kedalap tanah. ⁶ Tapi,laka matahari terbit tanaman na kana angan.Lalu,kae'na angin bisi akar,tanaman na jadi karik. ⁷ Banih nang lain labuh ka ntara rompo berunak,wan rompo berunak na tumuh,wan ngepen ya. ⁸ Lalu,banih nang lain labuh ka tanah nang baik wan ngulih buah,ada nang seratus kali lipan,ada nang enam puluh kali lipan,wan ada nang tiga puluh kali lipan. ⁹ Sape nang bekelinga,biarlah ia nangar." ¹⁰ Lalu,anak buah Yesus atak wan betanya ka-Ia,"Ngape Kau madah ka mpu'ya dalap perumpamaan?' ¹¹ Yesus nyaun mpu'ya,"Ka Kau udah likaruniakan ntuk nao rahasia Kerajaan Surga,tapi ka mpu'ya angin likaruniakan. ¹² Sabab,orak nang ada, ka ia nak limere wan ia na belimpah.Tapi,sape nang angin ada,bahkan ape nang ia ada na linangkak dari iya. ¹³ Kae'na na lah,aku madah ka mpu'ya dalap perumpamaan kae'na wak'tu nele wan wak'tu nangar,mpu'ya angin nangar,uga nang ngerati. ¹⁴ Tentang mpu'ya,liganapilah nubuat Yesaya nang madah,'Ngan nang linangar,kau nak nangar,tapi angin nak ngerati.Wan,ngan nele,kau na nele,tapiangin nak memahami.' ¹⁵ Kae'na ati bangsa ntu dah tabal,telinga mpu'ya malas ntuk nangar,wan mpu'ya nitim mata mpu'ya.Kalo angin,tantu mpu'ya bisa nele ngan mata mpu'ya,nangar ngan kelinga mpu'ya,wan bisa ngerati ngan ati mpu'ya,lalu bebalek ka-Kau wan linyambuhkan.' ¹⁶ Tapi,libarkatilah mata kau kae'na nele wan kelinga kau kae'na nangar. ¹⁷ Aku madah nang sebanar ya ka kau bahwa banyak nabi wan orak-orak banar nang nak nele ape nang kau nele,tapi angin nele ya,wan nak nangar ape nang kau nangar,tapi angin nangar ya.'' ¹⁸ "Oleh kae'na na,dangarlah arti perumpamaan tentang penabur. ¹⁹ Wak'tu orak nangar firman Kerajaan wan angin nao ya,si ja'an atak wan ngerampas ape nang udah tertabur dalap ati orak na.Ntulah orak nang banih ya tertabur ka penger jalat. ²⁰ Adapun nang tetabur ka tampan-tampan nang bebatu, ntulah orak nang nangar firman wan langsong nerima ya ngan sukacita, ²¹ Tapi ia angin ada akar dalap diri ya wan betahan sebantar ja.Lalu,wak'tu penindasan wan penganiayaan tejadi kae'na firman na,ia langsong labuh. ²² Banih nang labuh ka tangah rompo-rompo unak na orak nang nangar firman ntu,laka na kwater dunia wan nipu daya kekayaan ya ngasak firman na sehinga angin brubah. 3Tapi,orak nang banih ya tetabur ka tanah nang baik,ntulah orak nang nangar firman na wan memahami ya.Ialah nang banar-banar brubah wan ngaselkan,ada nang 100 kali lipan,beberape 60,wan beberape 30." ²⁴ Yesus madah perumpamaan nang lain ya ka mpu'ya,kata-Ya,"Kerajaan Surga na udah liumpamakan bage orak nang ngamur banih nang baik ka ladang ya. ²⁵ Tapi,sementara orak-orak tidur,munsuh ya atak wan nabur banih lalang ka ntara banih gandum,wan ampus. ²⁶ Wak'tu tanaman laka na lalang na tetele uga. ²⁷ Lalu,amba-amba dari nang ada ladang na atak wan betanya ka ia,'Tuhan,ukatkah kau nabur banih nang baik kaladang kau?Lalu,dari manekah atak ya lalang na?' ²⁸ Ia madah ka mpu'ya,'Seorak munsuh dah ngawe ya.'Lalu amba-amba na madah ka ia,'Apekah kau mao orak kitu dari wan ngorok ya?' ²⁹ Tapi,tuan na madah,'Usah!Sabab,wak'tu kau ngorok lalang-lalang na,bisa-bisa kau uga nyabun gandum na besama ya. ³⁰ Ka'tilah kadua ya tumuh besama sampai musim banyi.Lalu,wak'tu banyi,aku nak madah ka rombong penabur,"Petama-tama,koroklah lalang-lalang na wan kabanlah dalap berkas-berkas ntuk litunu.Tapi,koroklah gandum ya ka dalap langko gandum ku.""' ³¹ Laka na yesus madah perumpamaan nang lain ka mpu'ya,kata-Ya,"Kerajaan Surga