¹ Lẹ́yìn àwọn nkàn wọ̀nyí, Jésù lọ sí òdì kejì Òkun Gálílì, èyí tí a tún ńpè ni Òkun Tìbéríà. ² Àwọn ogunlọ́gọ̀ ènìyàn ńwọ́ tọ̀ọ́ lẹ́yìn nítorí àwọn iṣẹ́ ìyanu tí wọ́n ríi pé ó ṣe lára àwọn aláìsàn. ³ Jésù sì gun orí òkè lọ Ó sì jókòó pẹ̀lú àwọn ọmọ ẹ̀yìn Rẹ̀. ⁴ (Ǹjẹ́ Àjọ Ìrékọjá, ọdún àwọn Júù, sì súnmọ́ tòòsí.) ⁵ Nígbàtí Jésù gb'ójú sókè Ó sì rí ogunlọ́gọ̀ àjọ àwọn ènìyàn ń wá sí ọ̀dọ̀ Rẹ̀, Ó sì wí fún Fílípì pé, "Níbo ni á ó ti ra oúnjẹ tí yó tó fún àwọn ènìyàn wọ̀nyí láti jẹ?" ⁶ Ṣùgbọ́n Jésù sọ èyí láti dán Fílípì wò nítorí tí Ó mọ ohun ti Òun yóò ṣe.) ⁷ Fílípì sí í dáa lóhùn pé, "Ìwọ̀n búrẹ́dì tí owó rẹ̀ tó igba dínárì kò le tó fún ẹnìkọ̀ọ̀kan kódà láti rí kékeré láti jẹ." ⁸ Áńdérù, arákùnrin Símónì Pétérù, ọ̀kan nínú àwọn ọmọ ẹ̀yìn Jésù, sọ fún un pé, ⁹ ọ̀dọ́mọkùnrin kan wà níbí ẹni tí ó ní búrẹ́dì tí a fi báálì ṣe àti ẹja méjì, ṣùgbọ́n níbo ni èyí a le dé láàrin ọ̀pọ̀ ènìyàn? ¹⁰ Jésù wípé, "Ẹ jẹ́kí àwọn ènìyàn kí ó jòkó." (Nísinsìnyí ọ̀pọ̀ koríko wà ní ibẹ̀.) Nígbà náà ni àwọn ọkùnrin náà jókòó sílẹ̀, ìwọ̀n bí i ẹgbẹ̀rún márùn ún níye. ¹¹ Nígbà náà ni Jésù mú ìṣù búrẹ́di ńà, àti lẹ́yìn tí ó dúpẹ́, o fi í fún gbogbo àwọn tí ó jókòó. Ó sì ṣe bẹ̀ ẹ̀ gẹ́gẹ́ pẹ̀lú ẹja ní ìwọ̀n tí olukúlùkù ènìyàn ń fẹ́. ¹² Nígbàtí àwọn ènìyàn sì yó, Ó sọ fún àwọn ọmọ ẹ̀yin rẹ̀ pé, "Ẹ ko gbogbo àwọn ẹ̀rún tí ó ṣẹ́kù, kí á má ba fi ohunkóhun ṣòfò." ¹³ Lẹ́yìn èyí wọ́n kó wọn jọ, àwọn àjẹkù ìṣù báálì márùn ún náà sì kún apẹ̀rẹ̀ méjìlá. ¹⁴ Lẹ́yìn tí àwọn ènìyàn rí àmì iṣẹ́ ìyanu tí Ó ṣe, wọn wípé, "Lóòtọ́ eléyìí ni Wòlíì náà tí yóò wá sínú ayé." ¹⁵ Nígbà tí Jésù mọ̀ wípé wọ́n fẹ́ fi tipá fi òun jọba, ó sá kúrò lọ́dọ̀ ọ wọn lọ sórí òkè láti dá wà ní òun nìkan. ¹⁶ Nígbàtí ó sì di alẹ́, àwọn ọmọ ẹ̀yìn lọ sí ibi òkun. ¹⁷ Wọ́n si wọ ọkọ̀ ojú omi, wọ́n sì gba ojú omi òkun lọ sí Kápánáúmù. Ilẹ̀ sì ti ṣú ní àsìkò yìí, àti wípé Jésù kò sí ní ọ̀dọ̀ wọn. ¹⁸ Ìjì líle sì n fẹ́, àti wípé ojú òkun sí ǹ dàrú. ¹⁹ Lẹ́yìn ìgbà tí wọn ti tù ọkọ̀ fún òpó ìwọ̀n sítédíà bí i mẹ́ẹ̀dọ́gbọ̀n tàbí ọgbọ̀n, wọ́n