¹ Nítorí Ìjọba Ọ̀run dàbí onílé kan tí ó jáde ní òwúrọ́ lati lọ gba àwọn òsìsẹ́ sí ọgbà àjàrà rẹ̀. ² Nígbà tí òhun àti àwọn òsìsẹ́ náà ti fohuǹ sọ̀kan lórí dénárì kan fún ọjọ́ kan, ó rán wọn lọ sí ọgbà àjàrà rẹ̀. ³ Ó tún jáde ní wákàtí kẹta ó sì rí àwọn òsìsẹ́ mìíràn tí wọn ń dúró láìní isẹ ní ibi ọjà. ⁴ Sí wọn ó wípé 'Èyin náà ẹ lọ sí ọgbà àjàrà náà, màá fún yín ní ohun tí ó bá tọ́.' Wọ́n sì lọ siṣẹ́. ⁵ Ó tún jáde ní wákàtí kẹfà àti ní wákàtí kẹsàán, ó sì ṣe bákan náà ⁶ Lẹ́ẹ̀kan síi ní wákàtí kọkànlá ó jáde ó sì tún rí àwọn mìíràn ti wọ́n ńdúró láìse ohunkóhun. Ó sì wí fún wọn pé 'kílódé tí ẹ fi ńdúró láì se ohunkóhun fún gbogbo ọjọ́' ⁷ Wọ́n sì wi fún un pé 'nítorí kòsí ẹni tí ó gbàwá síṣẹ́.' Ó wí fún wọn pé 'Ẹ̀yin náà ẹ lọ sí ọgbà àjàrà náà' ⁸ Nígbà tí ó di ìrọ̀lẹ́, ẹni tí ó ni ọgbà àjàrà náà wí fún alámòójúto rẹ̀ wípé, 'pe àwọn òsìṣẹ́ náà kí o sì san owó ọ̀yà wọn fún wọn, láti ẹni tí ó kẹ́hìn dé títí dé ẹni tí ó kọ́kọ́ dé.' ⁹ Nígbà tí àwọn òsìṣẹ́ tí wọ́n gbà ní wákàtí kọkànlá wá, ẹni kọ̀ọ̀kan wọn gba dénárì kọ̀ọ̀kan ¹⁰ Nígbà tí àwọn òsìṣẹ́ kìnní dé, wọ́n rò pé àwọn yóò gba jù bẹ́ẹ̀ lọ, ṣùgbọ́n àwọn náà gba dénárì kọ̀ọ̀kan. ¹¹ Nígbàtí wọ́n gba owó ọ̀yà wọn, wọ́n fi ẹ̀hónú hàn sí olóko náà. ¹² Wọ́n wípé, 'àwọn òsìṣẹ́ ìkẹyìn yìí siṣẹ́ fún wákàtí kan péré, ṣùgbọ́n ìwọ ti sọ wọn di ẹgbẹ́ pẹ̀lú wa, àwa tí a ti gbé bùkátà ọjọ́ yìí àti tí ó ti fi orí pa òòrùn látàárọ̀' ¹³ Ṣùgbọ́n ẹni tí ó ni ọgbà àjàrà náà dáhùn ó sì wí fún ọ̀kan nínú wọn pé, 'Ọ̀rẹ́, èmi kò ṣe ó ní ìjàm̀bá. Ǹjẹ́ ìwọ kò dábàá pẹ̀lú mi fún dénári kan?' ¹⁴ Gbà ohun tí ó jẹ́ tìrẹ ki o sì bá ọ̀nà rẹ lọ. Mo yàn láti fún àwọn òsìṣẹ́ ìkẹyìn yìí ní ohun kan náà pẹ̀lú yín. ¹⁵ Ǹjẹ́ èmi kòní ẹ̀tọ́ láti ṣe bí ó ṣe wùmí pẹ̀lú ohun tí ó jẹ́ ti tèmi? Àbí sé ò ń jowú nítorí pé mo lawọ́? ¹⁶ Nítorí náà ẹni ìkẹhìn yóò di àkọ́kọ́, àti ẹni àkọ́kọ́ náà yóó di ìkẹyìn. ¹⁷ Bí Jésù ṣe ń gòkè lọ sí Jerúsálẹ́mù, ó mú àwọn méjìlàá náà sẹ́gbẹ̀ẹ́, bẹ́ẹ̀ lójú ọ̀nà ó wí fun wọn, ¹⁸ Ẹ wòó, à ń gòkè lọ sí Jerúsálẹ́mù, wọn yóò sì fi ọmọ ènìyàn lé