¹ Nísinsìnyí ọkùnrin kan tí orúkọ rẹ̀ ńjẹ́ Lásárù ṣàìsàn d'ójú iku. Ó wá láti Bétánì, abúlé tí M̀àriá àti àbúrò rẹ̀ Màtá ti wá. ² Màríà, ẹni náà tì ẹ̀gbọ́n rẹ̀, Lásárù ṣàìsàn ni ẹni tí ó fi òróró kun Jésù ní ẹsẹ̀ tí ó sì fi irun orí rẹ̀ nùú. ³ Àwọn ẹ̀gbọ́n rẹ̀ l'óbìnrin ránsẹ́ pe Jésù, wípé, "Olúwa, wòó, ẹni tí o fẹ́ràn gidigidi ńṣàísàn. ⁴ Nígbàtí Jésù gbọ́, Ó wípé. "Àìsàn yí kìí ṣe fún ikú. Ṣùgbọ́n, dípò bẹ́ẹ̀ ó jẹ́ fún ògo Ọlọ́run kí orúkọ ọmọ Ọlọ́run leè di ìmúṣògo". ⁵ Nísinsìnyí Jésù fẹ́ràn Màtá, ẹ̀gbọ́n rẹ̀ óbìnrin àti Lásárù. ⁶ Nígbàtí Ó gbọ́ wípé Lásárù ńsàìsàn. Jésù dúró ní ọjọ́ mejì síi ní ìletò tí ó wà. ⁷ Lẹ́yìn èyí, Ó wí fuń àwọn ọmọ ẹ̀yìn rẹ̀, "Ẹ jẹ́ kí á lọ sí Jùdíà lẹ́ẹ̀kan si." ⁸ Àwọn ọmọ ẹ̀yìn rẹ̀ sì wípé, "Olùkọ́ni, nísinsìnyí àwọn Júù ńgbèrò láti sọ Ọ́ ní òkúta, O sì tún ńpadà lọ síbẹ̀ bí? ⁹ Jésù dáhùn, "Kìí waá ṣe wákàtí méjìlá ni ó wà nínú ọjọ́.? Bí ẹnikẹ́ní bá rìn ní ọ̀sán, ki yóò kọsẹ̀, nítorí ó rí ìmọ́lẹ̀ ayé yì. ¹⁰ Bí ó tilẹ̀ jẹ́ pé, bí ó bá rìn ní òkùnkùn, yóò ṣubú nítorí kò sí ìmọ̀lè lára rẹ̀. ¹¹ Ó sọ àwọn ǹkan wọ̀nyí àti lẹ́yìn wọn, Ó sọ fún wọn wípé, "ọ̀rẹ́ẹ wa Lásárù ti sùn, ṣùgbọ́n mò ńlọ láti jíi nínú oorun". ¹² Àwọn ọmọ ẹ̀yìn rẹ̀ sì wí fún un pé, "Olùwa, tí o ba jẹ wípe o sùn, yóò jí. ¹³ Báyìí Jésù ti sọ̀rọ̀ nípa ikú rẹ̀, ṣùgbọ́n wọ́n lérò wípé ó ńsọ nípa oorun ìsinmi. ¹⁴ Lẹ́yiǹ èyí Jésù sọ fuń wọn ní èdè ti yóò yè wọn, "Lásárù ti kú." ¹⁵ Jésù tún tẹ̀síwájú, "Inú mi dun, nítorí yín, wípé Èmi kò sí níbẹ̀ kí ẹ̀yin ki o le gbàgbọ́. Ẹ jẹ́ kí á lọ sí ọ̀dọ̀ rẹ̀". ¹⁶ Tómáásì, tí á ńpè ní Dídímù, sọ fún àwọn ọmọ ẹ̀yìn ẹlẹgbẹ́ rẹ, "ẹ jẹ́ kí a lọ kí àwa náà le kú pẹ̀lú rẹ̀." ¹⁷ Nígbàtí Jésù dé, O di mímọ̀ fún un wípé Lásárù tí wà ní ibojì fún ọjọ́ mẹ́rin. ¹⁸ Báyìí Bẹ́táánì sún mọ́ Jérúsálẹ́mù, ní ìwọ̀n ibùsọ̀ mẹ́ta. ¹⁹ Ọ̀pọ̀lọpọ̀ àwọn Júù wá sí ọ́dó Màtá àti Màríà, láti tù wọ́n nínú fún tí arákùnrin wọ́n. ²⁰ Nígbàtí Màtá, gbọ́ wípé Jésù ḿbọ̀, ó lọ pàdé