rí Jésù tí Ó nrìn lórí òkun, Ó sí n bọ̀ wá sí ìtòsí ibi ọkọ̀ ojú omi wọn, ẹ̀rù sì bà wọ́n. ²⁰ Ṣùgbọ́n Ó ṣọ fún wọn pé, "Èmi ni! Ẹ má ṣe bẹ̀rù." ²¹ Nígbà náà ni wọ́n finú fẹ́dọ̀ gbà á sínú ọkọ̀ wọn, àti wípé lójú ẹsẹ̀ ni ọkọ̀ wọn dé sí èbúté níbi tí wọn ń lọ. ²² Ní ọjọ́ kejì, àwọn ọ̀pọ̀ ènìyàn ti n dúró ni ìhà kejì òkun rí i wípé kò sí ọkọ̀ ojú omi mìíràn níbẹ̀ lẹ́yin ẹyọ̀kan ṣoṣo àti pé Jésù kò wọ inú u rẹ̀ pẹ̀lú àwọn ọmọ ẹyìn rẹ̀ ṣùgbọ́n àwọn ọmọ ẹ̀yìn nìkan ni wọ́n dá lọ. ²³ Ṣùgbón àwọn ọkọ̀ ojú omi kan wá láti Tìbéríà sí ẹ̀bá ibití wọ́n ti jẹ àwọn ìsù búrẹ́dì lẹ́yìn ti Olúwa ti dúpẹ́. ²⁴ Nígbà tí wọn ri wípé yálà Jésù tàbí àwọn ọmọ ẹ̀yìn Rẹ̀ kòsí níbẹ̀, áwọn tìkarawọn wọnú ọkọ̀ ojú omi wọn lati lọ si Kápánáúmù wọ́n ń wá Jésù. ²⁵ Lẹ́yìn tí wọ́n sì ri ni ìhà kejì òkun, wọ́n wí fun pé, "Ráàbì, nígbàwo ni O de síbí?" ²⁶ Jésù si dá wọn lóhùn, ó wípé, "Lóòtọ́ọ́, lóòtọ́ọ́, ẹ̀yin ń wá mi kì íṣe nítorí àwọn àmì iṣẹ́ ìyanu bíkòse nítorí àwọn ìsù búrẹ́dì tí ẹ jẹ tí ẹ sì yó. ²⁷ Mo rọ̀ yín kí ẹ má ṣe wa oúnjẹ èyí tí o le parun, ṣùgbọ́n ẹ̀yin ẹ ṣisẹ́ fún oúnjẹ ìyè àínípẹ̀kun ti yóó wà títí láí èyítí Ọmọ Ènìyàn yóó fun yín, nítorí tí Ọlọ́run Baba ti fi èdìdì Rẹ̀ sóríí Rẹ̀." ²⁸ Lẹ́yìn èyí ni wọ́n wí fún un pé, "Kín ni kí àwa ó ṣe lati siṣẹ́ Ọlọ́run?" ²⁹ Jésù dáwọn lóhùn o si wí fún wọn pé, "Èyí ni iṣẹ́ Ọlọ́run: ẹ gba ẹnì kan náà tí Ó ti rań wá sí ayé gbọ́." ³⁰ Nígbà náà ni wọ́n wí fun pé, "Kín ni àmì tí ìwọ yóò ṣe, èyítí àwa yóò rì í tí a ó sí gbàgbọ́? ³¹ Àwọn bàba wa jẹ mánà ní aginjù, gẹ́gẹ́bi a ti i kọ́ ọ́ pé, 'Ó fún wọn ní búrẹ́dì láti ọ̀run wá láti jẹ." ³² Nígbà náà ni Jésù dáwọn lóhùn ó sì wípé, "Lóòtọ́ọ́, lóòtọ́ọ́, kì í ṣe Mòósè ni ó fún yín ní búrẹ́dì tí ó ti ọ̀run wa bíkòṣe Bàba mi ni ó fún yín ni búrẹ́dì tòótọ́ lati ọ̀run. ³³ Nítori búrẹ́dì Ọlọ́run ni èyí ti ó sọ̀kalẹ̀ láti ọ̀run wá àti èyí tí o nfún ayé ni ìyè." ³⁴ Wọn sì sọ fún un pé, Alàgbà, fún wa ní búrẹ́dì yì í ní gbogbo ìgbà." ³⁵ Jésù sọ fún wọn pé, "Èmi ni oúnjẹ ìyè; ẹnikẹ́ni tí ó bá tọ̀ mí wá, ebi kì yòó