¹ Kìí ṣe ènìyàn púpọ̀ ni ó le di olùkọ́ni, ẹ̀yin ará mi. Àwá mọ̀ pé a ó gbà ìdàjọ́ tí ó tún le síi. ² Nítorí tí gbogbo wa ń dẹ́sẹ̀ ní ọ̀pọ̀lọpọ̀ ọ̀nà. Tí ẹnikẹ́ni kò bá dẹ́ṣẹ̀ nípasẹ̀ ọ̀rọ̀, òun ni ẹnití ó ti dàgbà lẹ́kùnrẹ́rẹ́, ó sì le kó gbogbo ara rẹ̀ ní ìjánu. ³ Níbáyìí, bí a ba fi ìjánu sí ẹnu ẹṣin fún wọn láti gbọ́ tiwa, a sì tún le darí gbogbo ara wọn. ⁴ Kíyèsi àwọn ọkọ̀ ojú omi pẹ̀lú, bó tí lẹ jẹ̀ wípé wọ́n tóbi ìjì líle si tún n darí wọn, ìtọkọ̀ kékeré ni awakọ̀ ojú omi náà fí ń darí rẹ̀ síbi tí ó fẹ́. ⁵ Gẹ́gẹ́ bẹ́ẹ̀ ni ahọ́n jẹ́ kéré nínú ẹ̀yà ara, síbẹ̀, ó ma n lérí àwọn ohun ńlá . Sì kíyèsi bí iná kékeré ṣe ń jó igbó-ńlá, ⁶ Ahọ́n jẹ́ iná pẹ̀lú, ayé ẹ̀ṣẹ́ tí ó wa láàrin àwọn ẹ̀yá ara wa. A má a fi àbàwọ́n sí gbogbo ara, yóò sì fi iná sí ipa ìyè. Òun tìkalára rẹ̀ á di jíjó nínú ọ̀run àpààdì. ⁷ Bí ọmọ ènìyàn ṣé ń darí ẹranko búburú, ẹyẹ , afaayàfàà, àti ẹranko inú òkun. ⁸ Ṣùgbọ́n fún ahọ́n, kòsí ènìyàn kan tí ó le kápá rẹ̀. Nítorí tí ahọ́n jẹ́ oun búburú ti a kò le kápá rẹ̀, ó kún fún oró tí ń pa ni. ⁹ Ahọ́n kan náà tí a fí ń yin Olúwa àti Bàbá, òun pẹ̀lú ni a fí ń sépè fún ọmọ ènìyàn, ẹnití Ọlọ́run dá ní àwòrán ara Rẹ̀. ¹⁰ Ìbùkún àti èpè ń jáde láti ẹnu kan náà. Ẹ̀yin ará mi, àwọn nǹkan wọ̀nyí kò yẹ bẹ́ẹ̀. ¹¹ Ǹjẹ́ ísùn kan a le sun omi dídùn àti kíkorò bí? ¹² Ǹjẹ igi ọ̀pọ̀tọ́ a máa so ólífì bí, ẹ̀yin ará mi? Tàbí èso àjàrà, lórí ọ̀pọ̀tọ́? Bẹ́ẹ̀ni omi iyọ̀ kò le sun omi dídùn. ¹³ Tani ó gbọ́n tí ó sí nì oye nínu yín ? Jẹ́kí ẹni náà fi ìgbe ayé rere hàn nípasẹ̀ ìrẹ̀lẹ̀ iṣẹ́ rẹ̀ nínú ọgbọ́n. ¹⁴ Sùgbọ́n bí o bá ní owú kíkorò àti ìlara nínú ọkàn rẹ, má se yangàn má sì se parọ́ ni ìlòdì sí òtítọ́. ¹⁵ Èyí kìí ṣe ọgbọ́n láti òkè wá. Dípò bẹ́ẹ̀, èyí tí ṣe ti ayé ni, ti ara àti ti ẹ̀mí àìmọ́ . ¹⁶ Níbití owú àti ìlara gbé wà níbẹ̀ ni dàrúdàpọ̀ àti gbogbo ìwà búburú wà. ¹⁷ Ṣùgbọ́n, ṣaájú ohun gbogbo, ọgbọ́n àti òkè wá jẹ́ mímọ́, àlàáfíà, ó ní ìwàpẹ̀lẹ́, ó mọ ẹ̀tọ́, o kúnfún àánú àti síso èso dáradára, aláíṣàarẹ àti òdodo ¹⁸ Èso òdodo sì di gbígbìn nínú àlááfìà láàrin àwọn ènìyàn tí wọ́n ń sètò àlááfìà.