rẹ̀, ṣùgbọ́n Màríà jókòó nínú ilé. ²¹ Màtá sì sọ fún Jésù, "Olúwa, bí ìwọ bá ti wà níhinyìí, arákùnrin mí kì bá tí kú. ²² Síbẹ̀ báyìí, mo mọ wípé ohunkóhun tí ìwọ bá bèèrè lọ́wọ́ Olúwa, yóò fifún ọ". ²³ Jésù sọ fuń un wípé, "Arákùnrin rẹ yóò tún jí dìde." ²⁴ Màtá sì wí fún un pe, mo mọ wípé yóò jí dìde ní àjíǹde ìkẹyìn" ²⁵ Jésù sì wí fuń un pé, "Èmi ní àjíǹde àti ìyè; ẹnikẹní tí ó bà gbá mí gbó, bí ó tílè kú, yóó yè ²⁶ àti 'pé ẹni tí ó bà wà láàyè tí ósì gbà mí gbọ́ kì yóò kú. Ǹjé ẹ gbà èyí gbọ́"? ²⁷ Ó wí fún un pe, "Lóòótọ́, Olúwa, mo gbàgbọ́ wípé ìwọ ni Krístì náà, ọmọ Ọlọ́run, tí ó ḿbọ̀ wá sí ayé." ²⁸ Nígbàtí ó sì sọ èyí, ó jáde lọ o sì pe arábìnrin rẹ Màríà sí ìkọ̀kọ̀. Ó wípé, "Olùkọ́ni wa ní ibíyìí ó sì ńpè ọ" ²⁹ Nígbà ti ó gbọ́ èyí, ó dìde kíá lọ s'ọ́dọ̀ọ Rẹ̀. ³⁰ Báyìí, Jésù kò sì tí dé sí ìletò náà ṣùgbọ́n Ó sì wà nìbití Màtá ti lọ pàdé Rẹ̀. ³¹ Nígbàtí áwọn Júù tí ó wà pẹ̀lú rẹ̀ nínú ilé tí wọn ńtù ún nínú, rí Màríà tí ó dìde lọ́gán lọ sí ìta, wọ́n tẹ̀lẹ, wọ̀n lèrò wípé ó ńlọ sí ibojì láti lọ sọkún. ³² Nígbàtí Màríà dé ibití Jésù wà tí ó rii, ó wólẹ̀ l'ẹ́sẹ̀ Ẹ Rẹ ó sì wípé, "Olúwa, bí ìwọ bá ti wà níhìń yìí, arákùnrin mí 'ìbá tí kú". ³³ Nígbàtí Jésù ríi ti o ńsọkún, pẹ̀lú àwọn Júù tí wọ́n tẹ̀le ńsọkún pẹ̀lú rẹ̀; O káànú wọn, ọkàn Rẹ̀ sì bajẹ́. ³⁴ Ó wípé, "Níbo ni ẹ tẹ́ ẹ si?" Wọ́n sì wí fun un pe, "Olúwa, wá wòó ³⁵ Jésù sọkún. ³⁶ Àwọn Júú si wípé, "Wò Ó bí ó ti fẹ́ràn Lásárù to". ³⁷ Ṣùgbọ́n àwọn míràn nínú wọn wípé, " Ṣé kò yẹ kí ọkùnrin yì í, ẹni tí o la'jú ọkùnrin afọju ṣe é kí ọkùnrin yìí máṣe kú"? ³⁸ Síbẹ̀, Jésù tí o ní ìrora ọkàn nínú Rẹ̀, lọ sí ibojì. Ní àkókó yìí ori ihò ni a gbé okúta lé. ³⁹ Jésù wípé, "ẹ gbé òkúta náà kúrò". Màtá, arábìnrin Lásárù, ẹni tí ó kú, sọ fún Jésù, "Olúwa, ní àkóko yìí ara rẹ̀ yóò ti máa díbàjé nítorítí ó ti kú fún ọjọ́ mẹ́rin". ⁴⁰ Jésù sọ ọ́ fun, "Ǹjẹ́ Èmi kò sọ fún ọ wípé tí ìwọ ba gbàgbọ́, ìwọ yóò ri ògo Ọlórun?" ⁴¹ Wọ́n sì gbé òkúta náà