¹ Lẹ́yìn naa ni Ẹ̀mí Mímọ́ darìi Jésù lọ sínú aginjù kí a lee dan an wò láti ọwọ èsù. ² Nígbà tí ó ti gba ààwẹ̀ fún ogójì ọ̀sán àti ogójì òru, ebi bẹ̀rẹ síí paá. ³ Olùdánwò wá sọ́dọ rẹ, ó wí fún un pé, "Bí ìwọ́ bá jé Ọmọ Ọlọ́run, pàse kii àwọn òkúta wọ̀nyíì di àkàrà". ⁴ Ṣùgbọ́n Jésù dáa lóhùn wípé, "A ti kọọ́ pé: Ènìyàn kì yóò wà nípa àkàrà nìkan, bíkòse nípa ọ̀rọ tí o ti ẹnu Ọlọrun jáde wá." ⁵ Lẹ́yìn èyí ni Èsù fà Jésù lọ sínú ìlú Mímó, ó sì gbée lọ sórí sóńsó Tẹḿpìlì, ⁶ Ó wí fún ún wípé: "Bí ìwo bá jẹ Ọmọ Ọlọ́run nítòótọ́, kí o bẹ́ sílẹ̀. Nítorí a sáà ti kọ̀wée rẹ̀ wípé, 'Òun yóò pàsẹ fún àwọn ańgélì Rẹ láti pa ọ́ mọ́', àti pé, 'Àwọn ańgẹ́lì yóò si gbé ọ sókè ní apáa wọn', kí íwọ ma baa se fi ẹsẹ̀ rẹ gún òkúta." ⁷ Jesu sọ fun un wípé, "A ti tún kọ̀wẹ rẹ̀ wípé: 'Ìwọ kò gbọdọ̀ dán Oluwa Ọlọ́run rẹ wo'." ⁸ Lẹ́ẹ́kàn an sí i, Esu gbe Jésù lọ sori pepele ti o ga, ó fi gbogbo ìjọba ayé yii àti àwọn ògo rẹ̀ hàn án. ⁹ O wi fun un pe: "Gbogbo n kàn wọ̀nyí ni èmi yóóò fi fún ọ bí ìwọ ba le forí balẹ̀ kí sì o sìn mi." ¹⁰ Nígbà naa ni Jesu báá wi pé: "Lọ kúrò lọdọ mi, Sátánì!, A ti kọ̀wé rẹ wípé, 'Olúwa Ọlọrun un rẹ nìkansoso ni kí ìwo kó forí balẹ̀ fún', 'Oun nìkan soso ni kí ìwo ki o maa sín'." ¹¹ Nígbà naa ni Èsù lọ kúrò lọdọ rẹ, sì kíyèsii, àwọn ángẹ́lì si wa lati maa se irànsẹ́ fún un. ¹² Ǹjé nigba ti Jesu gbọ́ pé Ọba ti pàṣe láti fi ipá mú Jòhánù, Jésù yẹra kúrò ní Gálílì. ¹³ O lọ kúro ni Násárẹ́tì láti máa se àtìpó gbé ni Kápánáúmù, ni agbègbè Òkun Gálilì, ní àláà Ṣébúlúnì àti Náfítálì. ¹⁴ Èyíi sẹlẹ̀ láti se àmúṣẹ àsotẹlẹ̀ ti wolii Àísàyà kọ wípé, ¹⁵ Ṣébúlúnì àti Nàfìtálì, ní ìhà òkun, rékojá Odò Jọ́dáni, Gálílì ti àwọn Kèfèri! ¹⁶ Àwọn ènìyàn tó jókòó nínú òkùnkùn ti rí ìmọ́lẹ̀ ńlá; lára àwọn tó jókòó ní àfonífojì ikú ni ìmọ́lẹ̀ tàn sí." ¹⁷ Lati igbà naa ni Jesu ti bẹrẹ si wàásu pe: "Ẹ ronúpìwàpà, nitori pé ijọba ọ̀run kù si dẹ̀dẹ̀." ¹⁸ Bi o ti n rìn ni ìhà Òkun Gálílì, ó rí àwọn ọkùnrin méjì, Símónì ẹni tí à n pè ní Pétérù, àti Anderu arakunrin rẹ̀, wọn ń jù àwọ̀n ìpeja wọn sínú odò, nitori ti wọ́n jẹ apeja. ¹⁹ Jésù sọ fún wọn pẹ́, "Ẹ wa, ẹ máa tọ̀ mí lẹ́hín, èmi yóò si sọ yín di apẹja ènìyàn." ²⁰ Lójúkan náà ni wọn fi àwọ̀n ìpeja wọn sílẹ, wọn si bẹ̀rẹ̀ si tọ̀ọ̀ lẹ́hin. ²¹ Bi Jésù ti ń lọ kúrò níbẹ̀, o tún rí àwọn arákùnrin méjì míràn, Jákọ́bù ọmọ Sébédè àti Jòhánù arákùnrin rẹ̀. Wọ́n wa nínú ọkọ̀ ojú omi pẹ̀lu Sébédè ti o jẹ́ bàbá wọ́n, ti wọ́n ńyanju àwọ̀n ìpẹja wọn. ²² Ó pè wọ́n, lojukannáà ni wọ́n fi bàbá wọn silẹ láti máa tọ̀ọ lẹhin. ²³ Jesu si re kọjá lọ si gbogbo agbègbè Gálílì, O ń kọ́ni nínú sínágọ́gù wọn, o n wàásù nípa ìjọba ọ̀run, o si n se ìwòsàn oniruurú àwọn àrùn àti àìlera láàrin àwọn ènìyàn. ²⁴ Òkìkí i rẹ̀ si kàn káàkiri láàrin àwọn agbègbè Siria, àwọn ènìyàn si gbé oníkúlùkù àwọn ti o ni àìlera àti àìsàn wá sọ́dọ̀ rẹ̀ ki o leè se dídá ara fún wọn, àwọn ti o ni ẹ̀mí àìmọ́, àrùn wárápá gbé wọn wá sọ́dọ̀ rẹ. Jésù si mú u gbogbo wọn láradá ²⁵ Ọ̀pọ̀lọpọ̀ ènìyàn lo tọ̀ọ lẹ́yìn láti agbègbè Gálílì, Dèkàpólísì, Jèrúsalémù ati Jùdíà, àti rékọjá odo Jọ́dánì.