¹ Dájúdájú, mo sọ fún un yín wípé: ẹni tí kò bá gba ẹnu ọ̀nà agbo àgùntaǹ wọ ilé, ṣùgbón tí o gba ọ̀nà ẹ̀bùrú wọ ilé; ìgárá ọlọ́ṣà àti olè ni. ² Ẹni tí ó bá gba ẹnu ọ̀nà wọ ilé, ni ojúlówó olùṣọ́ àgùntàn. ³ Asọ́gbà a sílẹ̀kún fún un. Nítorí àwọn àgùntaǹ dá ohùn rẹ̀ mọ̀, ó pè àwọn tirẹ̀, ó daríi wọn jáde. ⁴ Nígbàtí ó sì ti kó gbogbo àgùntaǹ tirẹ̀ tań, ó ṣiwájú wọn, wọn ńtẹ̀lée nítorí wọń mọ ohùn rẹ̀. ⁵ Àmọ́, wọn kò ní tẹ̀lé àjèjì nítorí wọn kò mọ ohùn rẹ̀, ńṣe ni wọn yóò yẹra fún un, nítorí wọn kò mọ ohùn àjèjì. ⁶ Bí Jésù tilẹ̀ sọ̀rọ̀ yìí bí òwe, síbẹ̀ kò yé àwọn ọmọ ẹ̀yìn Rẹ̀. ⁷ Jésù tún tẹ̀ẹ́ mọ́ wọn létí wípé: "Lóòótọ́ lóòótọ́ ni mo wí fún un yín, ⁸ Ìgárá ọlọ́ṣà àti olé ni àwọn tí o ṣaájúù mi wá, àwọn àgùntaǹ kò sì tẹ́tí sí wọn." ⁹ Èmi ni ọ̀nà tàràtá bí ẹnikẹ́ni bá gba ọ̀dọ̀ mi wọ ilé, yóò wọ ilé yóò sì jáde yóò sì rí koríko tútù. ¹⁰ Ṣùgbọ́n ti olè kò rí bẹ́ẹ̀: wọ́n wá láti jalè, láti pa àti láti parun. Ṣùgbọ́n èmi wá láti fuń ni ní ìyè lẹ́kùnrẹ́rẹ́. ¹¹ Láìṣiyèméjì, Olùsọ́ Àgùntaǹ dáradára ni mí. Olùsọ́ àgùtaǹ dáradára fi ẹ̀mí i rẹ̀ lélẹ̀ fùn àgùntàn an rẹ̀. ¹² Alágbàṣe kò dá àgùntaǹ ni, kì í sì í ṣe Olùsọ́ Àgùntaǹ. Ó rí ìkookò lókèerè, ó da àgùntaǹ sílẹ̀, ó sì sálọ, ìkookò kó àgùntaǹ lọ, ó sì da agbo rú. ¹³ Èyí rí bẹ́ ẹ̀ nítorí alágbàṣe kò ní ìtọ́jú fún àwọn àgùntaǹ. ¹⁴ Mo mọ àwọn àgùntaǹ mi àwọn àgùntaǹ mi sì mọ̀ mí, nítorí mo jẹ́ Olùsọ́ Àgùntaǹ dáradára. ¹⁵ Èyí ni Baba ṣe mọ̀ mí tí èmi náà sì mọ Baba, tí mo sì fi ẹ̀mí mi lélẹ̀. ¹⁶ Mo ní àwọn àgùntaǹ míraǹ tí mo gbọ́dọ̀ múwá si ágbo; wọn yóò gbọ́ ohuń mi, yóò sì jásí pé: agbo kan àti Olùsọ́ Àgùntaǹ kan. ¹⁷ Ìdí èyí ni Baba ṣe fẹ́raǹ mi: mo fi ẹ̀mí mi lélẹ̀ fuń ara à mi. ¹⁸ Kò sì si ẹni tí ó lé gbàá lọ́wọ́ mi. Mo ní àṣẹ láti fii lélẹ̀ àti láti gbàá padà. Mo ti gba àsẹ yìí lọ́dọ̀ Baba à mi” ¹⁹ Ìpinyà sì bẹ́ sílẹ̀ láàrín àwọn Júù nítorí àwọn ọ̀rọ̀ náà. ²⁰ Ọ̀pọ̀lọpọ̀ wọn wípé “Ó ni ẹ̀mí èṣù, orí rẹ̀ sì ti dàrú. Ẹ ṣe ntẹ́tí sí I ?" ²¹ Àwọn tí ó kù wípé, “Àwọn ọ̀rò yìí kò le