¹ Wak'tu na,Herodes,raja wilayah,nangar berita-berita tentang Yesus. ² Lalu,ia bekata ka hamba-hamba ya"Ntulah Yohanes Pembaptis.Ia udah lumpan dari ntara orak mati wan kae'na na lah mukjizat-mukjizat na begawe ka dalap-Ya.'' ³ Sabab,Herodes udah nangkam Yohanes ,ngaban ya,wan nama ya ka penjara kae'na Herodias,bini Filipus,dua nyadi Herodes. ⁴ Kae'na Yohanes udah bekata ka ia,"Angin libanar bagi kau ntuk ngulih Herodias." ⁵ Lalu,walo Herodes nak munuh Yohanes,ia gali ka orak banyak kae'na mpu'ya nganggap Yohanes na nabi. ⁶ Tapi,wak'tu ari ulang tahun Herodes atak,anak mbini Herodies nari ka kadam mpu'ya,wan na nyenangkan Herodes, ⁷ laka na ia besumpah ntuk mere ape ja nang liminta mbini na. ⁸ Laka na,laka li ndesak indo ya,mbini na bekata,"Bere lah ka aku ka kia,ulu Yohanes Pembaptis ka atas nampan." ⁰⁹ Laka na raja sedih,tapi kae'na sumpah ya na kae'na orak-orak nang makat besama ya,ia pun merentah agar hal na li mere. ¹⁰ Ia nyuruh ntuk natak ulu Yohanes ka penjara. ¹¹ Lalu,ulu Yohanes libaba ka nampan,limere ka mbini na wan ia maba ya ka indo ya. ¹² Laka na,anak buah Yohanes atak,nangkak tubuh ya,wan ngubur ya.Lalu,mpu'ya ampus wan mere tau Yesus. ¹³ Wak'tu Yesus nangar hal na,Ia narik diri ya sana ngan perau,ka tampan nang sunyi sorak.Lalu,wak'tu orak-orak nangar na,mpu'ya nuna-Ya ngan jalat batih ka kota-kota. ¹⁴ Wak'tu Yesus keluar,Ia nele rombong orak rami,wan bebalas kasih ka mpu'ya,wan nyambuhkan sakin mpu'ya. ¹⁵ Wak'tu ari nak malam,rombong anak buah atak ka Yesusu wan madah,"Tampan ntu sunyi wan ari udah nak malam.Suruh lah orak banyak na ampus ka kampong-kampong wan mali makanan ntuk mpu'ya sorak ¹⁶ Tapi,Yesus bekata ka mpu'ya,"Mpu'ya angin peralu agi.Kau,bere lah mpu'ya makat." ¹⁷ Mpu'ya madah ka-Ia,"Ka sana diri ada ape-ape,kecuali 5 roti wan 2 ikat." ¹⁸ Lalu,Ia madah,"Babalah na ka kia,ka-Aku." ¹⁹ Laka na,Ia nyuruh orak banyak na duduk ka rumpun,wan Ia nangkak 5 roti wan 2 ikat na,lalu sambel nele ka meramang,Ia ngucap sukur wan macah-macah roti na.Laka na,Ia mere ya ka anak buah-Ya,wan anak buah-Ya ka orak banyak. ²⁰ Lalu,mpu'ya babis makat wan kanyang.Lalu,mpu'ya nangkak pogon-pogon nang sisa,ada dua balas keranjang panuh. ²¹ Lalu,mpu'ya nang makat kira-kira ada 5.000 ngelaki,gik angin termasuk mbini wan muda-muda. ²² Yesus laka na ndesak anak buah-Ya tama ka perau wan ampus ndului-Ya ka barak nga'an,sementara Ia na pulak. ²³ Lalu,laka Yesus nyuruh orak banyak na pulak,Ia naek ka atas gonong seorak diri wan bedoa.Wak'tu ari nak malam,Ia sorak ka sana.|v 24Tapi,perau na udah jauh dari daran,liombang-ambingkan gelombang kae'na belawan ngan abos nyaru. ²⁵ Lalu,wak'tu jam ke empat malam na,Ia atak ka mpu'ya,bejalat ka atas ae. ²⁶ Wak'tu anak buah nele-ya bejalat ka katas ae,mpu'ya kajah tekajun wan beseru,"Na antu!"Lalu,mpu'ya ngampak-ngampak kae'na gali. ²⁷ Tapi,Yesus langsong ngomong ka mpu'ya,kata-Ya,"Kuankanlah ati kau!Ntu Aku,usah gali." ²⁸ Lalu,Petrus bekata ka-Ia,"Tuhan,kalo na Kau,suruhlah aku atak ka-Kau ka atas ae." ²⁹ Yesus bekata,"Ataklah!"Maka,Petrus keluar dari perau,wan atak ka Yesus. ³⁰ Tapi,wak'tu nele abos,ia lamas.Ia ngampak,Tuhan,selamatkan Aku!" ³¹ Yesus langsong nyolor langan-ya,memang Petrus,wan bekata,"Kau nang kurang iman,ngape kau ragu-ragu?" ³² Wak'tu mpu'ya tama kadalap perau,abos pun beranti. ³³ Laka na,mpu'ya nang ada ka perau nyambah Yesus wan bekata,"Sesungguh ya,Kau,na lah Anak Allah!" ³⁴ Laka ngelangkah,mpu'ya cacah ka tanah Geneset. ³⁵ Wak'tu orak-orak ka tampan na ngenali-ya,mpu'ya mere tau ka babis daerah na wan maba babis orak nang sakin ka Yesus. ³⁶ Mpu'ya memohon ka Yesus supaya bisa migak ujuk jubah-Ya,wan babis orak nang migak ya jadi sambuh.