¹ Ará tí ẹ bá mú enìkan nínú àwọn ìrékọjá kan, kí ẹ̀yin tí ń ṣe ẹni ti ẹ̀mí kó ṣe ìmúpadàbọ̀sípò rẹ̀ nínú ẹ̀mí ìwàpẹ̀lẹ́. Ẹ máa ṣe àníyàn ara yín, kí ẹ má baà fa ara yín sínú ìdánwò. ² Ẹ ma ru ẹrù ara yín, nípasẹ̀ èyí kí òfin Krístì di mímúṣẹ. ³ Nítorí tí ẹnikẹ́ni bá rò pé òún ṣe pàtàkì nígbàtí kò já mọ́ nkankan, ó tan ara rẹ̀ jẹ. ⁴ Kí oníkálukú yẹ iṣẹ́ ọwọ́ rẹ̀ wò, èrèdí fún láti fọ́n-nu yóò sì wà nínú ara rẹ̀ nìkan láìsí nínú ẹlòmíràn. ⁵ Nítorí oníkálukú ni yíò gbé ẹrù ara rẹ̀. ⁶ Ẹ ni tí a kọ́ ní ọ̀rọ̀ náà gbọ́dọ̀ pín ohun rere gbogbo pèlú ẹni tí ó kọ́ọ. ⁷ Má ṣe jẹ́ kí á tàn yín jẹ, a kòleè gan Ọlórun, nítorí ohun tí ènìyàn bá gbìn ni yóò ká. ⁸ Nítorí ẹnikẹ́ni tí ó bá fúrúgbìn sí inú ìwà ẹran ara ẹ̀ṣẹ̀ rẹ̀, nínú ẹran ara ẹ̀ṣẹ̀ náà ni yíò kó èrè ìparun. Ẹni tí ó bá fúrúgbìn sínú ti Èmí, ní inú Êmí ni yíò kórè ìyé ayérayé láti ọ̀dọ Ẹmí wá. ⁹ Ẹmá ṣe jẹ́ kí á sàárẹ̀ nínú ṣíṣe ohun rere, nítorí àkókó tí ó tọ́ ni a o kórè rẹ̀, tí a kò bá rẹ̀wẹ̀sì. ¹⁰ Bẹ́ẹ̀, gẹ́gẹ́ bí àwa ṣe ní àǹfàní, ẹjẹ́ ká máa ṣe rere sí gbogbo ènìyàn, pàápàá jùiọ àwọn tí ó jẹ́ ará ní ilé ìgbàgbọ́. ¹¹ Ẹ wo ìwé ńlá tí mo kọ sí yiń pẹ̀lú ọwọ́ mi. ¹² Àwọn tí ó fẹ́ láti tẹ́ yín lọ́rùn nínú ara wọ́n gbìnyànjú kí a bà le kọ yin ní ilà. Wọ́n se èyí láti má jẹ́ kí wọ́n jìyà fún àgbélèbú Krístì. ¹³ Nítorí kìí ṣe pé àwọn tí o kọlà tìkàálarà ń pa ófin mọ́, ṣùgbọ́n wọ́n fẹ́ kí á kọ yín ní ilà kí wọn ba lè máa ṣògo nínú ara yín. ¹⁴ Sùgbọ́n kí èmi ma ṣe fọ́n-nu, bíkòṣe nínú àgbélèbú ti Jésù Krístì Olúwa wa nìkan, nípasẹ̀ èyí tí ayé ti di kíkaǹ mọ́ igi fún mi, àti èmi sí ayé. ¹⁵ Nítorípé ìkọlà kò já mọ́ ǹkankan bẹ́ẹ̀ ni àìkọlà náà. Ṣùgbọ́n ohun tí ó ṣe kókó ni dídi ẹ̀dá titun. ¹⁶ Sí gbogbo àwọn ti ó ń gbé nípaṣẹ̀ ìlànà yìí, àláfíà àti àánu kí ó wà lórí wọn, àní lórí ísrélì ti Ọlọ́run. ¹⁷ Láti ìsísìnyí lọ kí ẹnikẹ́ni máṣe yomílẹ́nu, nítorípé èmí ru àpá Jésù ní ara mi. ¹⁸ Ore-ọ̀fẹ́ Jésù Krístì Olúwa wa kí ó wà pẹ̀lú ẹ̀mí yín, ará. Àmín.