ti ẹnu ẹ̀mí dẹ́mónì jáde. Àbi ẹ̀mí èṣù le lajú afọ́jú bí?” ²² Ó sì tó àkókò ọdún ìyàsímímọ́ ní Jérúsálẹ́mù. ²³ Àkókò yìí jẹ́ ìgbà òtútù. Jésù sì ńrìn ni tẹ́mpilì ni ìloro Sólómónì. ²⁴ Àwọn Júù sì pé bòó (wọ́n pagbo yí I ká), wọ́n wípé, “O ó ti tán wa ní sùúrù pẹ́ to? Bí Krístì bá ni Ọ́, sọ ọ́ ní gbangba.” ²⁵ Jésù sí dá wọn l’óhun wípé: ”Mo ti sọ fuń un yín ṣùgbọ́n ẹ kò gbàgbọ́ pé àwọn iṣẹ́ tí mò ńṣe ní orúkọ Bàbá mi ńjẹ́rìí ohun tí mo jẹ́. ²⁶ Síbẹ̀ ẹ kò gbàgbọ́ nítorí ẹ kì i ṣe àguùntaǹ mi. ²⁷ Àwọn àguǹtaǹ mi mọ ohuǹ mi, mo mọ̀ wọ́n, wọn a sì tẹ̀lé mi. ²⁸ Mo fuń wọn ní ìyè ayéraye, kò sì sí ẹni tí yóò já wọn gbà l’ọ́wọ́ mi. ²⁹ Bàbá mi tí o fiwọ́n fún mi ga ju àwọn yòókù lọ. Kò si sí ẹni tí ó lè jáwọn gbà lọ́wọ́ọ Bàba. ³⁰ Èmi àti Bàba jẹ́ ọ̀kan. ³¹ Lẹ́yìn èyí ni àwọn Júù mú òkúta lẹ́ẹ̀kansíi láti sọ́ lí òkúta. ³² Jésù dáwọn l’óhùn wípé: mo ti fi oríṣiríṣi iṣẹ́ rere láti ọdo Bàbá haǹ yín, nítorí iṣẹ́ rere wo ni ẹ fẹ́ fi sọ mí ní òkúta? ³³ Àwọo Júù dá a lóhùn, “a kò sọ Ọ́ ni òkúta nítorí iṣẹ́ rere, ṣùgbọń nítori ọ̀rọ̀ òdì rẹ, nítorí ìwọ ènìyaǹ nfi ara rẹ wé Ọlọ́run.” ³⁴ Jésù dá wọn lóhuǹ:” a kò a tí kọọ́ sínú òfin yín, ‘Èmí wípé, “Ẹ̀yin ni Ọlọ́run? ³⁵ Bí ó bá pè wọ́n ní Ọlórun lára ẹni tí Bíbélì ti jade (àti 'pé a kò lè yi Ìwé Mímọ́ padà), ³⁶ Ǹjẹ́ ẹ̀yin ṣe lè sọ fún ẹni tí Baba yà sọ́tọ̀ tí Ó sì rán wá sí ayé wípé: 'Ìwọ́ ńsọ̀rọ̀ òdì', nítorí mo wípé, ' Èmi ni Ọmọ Ọlọ́run'? ³⁷ Bí èmi kò bá ṣe àwọn iṣẹ́ Bàbá mi, ẹ máṣe gbà mí gbọ́. ³⁸ Ṣùgbọ́n bí mo bá ńṣe wọ́n, bí ẹ kò tilẹ̀ gbà mi gbọ́, ẹ gba iṣẹ́ ọwó mi gbọ́ kí ẹ̀yin lè mọ̀ wípé Baba ńgbé inú mi, èmi sì ńgbé inú Baba. ³⁹ Lẹ́ẹ̀kansíi, woń gbìyaǹjú láti mú Un, ṣùgbọ́n Ó bọ́, Ó sì lọ sí ilẹ̀ míràn. ⁴⁰ Ó sì tuń lọ lẹ́ẹ̀kan síi kọjá ìlà oòrùn odò Jọ́dánì níbití Jòhánnù ńṣe ìtẹ̀bọmi tẹ́lẹ̀, Ó sì tẹ̀dó síbẹ̀. ⁴¹ Ọ̀pọ̀lọpọ̀ ènìyaǹ sì tọ̀ Ọ́ wá, woń sì wípé: "Jòhánnù kò fi àmì hàn, Ṣùgbọ́n gbogbo ohun tí ó sọ nípa ọkùnrin yìí ni ó jẹ́ òtítọ́. ⁴² Ọ̀pọ̀lọpọ̀ sì gbàgbọ́ nínú Rẹ̀ níbẹ̀.