na macam bugi sesawi nang linangkam orak wan li ngamur ka ladang ya. ³² Bugi na nang amuk dari babis jenis banih,tapi wak'tu tumuh,ia labih aya dari babis janis ngkayu,bahkan njadi batak buruk-buruk ka meramang atak wan besarak ka cabang-cabang ya." ³³ Laka na Yesus ncreta sebuah perumpamaan nang lain ka mpu'ya,"Kerajaan Surga n macam ragi,nang seorak mbini li nangkak wan linama kadalap adonan tapuk sebanyak tiga sukat sampai babis adonan na tecampur ragi. ³⁴ Babis hal na yesus madah ka orak banyak dalap perumpamaan-perumpamaan,wan Ia angin ngomong ka mpu'ya angin sih perumpamaan. ³⁵ Ngan gesana,genaplah ape nang limadah lewat nabi,"Aku nak muka molon ku dalap perumpamaan-perumpamaan,Aku nak madah hal-hal nang semunyi wak'tu dunia lingawe ³⁶ Laka na,Yesus napuk orak banyak na lalu tama ka rumah.Lalu,anak buah-Ya atak ka-Ia wan madah,"Jelaskan ka orak kitu perumpamaan tentang lalang-lalang ka ladang." ³⁷ Lalu,nyaun-Ya,"orak nang nabur banih nang baik na Anak Manusia, ³⁸ wan ladang na dunia ntu.Banih nang baik na anak-anak Kerajaan,wan lalang anak-anak nang ja'an, ³⁹ lalu munsuh nang menabur ya na Iblis,wan musim banyi na akhir zaman,wan para penuai na lah para malekat. ⁴⁰ Jadi,cam bage lalang nang lingorok wan li nunu kadalap api,laka na lah nang nak tejadi ka akhir jaman. ⁴¹ Anak Keleno na ngutus para malekat-ya,wan mpu'ya na ngorok babis batu sandungan wan orak-orak nang ngawe kejahatan dari kerajaan-Ya, ⁴² Lalu na li ngkalok ya ka dalap tongko api.Ka tampan na nang ada tangisan wan kertak gigi. ⁴³ Laka na,orak-orak banar nak besinar bage matahari dalap Kerajaan Bapa mpu'ya.Sape nang betelinga,biarlah ia nangar." ⁴⁴ "Kerajaan Surga na lah macam harta nang tebanam kaladang,nang linamu orak,lalu limunyi ya agi.Lalu,kae'na sukacita ya,ia dari,nyual babis nang nak ia,wan mali ladang na. ⁴⁵ Sekali agi,Kerajaan Surga na lah macam seorak pedagak nang ngago mutiara nang baik. ⁴⁶ Wak'tu ia namu sote mutiara nang benilai tinggi,ia dari wan nyual babis nang nak ia na,lalu mali mutiara na.'' ⁴⁷ "Laka na uga,Kerajaan Surga na lah bage jala nang litebarkan ka dalap lautmwan ngorok bemacam jenis ikat. ⁴⁸ Wak'tu jala na panuh,mpu'ya nyeret ka pantai wan duduk,lalu ngorok ikat-ikat nang baik kadalap keranjang-keranjang aya,ta[i muak nang angin baik. ⁴⁹ Jadi,na lah nang nak tejadi ka akhir jaman.Para malekat na kluar wan misahkan nang ja'an dari orak-orak banar, ⁵⁰ Lalu ngkalok orak-orak ja'an na ka tongko api.Ka tampan na ada ratapan wan kertak gigi. ⁵¹ Udahkah kau ngerati na babis?"Mpu'ya madah ka-Ia,"Ya." ⁵² Lalu,Yesus bekata ka mpu'ya,"Kae'na na,tiap ahli Taurat nang udah njadi anak buah Kerajaan Surga,ia macam tuan rumah nang ngeluarkan harta nang baru wan nang lama dari kekayaan ya." ⁵³ Wak'tu Yesus dah nyelesaikan perumpamaan-perumpamaan na,Ia ampus dari sana. ⁵⁴ Lalu,wak'tu Ia cacah ka kota asal-Ya,Ia ngajar ka sinagoge-sinagoge mpu'ya sehingga mpu'ya takjub wan bekata,"Dari mane orak ntu ngulih kebijaksanaan wan mukjizat-mukjizat ntu? ⁵⁵ Ukatkah Ia na anak seorak tukang kayu?Bukatkah indo-Ya lisabun maria,wan dua nyadi-Ya nalah Yakobus,Yusuf,Simon, wan Yudas? ⁵⁶ Bukatkah dua nyadi-Ya nang bini wan ka ntara diri?Lalu,dari mane Orak na nguligh babis hal na?" ⁵⁷ Lalu,mpu'ya tesinggung oleh-Ya.Tapi,Yesus bekata ka mpu'ya,"Seorak nabi bukatkah angin lihormati,kecuali ka tampan asal ya wan ka rumah ya sorak.'' ⁵⁸ Lalu,Ia angin ngawe banyak mukjizat ka sana kae'na angin pecaya ka mpu'ya.