² Ming ajurane inna nogo, ming nganie inna anyik nogo kavuto, ³ anyahaki atin Maanyi moriz ci adikire ci akunak tiin cigunek, ki vartange, ki zigire, ki naganaganya, ki boret cik ezau. ⁴ Ahaal atin Maanyi tiin cik Israilak ecik Masiro. Azzie atin eena ki tiin cik Israilo adai. ⁵ Arik Tamutadden ii ci oko anyik moriz kiciya; "Azi ne nyik kaal abunna mang ogonie kaala neke.'''' ⁶ Utugu dede Maanyi baling aala gi: Adaito eena ki tiin cik Masirak vellek. Irong abarik kaala cik Israilak adairok code. ⁷ Ijino Varo, ajin zooz ci irong tiina ki eezak cik Masirak adakne. Nganie abarik Varo kobodai zinin cinne, ajurak olli Israilo kar koot. ⁸ Izek Maanyi Moses ki Aaron ne, "Ottie bur ngin wa gon ivade ol tub/ijonya attia ttoc. Azacciek inna ki Moses bur taddien kicin Varo. ⁹ Oko tudawaci neci abunna looce ci Masiro. Anyik eleti kivet kobolbolit kilibet ol ki elegge looce ci Masiro.'' ¹⁰ Idimta Mosesi ki Aaron bur kar kibilet ngume ci Varo. Azacek zin Mosesi bur neci tadden. Nyik buri ol kobolbolit eleti kanyait ngodocet kitozo ol ki elegge ¹¹ Omokte ngareta ngati anyike bolbliten neci anya Mosesi ke; eci ngodoceta buk avte ngatineng ki olli Masiro uge. ¹² Anyik Maanyi zinin ci Varo kodok kak ci irong aziye Moses ki Aaron. Utugu ki baling aduwak Maanyi Moses ki Aaron gi ci okko Varo ogoni ¹³ Izek zin Maanyi Moses ne, "Tinga jena ngeret ingani ngerret, bil ngume ci Varo, kar izek nono ne, 'Azi Maanyi Tamutadden ci olli Hiburu ne: "Anyik ol ciganik koot abunna mang ovvo nege adingdingana anita. ¹⁴ Koko anna atin inyawe neko kitonaki zenrenin inet ki ducak ki olune. Koko kogoni niko kar inna gawa anit mang irong katubona ki eet imma looce cu. ¹⁵ Ming kozoz niko ko kanyahaung wete anna zerenin cik ovvo otokkiung iget looce necu. ¹⁶ Goole ci akanung igeta, kanyung ana iget uruget: Kar kiyeleung iget dowiz cinani, kar zara ciganik kodongte loocowe vellek. ¹⁷ Nganie niga odongu eleti ole ciganik ngati irong anyiku nogo koot. ¹⁸ Iziye! Loza iwe cu koko anna kanyaha ngoot ci adikire ci nganie niga icinet baling ingan akane rok iyoko. ¹⁹ Iyoko zin itonit ol koot kuluta eeza ki tiin ki kaal cigog zara kivitak nginti abunna. Ol cik irong avu orog ki elegge-akunak atin ngooti nogo kuruk nogo kadaito.''''' ²⁰ Oot Mosesi ki ducak ci Varo wak aziye zooz neci aduwak nogo Maanyi ke iyihet oot ulutta langizen ki kaal cigeg ceezi. ²¹ Ol balik irong aziye zooz ci Maanyi ke utungtek langizen cigeg ki kaal zari. ²² Izek zi Maanyi Moses ne, "Uuv Tamu-keng attie cunne kar ngooti kiciyak looc ci Masiro, ki ol,ki elegge, ki kaal wa alinna manene loocowe cik Masiro vellek.'' ²³ Odongek Mosesi cool cinne tamu-keng, ki mang itonak Maanyi ngoot, vurovuro ki borowe ci avadi looc. Udutak enne buk teltelen looc ci Masiro. ²⁴ Urumtai ngootowa neko velek kize gerre wak ci irong katuzek ngootoiok wak baling avunak looc ci Masiro nginti akanne Maseri kize doula. ²⁵ Ovoc tuuli kaal velek looce ci Masiro, ol ki kaal. ²⁶ Adul kaal wa alina ki keen manene velek. Azie tuuli neci looce ci een Goshen. ²⁷ Iton Varo ol koot kutuya Moses ki Aaron. Annek nogo ne, "Kabaca munyen. Een Maanyi eet ci abunna, ovo anna ki ol ciganik kegina gerze. ²⁸ Alaac Maanyi eeci denni ci tuul ize gerza oroot. Koko kanyung iget ooto, irong ngan niga ovo avtu ngatu.'' ²⁹ Izek Mosesi nono ne, "Ming kutungeya anna medina looc, koko kodongik aziin ciganik Maanyi. Okko ngooti abile, oko ngoti azzie. Goole necu okko inna agga mang een looci icu ci Maanyi. ³⁰ Mang een abirik inet ki ducak cigunek, kagga niko irong niga ongolinu Maanyi Tamutadden.'' ³¹ Ize labina wak avte kengti dodo gerze, oot ugag itilizeta kidikiret iina, ki ming atanak ugag. ³² Aruge abarik inyomona ugag wak irong abire ataman. ³³ Baling utungek Mosesi Varo looc medina, uuk odong azzin Maanyi kar kibil ngoti ki tamu. ³⁴ Baling icin Varo ngot ki tamu ibileta, abaca vodok munyen utuhuwet enne ki ducak cigine zinineti ujurtak ol wet. ³⁵ Odoi zinin ci Varo, irong ngan anyik olli Israilo koot. Een necu gool bali uduwak Maanyi Moses gi ci okko Varo ogoni.