pá láílái, àti wípé ẹnikẹ́ni tí ó bá gbà mí gbọ́ òrúgbẹ kì yóò gbẹ́ láíláí. ³⁶ Ṣùgbọ́n mo wí fún yín pé nítòótọ́ ẹ̀yin ti rí mi, ẹ̀yin kò sì gbà mí gbọ́. ³⁷ Gbogbo áwọn ẹnití Bàbá fi fún mi ni yóò wá sí ọ̀dọ̀ mi, àti wípé ẹnikẹ́ni tó bá tọ̀ mí wá dájúdájú èmi kì yoò ta á nù. ³⁸ Nítorí tí èmi wá lati ọ̀run, kì í ṣe láti se ìfẹ́ tì kara aláraami, ṣùgbọ́n lati ṣe ìfẹ́ ẹni tí ó rán mi. ³⁹ Èyí sì ni ìfẹ́ ẹni tí ó rán mi, pé kí èmi kí ó má ṣe pàdánù gbogbo àwọn tí ó fi fún mi, ṣùgbọ́n kí èmi kí ó lè gbé wọn dìde ní ìgbẹ̀yìn ọjọ́. ⁴⁰ Nítorí èyi ni ìfẹ́ Bàbá mi, pé kí gbogbo ẹni tí ó bá ti rí Ọmọ ati wípe o ní ìgbàgbọ́ nínú Rẹ̀ ni yóò ni iyè àìnípẹ̀kun àti wípé èmi yóò gbé e dìde ní ìgbẹ̀yìn ọjọ́. ⁴¹ Lẹ́yìn èyí àwọn Júù bẹ̀rẹ sí kùn sí i nítorí pe o ṣo wípé, "Èmi ni búrẹ́di tí ó ṣòkalẹ̀ láti ọ̀run wa." ⁴² Wọ́n sì wípé, "Eléyìí ki a ṣe Jésù ọmọ Jóṣẹ́fù bí, ẹni ti àwa mọ bàbá àti ìyá Rẹ̀? Níṣinṣìnyí báwo ló ṣe ń ṣọ wípé, "Èmi ṣọ̀kalẹ̀ wá lati ọ̀run wá." ⁴³ Jésù si dá wọn lóhùn ó wípé, "Ẹ yé má a kùn láàrin ara yín. ⁴⁴ Ẹnikẹ́ni kò le wá ṣọ́dọ̀ mi bíkòse wípé Bàbá mi tí o ránmi fà á wá sí ọ̀dọ̀ mi, àti pe èmi tìkalára mi yóo gbe dìde níkẹyìn ọjọ́. ⁴⁵ A ṣá ti kọọ́sílẹ̀ nínú ìwé àwọn wòólì pe, "Gbogbo ènìyàn ni a ó kọ̀ ọ́ láti ọ̀dọ̀ Ọlọ́run." Gbogbo ẹni tí ó ti gbọ́ ati pe o ti kọ́ ẹ̀kọ́ láti ọ̀dọ̀ Bàbá ni ó ń wá ṣọ́dọ̀ mi. ⁴⁶ Nìtorí pé ẹnikẹ́ni kò rí Bàbá rí, lẹ́yìn Ẹni tí ó ti ọ̀dọ̀ Ọlọ́run wa - òun sì ti rí Baba. ⁴⁷ Lóòtọ́ọ́, lóòtọ́ọ́, ẹnikẹ́ni tíó bá gbàgbọ́ ní iyé àìnípẹ́kun. ⁴⁸ Èmi ni búrẹ́dì ìyè. ⁴⁹ Àwọn baba yín jẹ mánà ní aginjù, àti wípé wọ́n kú. ⁵⁰ Èyí ni búrẹ́dì náà tí ó ṣọ̀kalẹ̀ láti ọ̀run wá, pé ènìyàn le è jẹ nínú Rẹ̀ kì ó má kú. ⁵¹ Èmi ni oúnjẹ ìyè tí ó ṣọ̀kalẹ̀ láti ọ̀run wá. Bí ẹnikẹ́ni bá síì jẹ nínú oúnjẹ yi, òun yóo yè títí láí. Nítorí oúnjẹ ti èmi O fi fún ayé ni ìyè ni ẹran ara mì." ⁵² Eleyì í ṣì mú inú bí àwọn Júù tó bẹ̀ gẹ́ tí n wọn bára wọn jiyàn, wípé, "Báwo ni arákùnrin yóo ṣe fún wa ní ẹran ara rẹ̀ láti jẹ?" ⁵³ Lẹ́yìn èyí ni Jésù ṣọ fún wọn