ọwọ́ àwọn olórí àlùfáà àti àwọn akọ̀wé. Wọn yóò sì dá a lẹ́bi sí iku ¹⁹ wọn yóò sì fi í fún àwọn kèfèrí láti fi í ṣe yẹ̀yẹ́, láti nà án, àti láti kàn án mọ́ àgbélébùú. Ṣùgbón ní ọjọ́ kẹta a yóò jí i dìde. ²⁰ Nígbà náà ni ìyá àwọn ọmọkùnrin Ṣébédè wá bá Jésù pèlú àwọn ọmọkùnrin rẹ̀. Ó tẹríba níwájú rẹ̀ ó ṣì bèèrè ohun kan lọ́wọ́ rẹ̀. ²¹ Jésù wí fún un pé, Kínni o fẹ́? Ó ṣì wí fún un pé 'Pàṣẹ kí àwọn ọmọkùnrin méjì mi wọ̀nyí le jókòó, ọ̀kan sí ọwọ́ ọ̀tún rẹ àti ìkejì sí ọwọ́ òṣì rẹ, ní ìjọba rẹ.' ²² Ṣùgbọ́n Jésù dáhún ó sì wípé, "Ìwọ kò mọ ohun tí ìwọ ń bèèrè. Ṣé ìwọ tó láti mu láti ife tí èmi yóò mu?" Wọ́n dáhùn pé "A tó bẹ́ẹ̀." ²³ Ó wí fún wọn pé "lótìítọ́ ni ẹ̀yin yóò mu ife mi. Ṣùgbọ́n láti jókòó sí ọwọ́ ọ̀tún mi àti ọwọ́ òṣì mi, kìíṣe tèmi láti fi fúnni, ṣùgbọ́n ó jẹ́ ti àwọn tí Bàbá mi ti ṣètò rẹ̀ fún." ²⁴ Nígbà tí àwọn ọmọ ẹ̀yìn rẹ̀ mẹ́wàá ìyókù gbọ́ èyí, inú bíwọn sí àwọn arákùrin méjì náà. ²⁵ Ṣùgbọ́n Jésù pè wọ́n sí ọ̀dọ̀ ara rẹ̀ ó sì wí fún wọn pé, "Ẹ̀yin mọ̀ wípé àwọn olórí àwọn kèfèrí a máa fi tipá jọba lórí wọn, bẹ́ẹ̀ náà ni àwọn gbajúmọ̀ wọn a máa lo agbára lórí wọn. ²⁶ Ṣùgbọ́n kò gbọdọ̀ rí báyìí láàrin yín. Dípò bẹ́ẹ̀, ẹni tí ó bá fẹ́ láti di gíga láàrin yín gbọ́dọ̀ jẹ́ ìránṣẹ́ yín, ²⁷ bẹ́ẹ̀ náà ẹni tí ó bá fẹ́ láti jẹ́ àkọ́kọ́ láàrin yín gbọ́dọ̀ jẹ́ ìránṣẹ́ yín, ²⁸ gẹ́gẹ́ bí Ọmọ Ènìyàn kòṣe wá láti jẹ́ ẹni tí à ń sìn, ṣùgbọ́n láti sìn, àti láti fún ẹ̀mí rẹ̀ bí ìràpadà fún àwọn tí ó pọ̀. ²⁹ Bí wọ́n ti ń jáde kúrò láti Jẹ́ríkò, ọ̀pọ̀lọpọ̀ ènìyàn tẹ̀ lé e. ³⁰ Àwọn afọ́jú méjì kan ṣì wà tí wọ́n jókòó lẹ́gbẹ̀ẹ́ ojú ọ̀nà. Nígbà tí wọ́n gbọ́ wípé Jésù ń kọjá lọ́, wọ́n kígbe "Olúwa, Ọmọ Dáfídì, sàánú fún wa." ³¹ Àwọn ọ̀pọ̀ ènìyàn náà bá wọn wí, wọ́n sọ fún wọ́n ẹ dákẹ́ jẹ́, ṣùgbọ́n wọ́n tún kígbe sókè jù bẹ́ẹ̀lọ "Olúwa, Ọmọ Dáfídí, ṣàánú fún wa." ³² Nígbà náà ni Jésù dúró sójú kan ó ké pè wọ́n, "Kínni ẹ fẹ́ kí èmi ṣe fún yín?" ³³ Wọ́n wí fún un pé, "Olúwa, kí ojú wa le là" ³⁴ Nígbà náà Jésù, ẹni tí àánú ṣe, ó fi ọwọ́ kan ojú wọn. Lẹ́sẹ̀kẹsẹ̀ ojú wọn la wọ́n ṣì tẹ̀ lé e.