¹ Ní ti òmìnira, Krístì ti sọ wá di òmìnira. Nítorínà, ẹ dúró ṣinṣin, kí ẹ má sì ṣe wà ní abẹ́ ìsàkóso àjàgà ti ìkónilérú. ² Ẹ wòó, èmi, Pọ́ọ̀lù, sọ fún yín pé tí èyin bá fi ara yín sílẹ̀ fún ìkọlà, Krístì, kì yó ní èrè kankan fún yín. ³ Lẹ́ẹ̀kan sí, mo ṣe ìjẹ́rí pé gbogbo ènìyàn tí ó bá fi ara rẹ síiẹ̀ fún íkọlà ó pọn dandan fún-un láti se ìgbọràn sí gbogbo òfin . ⁴ A gée yín kúrò lára Krístì, ẹ̀yin tí ẹ ó gba ìdáláre nípasè òfin; ẹyin kò ní ìrírí ore-ọ̀fẹ́ mọ́. ⁵ Nítorí nípasẹ̀ ti Ẹ̀mí, nípa ìgbàgbọ́, ni a ń fi inúdídùn dúró de ìrètí òdodo tí ó dájú. ⁶ Nínú Jesù Krístì ìkọlà tàbí àìkọlà kò ní ìtumọ̀ kankan, bíkòse ìgbàgbọ́ nípasẹ̀ ti ìfẹ́. ⁷ Ẹ ti ń sáré dáradára. Tani ó dá yín dúró láti má se ìgbọràn sí òtítọ́? ⁸ Ìyínilọ́kàn padà yí kò ti ọ̀dọ ẹni tí ó pè yín wá! ⁹ Ìwúkàrà kékeré amá a mú gbogbo ìyèfun wú. ¹⁰ Mo ní ìgboyà nínú Olúwa wípé ẹ̀yin kì yóò rí irú èyí mọ́. Ẹni tí ó ń dà yín láàmú ni yóò jẹ ìyà ẹ̀ṣẹ̀ yín. Ẹni yóò wù tí ìbáà jẹ́. ¹¹ Ẹ̀yin ará, tí èmi bá sì ń polongo ìkọlà, kílódé tí èmi ṣì n rí ìpọ́nlójú? Fún ìdí èyí òkúta ìdìgbòlù ibi àgbélèbú ti sí kúrò. ¹² Ní ti àwọn tí ó ń dàyínláàmù, ó wù mì kí wọ́n tẹ ara wọn lọ́dà! ¹³ Nítorí ti a pè yín sí òmìnira, ará. Sùgbọ́n ẹ má se lo òmìnira yín gẹ́gẹ́ bíi ànfàní fún ìgbeayé ẹ̀ṣẹ̀; sùgbọ́n, nípasẹ̀ ìfẹ́ ẹ ran ara yín lọ́wọ́. ¹⁴ Nítorí tí gbogbo òfin di mímúṣẹ nínú àṣẹ ẹyọọkan; nínú'' ìwọ gbọ́dọ̀ fẹ́raǹ ẹnìkejì rẹ gẹ́gẹ́ bi ara rẹ.'' ¹⁵ Ṣùgbọ́n tí ẹ̀yín bá ń bu ara yín sán ẹ kíyèsára kí ẹ má ṣe pa ara yín run. ¹⁶ Ṣùgbọ́n èmi wípé, ẹ rìn nípa tí ẹ̀mí, ẹ̀yin kò sì ní ṣe ìfẹ́ inú ẹran ara ẹ̀ṣẹ̀ ¹⁷ Nítorí ìfẹ́ ẹran ara ẹ̀ṣẹ̀ lòdì sí tí ẹ̀mí àti ẹ̀mí sí ti ẹran ara ẹ̀ṣẹ̀. Nítorí tí àwọn méjéèjì wà ní ìjàkadì pèlú ara wọn, kí ẹ̀yin kí ó má baà ṣe àwọn ohun ti ó ń wù yín láti ṣe. ¹⁸ Ṣùgbọ́n tí ẹ̀yin bá wà lábẹ́ ìdarí Ẹ̀mí ẹ̀yin kò sí lábẹ́ òfin. ¹⁹ Ǹ jẹ́ nísisìyí iṣẹ́ ti ara fi ara hàn: bi ẹ̀ṣẹ̀ ìbálòpọ̀, ìwà àìmọ́, ìfẹ́kùfẹ́, ²⁰ ìbọ̀rìṣà, oṣó, ìṣọ̀tẹ̀, ìjà, ìlara, ìbínú, owú, ìkùnsínú, ìyapa, ²¹ owú jíjẹ, ìmutí para, ìréde òru, àti ǹkan bí àwọn wọ̀nyí. Mo kìlọ̀ fún yín bí mo ṣe kìlọ̀ fún yin ṣaájú wípé, àwọn tí o ńṣe ǹkan wọ̀nyìí kò ní wọ ìjọba Ọlọ́run. ²² Ṣùgbọ́n èso ti Ẹ̀mí ni ìfẹ́, ayọ̀, àlààfíà, sùúrù àánú, ìṣoore, ìgbàgbọ́, ²³ ìwà tútù, àti ìkóra ẹni níìjánu; òfin kan kò lòdì sí irú ǹkan wọ̀nyíí. ²⁴ Àwọn tí ó jẹ́ ti Jésù Krístì ti kan ara ẹ̀ṣẹ̀ mọ́ àgbélébùú pẹ̀lú agbára àti ìfẹ́kùfẹ́ rẹ̀. ²⁵ Tí a bá ń gbé nípa ti ẹ̀mí, ẹ jẹ́ ká máa rìn nípa ti ẹ̀mí náà. ²⁶ Ẹ má ṣe jẹ́ ká gbéraga, nípa mímú ara wa bínú, ṣíṣe ìlara ara wa.