pé, "Lóòtọ́, lóòtọ́, tí kò bá se wípé ẹ̀yin jẹ nínú ara Ọmọ Ènìyàn àti wípé ẹ mu nínú ẹ̀jè Rẹ̀, ẹ̀yin kò le ní ìyè nínú ẹ̀yin tìkalára yín. ⁵⁴ Ẹnikẹ́ni tó bá jẹ nínú ara mi àti mu nínú ẹ̀jẹ̀ mi yóò ní iyè àìnípẹ̀kun, àti wípe èmi yóò jí i dìde níkẹyìn ọjọ́. ⁵⁵ Nítorí tí ara mi jẹ́ oúnjẹ nítòọ́tọ́, àti ẹ̀jẹ̀ mi jẹ́ ohun mímu nítòọ́tọ́. ⁵⁶ Ẹnikẹ́ni tó bá jẹ nínú ara mi àti mu nínú ẹ̀jẹ̀ mi yóò wà nínú mi, àti èmi nínú rẹ́. ⁵⁷ Gẹ́gẹ́ bi Baba mi ti ó wá láàyè ti rán mi, àti wípé bí èmi ti wa láàyè nítorí Baba, nítorí náà ẹni tí o bá jẹ mí yóó yè nítorí tèmi. ⁵⁸ Èyí ni búrẹ́dì ti o ṣọ̀kalẹ̀ lati ọ̀run wa, kì í ṣe bi èyítí àwọn baba yín jẹ tí wọn sì kú. Ẹnikẹ́ni tí ó bá jẹ búrẹ́dì yìí yóò wà títí láí." ⁵⁹ Ṣùgbọ́n Jésù ṣọ àwọn ǹ kan wọ̀nyí nínu Sínágọ́gù nígbátì ó ńkọ́ wọn ni Kápánáúmù. ⁶⁰ Lẹ́yìn èyí ni ọ̀pọ̀ àwọn ọmọ ẹ̀yìn tí o gbọ́ èyí wípé, "Ẹ̀kọ́ èyí l'ágbára; tani ó le e gbà á? ⁶¹ Jésù, nítorí òun tìkararẹ̀ mọ̀ nínú rẹ̀ pé àwọn ọmọ ẹ́yìn rẹ̀ ńkùn nítorí èyí, ó ṣọ fún wọn pe, "Ǹjẹ́ èyí a bi yín nínú bí? ⁶² Ǹjẹ́ nígbàtí ẹ̀yin bá rí Ọmọ Ènìyàn tí o ngòkè padà lọ síbi tí ó wá tẹ́lẹ̀? ⁶³ Ẹ̀mí ni o ńfúnni ní ìyè; ara kò ní èrè kankan. Àwọn ọ̀rọ̀ èyí tí mo ń sọ fún yin ẹ̀mí ni wọ̀n, àti ìyè sì ni wọn pẹ̀lú. ⁶⁴ Síbẹ̀ àwọn kan ń bẹ nínú yín tí wọn kò gbàgbọ́." Nítorí Jésù mọ̀ láti ìbẹ̀rẹ̀ gbogbo áwọn tí kò gbàgbọ́ àti ẹni náà tí yóò dàá. ⁶⁵ Ó wípé, "Nítorí èyí ni mo fi sọ fún yín pe ẹnikẹ́ni kò le wá sí ọ̀dọ̀ mi bíkòbáṣe wípé a fi fún wa lati ọ̀dọ̀ Baba." ⁶⁶ Nítorí èyí, ọ̀pọ̀lọpọ̀ nínú àwọn ọmọ ẹ̀yìn rẹ̀ padà ṣẹ́yìn wọn kò sì rìn pẹ̀lú rẹ̀ mọ́. ⁶⁷ Lẹ́yín èyí Jésù sì bi àwọn méjèèjìlá náà pé, "Ǹ jẹ́ ẹ̀yin náà fẹ́ lọ ọ bí?" ⁶⁸ Símónì Pétérù sì dá a lóhùn pe, "Olúwa, ọ̀dọ̀ ta ni àwa o lọ?" Nítorí ìwọ ní àwọn ọ̀rọ̀ ìyè àìnípẹ̀kun, ⁶⁹ àti wípé àwa ti gbàgbọ́ a ṣì ti mọ̀ pé ìwọ ni Ẹni Mímọ́ Ọlọ́run." ⁷⁰ Jésù bi wọn pé, "Ṣé èmi kọ́ ni mo yàn ni, ẹ̀yin méjìlá, àti wípé ọ̀kan nínú yin jẹ́ èsù? ⁷¹ Níṣinsìnyí o nṣọ nípa Júdásì ọmọ Símónì Ìsìkáríótù, ọ̀kan nínú àwọn méjìlá, ẹni tí yòó ṣẹ́ Jésù.