kúrò, Jésù gbé ojú rẹ̀ sókè ó sì wípé, Bàbá, mo dúpẹ́ ní ọwọ rẹ nítorí pé Ò ńgbọ́ tèmi ⁴² Mo mọ̀ wípé Ò ńgbọ́ tèmi, ṣùgbọ́n nítorí àwọn èrò tí o dúró yì miká ní mo se sọ èyí, kí wọn lè gbàgbọ́ pè Ìwọ ni O rán mi". ⁴³ Nígbàtí Ó si ṣọ èyí tán, Ó kígbe ní ohún rara, "Lásárù, jáde wá?" ⁴⁴ Òkú ọkùnrin náà si jáde, pẹ̀lú ọwọ́ àti ẹsẹ̀ rẹ̀ tì ó wà ní dídì pẹ̀lú aṣọ, a sì fí aṣọ di ní ojú. Jésu wí fuń wọn wípé, "Ẹ tú sílẹ kí ẹ sì jẹ́ kí ó máa lọ." ⁴⁵ Ọ̀pọ̀lọpọ̀ àwọn Júù tí ó wà lọ́dọ Màríà rí ohun tí Jésù ṣe, wọ́n si gbàgbọ́. ⁴⁶ Ṣùgbọ́n ọ̀pọ̀lọpọ̀ sì padà si ọ̀dọ àwọn Farisí wọ́n sì ṣọ ohun gbogbo tí Jésù ti ṣe. ⁴⁷ Àwọn Olórí Àlúfà àti Farísí kó ara wọn jọ àti àwọn ìgbimọ̀ lápapọ̀ wọ́n si wípé, "Kí ni àwa yóò ṣe? Ọkùnrin yìí ṣe ọ̀pọ̀lọpọ̀ iṣé àmìn. ⁴⁸ Tí a ba fi sílẹ̀ lí òhunnìkan báyìí, gbogbo ènìyàn yóò gbàgbọ́ nínú rẹ̀; àwọn Róòmù yóò wa lati gba ààyè àti Orílè-ede wá." ⁴⁹ Báyìí, ọkùnrin kan nínú wọn tí à ńpè ní Káyáfà, tí ó jẹ́ olórí àlúfáà ní ọdún náà, sọ fún wọ́n 'pé, "Ẹ kò mọ ohunkóhun. ⁵⁰ Ẹ kò rò wípé ó sàn fun yín kí ẹnìkan kí ó kú fún àwọn ènìyàn ju kí orílè-èdè kí ó ṣègbé". ⁵¹ Nísinsìnyí kó sọ èyí ni ọ̀rọ̀ ara rẹ̀. Dípò bẹ́ẹ̀, 'pé ó jẹ́ olóórí àlùúfàà ní ọdún náà, ó ti ṣọtẹ́lẹ̀ wípé kí Jésù kù fuń orílẹ̀-èdè; ⁵² kìi sii ṣe fún orílẹ̀-èdè nìkan, ṣùgbọ́n kí àwọn ọmọ Ọlọ́run tí wọn ti fọ́nká lè papọ̀ di ọ̀kan. ⁵³ Láti ọjọ́ náà ni wọ́n gbèrò bí wọn yóò ṣe pa Jésù. ⁵⁴ Kò pẹ́ tí Jésù rìn ní gbangba láàríń àwọn Júù, ó sì kúrò níbẹ̀ lọ sí ìletò kan nítòsí aginjù ní ìlú kan tí à ǹpé ní Éfírémù. Níbẹ̀ ni ó dúró pẹ̀lú àwọn ọmọ ẹ̀yìn rẹ̀. ⁵⁵ Báyìí, Àjọ Ìrékọjá àwọn Júù súnmọ́ etílé, ọ̀pọ̀lọpọ̀ sì lọ sí Jerúsálẹ́mù láti orílè-èdè sí ibi àjọ ìrékọjá láti ya ara wọn sí mímọ́. ⁵⁶ Wọ́n ńwá Jésù, wọn sì mbá ara wọn sọ̀rọ̀ bií wọn ṣe dúró ní téḿpílì, "Kí ni o rò? Ṣe kò ní wá sí àjọ̀dún?" ⁵⁷ Báyìí àwọn Olórí Alúfáà àti Farisí pàṣẹ pé bí ẹnikẹ́ni bá mọ ibití Jésù wà, kí wọn sọ kí wọn baà lè mú Un.