¹ Ẹ̀yin ará, èrò ọkàn mi àti ẹ̀bẹ̀ mi sí Ọlọ́run fún wọn ni ìgbàlà wọn. ² Nítorí pé mo jẹ́ri nípa wọn pé wọn ní ìtara fún Ọlọ́run, ṣùgbọ́n kì íse nípa ìmọ̀. ³ Nítorí wọn kò mọ òdodo Ọlọ́run, tí wọn sì n wá ọ̀nà láti fi òdodo tiwọn lélẹ̀. Nwọn kò tẹríba fún òdodo Ọlọ́run náà. ⁴ Nítorí Jésù ni ìmúṣẹ òfin náà fún òdodo fún gbogbo ẹni tí ó gbàgbọ́. ⁵ Nítorí Mósè kọ nípa òdodo tí ó wá láti inú òfin: "Ẹni náà tí ó bá ṣe òdodo nípa òfin yóò wà láàyé nípa òdodo òfin." ⁶ Ṣùgbọ́n òdodo náà tí ó wá láti inú ìgbàgbọ́ sọ èyí pé, "Má se wí ní okàn rẹ pè 'tani yó gòkè re ọ̀run?' (túmọ̀sí, làti mú Kírísítì sọ̀kalẹ̀); ⁷ kí ẹ má se wípé, "Tani yóò lọ̀ sí ọ̀gbun àìnísàlẹ̀?" (túmọ̀sí, láti mú Kírísítí gòkè wá lárin àwọn òkú). ⁸ Sùgbọ́n kíni ó wí? "Ọ̀rọ̀ náà sún mọ́ ọ yín, nínú okàn àti ẹnu yín èyí nì ni ọ̀rọ̀ ìgbàgbọ́ náà, tì à n kéde. ⁹ Pé bí ìwọ bá fi ẹnu rẹ jẹ́wọ́ Jésù ní Olúwa, tí o sì gbàgbọ̀ nínú ọkàn rẹ pé a jí i dìde kúrò nínú àwọn òkú, a ó gbà ọ́ là. ¹⁰ Nítorí ọkàn ni a fi n gbàgbọ́ fún òdodo, àti ìjẹ́wọ́ ìgbàlà nìpa ẹnu. ¹¹ Nítorí ìwé mímọ́ wípé, "Ẹnikẹni tó bá gbà á gbọ́ oju kò ní tìí. Nítorí kò sí ìyàtọ̀ láàrin Júù àti Gíríkì. ¹² Nítorí Olúwa kan náà ni Olúwa gbogbo wọn, òun ni ọrọ̀ púpọ̀ fún gbogbo ẹni tí ń ké pè é ¹³ Nítorí ẹnikẹ́ni tí ó bá ké pe orukọ Olúwa ni a ó gbàlà. ¹⁴ Báwo ni wọn ó se képe ẹni tí wọn kò nígbàgbọ́ nínú rẹ̀? Báwo ni wọn ó ṣe gbàgbọ́ nínú rẹ̀ ẹni tí wọn kò gbọ́ ọ̀rọ̀ rẹ̀ rí. ¹⁵ Nwọn ó ṣe wàásù, nígbà tí a kò rán wọn? Gẹ́gẹ́ bí a ti kọ ọ́ pé, "Ẹsẹ̀ àwọn tí n wàásù ìhìnrere àláfíà ohun rere ti dára tó. ¹⁶ Ṣùgbọ́n kì í se gbogbo wọn ni ó tẹ́tí ṣí ìhìnrere. Nítorí Àìsáyà wípé, "Olúwa tani ó ti gba ọ̀rọ̀ wa gbọ́?" ¹⁷ Ǹjẹ́ ìgbàgbọ́ ń wá nípa gbígbọ àní gbígbọ́ ọ̀rọ̀ kírísítí. ¹⁸ Sùgbọ́n mo wípé, "Nwọn kò a gbọ́ bí? "Bẹ́ẹ̀ni, ó dájú gbangba. Ohun wọn ti jáde lọ sí ilẹ̀ gbogbo, àti ọ̀rọ̀ wọn títí dé òpin ayé náà. ¹⁹ Pẹ̀lú pẹẹ̀lú, mo wípé, "Ísírẹ́lì kò a mọ̀ bí?" Mósè ni ó kọ́ wípé, "Èmi ó ru yín sókè láti jowú nípa ohun tí kì í se orílèdè. Nípa orílèdè tí kò ní òyè, ni èmi ó fi ru ìbínú yín sókè." ²⁰ Nígbà náà ni Àísáyà wí pẹ̀lú ìgboyà pé, "Àwọn tí kò wá mi rí mi. Mo farahán fún àwọn tí kò bèrè mi." ²¹ Ṣùgbọ́n fún Ísírẹ́lì ó wípé, "Ní gbogbo ọjọ́ ni mo na ọwọ́ mi sí aláìgbọràn àti alágbídí ènìyàn kan."